Бастони најави верност, останува во Интер уште долги години

Дефанзивецот на Интер, Алесандро Бастони, инсистираше дека неговиот тим сè уште има победнички дух иако во претходната сезона не успеа да освои ниту еден трофеј.

„Многу сум самокритичен, но оваа сезона досега беше добра и резултатите го покажуваат тоа. Не обрнуваме многу внимание на критиките за нашите перформанси во големите натпревари“, рече играчот на „нероаѕурите“.

„Не беше лесно да се рестартираме по изминатата сезона, но тренерот многу ни помогна да ја вратиме самодовербата и желбата за борба. Среќен сум тука и веројатно ќе останам во Интер“ – потенцираше Бастони.