Бенфика го шокира Наполи: Мурињо му возврати на Конте

Бенфика ја приреди најголемата сензација на колото во Лигата на шампионите, совладувајќи го Наполи со 2-0 на Да Луж. Тимот на Жозе Мурињо одигра дисциплиниран и агресивен меч, крунисан со погодоците на Ричард Риос во 20. минута и Леандро Бареиro веднаш по стартот на второто полувреме.

Со триумфот, Бенфика се искачи на шест бодови, но остана на 25. место во лигашката фаза, додека Наполи со седум е 23-ти.

Жозе Мурињо успеа тактички да го надмудри Антонио Конте, победа со посебно значење поради нивното старо ривалство во Премиер лигата. Мурињо изненади со одлуката да го остави на клупата Вангелис Павлидис и да стартува со Франјо Иванович, потег што целосно ја наруши рамнотежата на Наполи.

По мечот, Мурињо кратко ги отфрли приговорите на Конте, нарекувајќи ги „изговори“, што повторно го разгоре нивниот долготраен судир кој своето жариште го имаше во 2018 година.

Бенфика добро се справи со темпото и Наполи воопшто не изгледаше опасен во нападот, а искусниот Николас Отаменди беше столб во одбраната што ги пониште обидите на Наполи. Италијанците создадоа малку вистински шанси, а нивната немоќ најдобро се виде во серијата фаулови и нервоза во финишот.