galerija

Евротип спонзор на првиот меморијален турнир во мал фудбал на Синдикатот на полицијата во Македонија СПМ

Синдикатот на полиција во Македонија- СПМ кој функционира во рамките на Министерството за внатрешни работи од 2020 година, организираше фудбалски турнир (футсал) кој се одржа во Виница од 19-ти до 21-ти мај. Турнирот беше посветен на загинат бранител во кофликтот од 2001-та година и претставува дел од програмата на синдикатот за заштита на бранителите и нивното дело и наследство во Македонија. На турнирот учество зедоа 8 екипи меѓу кои и екипите на СПМ Виница, СПМ Струмица и СПМ Битола. Евротип одговори позитивно на барањето за спонзорство на овој фудбалски турнир и донираше 13 комплет дресови и топка за футсал со што ја опреми екипата на синдикалната организација на Битола.

Евротип е општествено – одговорна компанија која функционира во рамките на КС Групација. Како голем поддржувач на спортот и спортските настани секогаш им излегува во пресрет на барањата за спонзорства на поединци, спортски клубови и организации кои доставуваат барање до компанијата. Евротип како и сите други компании кои се дел од КС Групација делуваат во своето опкружување со висок степен на општествена одговорност бидејќи веруваат дека со личен пример може да поттикнат засилен развој на социјално – општествена култура со што ќе се подобри сликата за животот и бизнис работењето во Македонија. Исто како и досега така и во иднина Евротип ќе продолжи да ги поддржува спортот и спортските настани во Македонија бидејќи спортот треба да стане дел од секојдневието на секој човек кој сака да се заштити од преголемото ниво на стрес кој го иницира динамичното темпо на живеење.


ФК Пелистер го прослави своето враќање во Првата Македонска Фудбалска Лига

После неколку години игра во Втората македонска фудбалска лига (ВМФЛ) Фудбалскиот клуб Пелистер се врати на голема врата во прволигашкото друштво. Екипата на Пелистер на две кола пред крајот во Втората лига успеа да обезбеди своја промоција во Првата македонска фудбалска лига (ПФМЛ) со што Битола ќе може да ужива во прволигашки фудбал. Враќањето на Пелистер во првата лига доаѓа во вистинско време кога стадионот “Петар Милошевски” во Битола конечно блесна во полн сјај со што се зголеме веројатноста дека од есен ќе гледаме натпревари под рефлектори во Битола.

Во опуштена атмосфера и видно расположение во ресторанскиот дел на комплексот Голд Фелициа фудбалерите и управата на ФК Пелистер го прославија враќањето на тимот во клубот на прволигашите.
Од почетокот на сезоната 2023/2024 Евротип официјално е нов спортски пријател и спонзор на клубот чие лого го краси дресот и стадионот во целиот период на сезоната. Евротип важи за компанија која е позната по инвестирање во спортот, а особено на брендот “Пелистер”. Евротип го препозна проектот на ФК Пелистер и како бетинг спонзор гордо застана зад амбициите и очекувањата на клубот кон патот до успехот.


КС Групација потпиша меморандум за соработка со УКЛО

Во петокот на 17ти мај во просториите на Ректоратот на Универзитетот “Свети Климент Охридски”-Битола, беше потпишан Меморандум за меѓусебна соработка помеѓу компаниите кои се дел од КС Групацијата и Универзитетот “Свети Климент Охридски”-Битола. Договорот ја вклучува програмата за стипендирање која КС Групација ја започна уште минатата година и активно ја промовираше на неколку единици од универзитетот во изминатиов период. Потписници на договорот беа сопственикот на КС Групација господинот Никола Митровски и ректорот на Универзитетот “Свети Климент Охридски”-Битола, проф. д-р Игор Неделковски.

Овој Меморандум за соработка е резултат на програмата за општествена одговорност на КС Групација чиј основен постулат е вложување во иднината на новите генерации. Младите се идните лидери на ова општество и затоа е најважно да се вложи во нивното образование бидејќи она што ќе се посее тоа и ќе се жнее. Програмата за стипендирање на КС Групација ги опфаќа средношколци и студенти и вклучува двомесечна платена пракса со менторска подршка во канцелариите на Групацијата во Битола.

Овој Меморандум претставува симбиоза во соработката помеѓу два клучни ентитети во општеството и тоа образовните институции и бизнис заедницата која на директен начин поттикнува синергија помеѓу образовниот и бизнис секторот. Оваа синергија е најважниот елемент во обликувањето на идните академски граѓани кои несомнено ќе треба да го превземат кормилото на нашиот општествен брод кој е соочен со тонење ако не се реагира навремено.

“Нашата програма за стипендирање ги опфаќа сите студенти почнувајќи од бруцоши па се до апсолвенти. Ние доделуваме стипендии за 10 месеци вклучувајќи и платена пракса од 2 месеци со што нашите стипендии добиваат формат на годишно стипендирање со исплати на месечно ниво. Стипендиите имаат раст во зависност од успехот на студентот и најважно од се нашата групација доделува неограничен број на стипендии. По завршувањето на програмата за стипендирање нашите стипендисти стануваат дел од нашиот тим бидејќи самата програма нуди можност за вработување. Сигурни сме дека на овој начин придонесуваме за професионален раст и развој на студентите и им даваме мотив да останат во својата родна земја. Минатата година доделивме стипендии на студенти од Факултетот за информатички и комуникациски технологии. ” – изјави Марија Бошевска од секторот за човечки ресурси од КС Групација.


Преку поддршката на образованието и професионалниот развој на учениците и студентите компаниите можат директно да учествуваат во подобрувањето на општествената слика на една држава. Затоа КС Групацијата сака со личен пример да ги поттикне останатите компании од своето деловно опкружување да покажат повисок степен на општествена одговорност бидејќи само со здружени сили може да се подобри нашето живеење. КС Групација ќе продолжи со својата програма за општествена одговорност и ќе се труди постојано да ја подобрува и надоградува со елементи кои смета дека се од клучно значење за обезбедување на подобри услови за раст и развој на сите луѓе во општеството.

Подетални информации околу програмата за стипендирање на КС Групација може да прочитате на следниов линк: https://klubsport77.mk/stipendii/


Евротип и Голд Слот поддржувачи на 12тиот Меѓународен Велигденски Кошаркарски Турнир во организација на КК Младост од Битола

Минатиот викенд на 11ти и 12ти мај се одржа првиот дел од Меѓународниот Велигденски турнир во кошарка чиј организатор е кошаркарскиот клуб “Младост” од Битола. Натпреварите се играа во 4 спортски сали низ Битола и тоа: градската спортска сала “Боро Чурлевски”, училишната спортска сала “Д-р Јован Калаузи”, училишната спортска сала „Јосип Броз Тито“ и училишната спортска сала “Јане Сандански”. Во првиот дел од кошаркарскиот турнир имаше категории за момчиња родени во 2012 и 2013 година, девојчиња родени во периодот од 2010 до 2012 година како и мешана категорија за млади кошаркари и кошаркарки родени во периодот од 2014 до 2016 година. Вториот дел на турнирот ќе се одржи на 17ти и 18ти мај и на него учество ќе земат ветерани во кошарка и тоа жени над 40 години и мажи над 45 години.

Свеченото отварање на турнирот се одржа во спортската сала “Д-р Јован Калаузи” каде беа присутни претставници на спонзорите на овој турнир на кои им беа доделени благодарници за нивната поддршка на турнирот. Евротип и Голд Слот компании кои се дел од КС Групација се едни од поддржувачите на овој Меѓународен Велигденски Кошаркарски турнир. Овие компании обезбедија маички за учесниците во турнирот како и за останатиот тим кој беше вклучен во организацијата и реализацијата на самиот турнир. Овој турнир ги спојува децата и ветераните со љубовта кон кошарката и спортот. Евротип и Голд Слот и во иднина ќе продолжат да ги поддржуваат спортските настани и манифестации бидејќи поддршката на младите и спортот е една од основните постулати врз кои се темели програмата за општествена одговорност на цела КС Групација.

Со поддршката на овој турнир компаниите Евротип и Голд Слот директно го поддржуваат и економскиот развој на град Битола бидејќи овој турнир не е само за спортистите туку е за добробит на целата општина. Како што младите учествуваат и растат во спортот така тие стануваат лидери во својата заедница и пример за следните генерации. Сите компании кои се дел од КС Групација сакаат со личен пример да ги поттикнат останатите компании да се вклучат во поддршка на младите и спортот за да им дадеме мотивација на младите да се ориентираат кон спорт и здрави навики.


Празнувајте ја Женската Сила секој ден!

По повод меѓународниот ден на жената 8-ми март компаниите на КС Групацијата (Голд Фелициа, Голд Слот, Евротип, КС Сервис и Премиум Сејфти Солушн) организираа неколку активности во духот на општествената одговорност. Секоја жена, мајка, девојка заслужува признание за својата улога во обликувањето на општеството и за придонесот кој го дава секој ден. Компаниите од КС Групацијата постојано ги поддржуваат и охрабруваат жените, бидејќи токму тие се двигател на промени од социјален и економски аспект.

Една од тие активности беше поддршката на Голд Фелициа за Конкурсот на Краток Расказ кој 11та година по ред го организира Организацијата на жени од Битола во соработка со НУ Универзитетска Библиотека Св.Климент Охридски – Битола. Темата на конкурсот беше ,,И цвеќе и шлаканица”.
Беа доделени по 3 награди во двете категории – категорија ученици и категорија возрасни.
Претставници од канцелариите на дирекцијата на КС Групација беа присутни на настанот и му ги доделија наградите на среќните добитнички.

На 7-ми март претставнички од канцелариите на дирекцијата на КС Групација присуствуваа на панел дискусија на тема: „Успехот не е случајност. Жените инспирираат и создаваат!“ во организација на Советот за женско претприемништво на општина Битола која се одржа во Офицерскиот Дом. Целта на настанот беше да се прослават жените во бизнисот, достигнувањата на жените, а со тоа да се подигне свеста против дискриминацијата и да се преземаат акции за поттикнување на родовата еднаквост.

На 8-ми март Голд Фелициа донираше професионален инхалатор на клиничката болница “Д-р Трифун Пановски” на одделот Педијатрија. Инхалаторот беше купен со парите од Новогодишниот хуманитарен базар кој се одржа во луксузниот амбиент на Голд Фелициа. Хуманитарниот базар беше организиран во соработка со Ротари Клубот – Битола Широк Сокак и приватната детска градинка Мали Чекори. Инхалаторите ќе бидат од голема важност при секојдневното работење со малите пациенти.
Нашата групација сака да биде пример за сите останати компании и со личен пример да поттикне промени во општеството. Менаџерскиот тим на групацијата сака да акцентира дека “Нашето малку за некого е многу” и повикува на поголема општествена одговорност кај сите компании.


Нова крводарителска акција на КС групација под мотото “Дарувај крв – Спаси живот”

Евротип, Голд Слот, Голд Фелиција, КС Сервис, Премиум Сефти Солушн како општествено одговорни компании ги негуваат хуманитарните вредности во чиј дух денес ја спроведија 11та по ред крводарителска акција на која се приклучија и вработените од ЈК Травел, Минт Финтек Груп и СН Финансии.

 Во канцелариите на Евротип се одржа крводарителската акција на која беа собрани 40 крвни единици. Според бројот на собрани единици оваа акција е најмасовната од досегашните акции. Акцијата наиде на голем одзив помеѓу вработените на КС групацијата.

На оваа акција покрај вработените од Битола, течност која живот значи даруваа и вработени од градовите Ресен, Прилеп и Охрид.

Организаторите на оваа акција сакаат преку личен пример да ги поттикнат и другите компании во Македонија да се охрабрат и да организираат крводарителски акции бидејќи преку ваков тип на акции не само што ја докажуваме нашата хуманост туку и даруваме “можност” за продолжување на нечиј живот.


Ново уплатно место на Евротип во Гостивар

Дел од атмосферата на вчерашното свечено отворање на ЕВРОТИП спортската обложувалница во ГОСТИВАР, ул. ЈНА бр.288 (Нов Монтенегро).
Посетителите и гостите ја почувствуваа атмосферата на одличната забава, на која беа доделувани многу награди и ваучери.


КС ГРУПАЦИЈАТА СО СПЕКТАКУЛАРНА ПРЕДНОВОГОДИШНА ЗАБАВА ГИ ПРОСЛАВИ ДОСТИГНУВАЊАТА ВО 2023 ГОДИНА

На 24ти Декември 2023 година, КС Групацијата составена од компаниите Евротип, Голд Слот, Голд Фелициа, КС Сервис, Агроброд, Премиум Сејфти Солушн и 77битс беше домаќин на предновогодишна прослава во ресторанот Голд Фелициа. Ноќта беше посветена на одбележувањето на извонредните достигнувања, колективните триумфи и успеси постигнати од семејството на КС Групацијата во текот на целата година. 

Вечерта ја одбележаа бројни признанија  и награди покажувајќи ги исклучителните таленти и посветеноста на поединци кои се истакнаа во годината која изминува. Меѓу наградените беше и Александар Шуковски, признат како најдобар вработен во  Дирекцијата на КС Групацијата, што е доказ за неговата непоколеблива посветеност и примерен придонес.

За најдобар оператор во рамките на спортските обложувалници Евротип беше прогласена Ана Митковска од Битола. На второто место е Томислав Ристов од Штип, а трет е Бранко Парталоски од Струга. Овие признанија беа доделени  на регионалните предновогодишни забави во Штип и Струга.

Дополнително, во рамките на Голд Слот Клуб, беа доделени награди на исклучителни вработени за нивниот  придонес. Титулата за најдобар вработен за 2023 година ја освои битолчанката Андријана Алексовска, второто место го обезбеди Лилијана Данилоски од Кичево, а на третата позиција е Симона Стојкоска од Тетово. Наградите за нивната посветеност им беа доделени на регионалните предновогодишни забави кои се одржаа во Кичево и Тетово.

Исто така, награда беше доделена и на Иванчо Ивановски, прогласен како најдобар вработен во Голд Фелициа.

Признавајќи го значењето на колаборативната поддршка, специјална плакета и беше доделена на Групацијата од Кочани за најпосветен поддржувач на социјалните мрежи на КС Групацијата. Ова признание му беше врачено на Виктор Новков, менаџерот од Кочани.

Покрај оваа прослава традиционално како и секоја година беа организирани регионални предновогодишни забави  каде им беа доделени награди на други заслужни вработени. Предновогодишната прослава во Голд Фелициа одекна со радост, благодарност и заедничко чувство за остварување. КС Групацијата се гордее со посветеноста и достигнувањата на своите исклучителни вработени и ценети партнери. Додека гледаме напред кон новата година, овие достигнувања стојат како доказ за непоколебливата посветеност на извонредноста и ветувањето за континуиран успех и раст.


КС ГРУПАЦИЈАТА ВО ПАРТНЕРСТВО СО ЛОКАЛНИ ОБРАЗОВНИ ИНСТИТУЦИИ ЗА ПОДДРШКА НА МЛАДИТЕ И ОБРАЗОВАНИЕТО

На 24  Ноември  во елегантниот амбиент на ресторанот Голд Фелициа во Битола, директорите на КС Групација, претставници на Евротип, Голд Слот Клуб, Голд Фелициа, КС Сервис, Агроброд, Премиум Сејфти Солушн и 77битс  во соработка со локалните образовни институции ги  потпишаа договорите за стипендирање и практиканство со учениците од средното училиште СОЕУ „Јане Сандански“ , како и студенти од Факултетот за Информатички и Комуникациски Технологии  од  Битола и Меѓународниот Славјанскиот Универзитет.

Овие партнерства со локалните образовни институции означуваат моќна соработка помеѓу бизнис секторот и идните лидери на Битола. Договорите вклучуваат стипендии кои обезбедуваат финансиска помош за студентите, додека програмите за практиканство се дизајнирани да обезбедат искуство и менторство од реалниот свет Овие иницијативи колективно поттикнуваат средина на академска извонредност и личен раст.

Покрај формалните договори, настанот беше исполнет со забава и  ентузијазмот на сите вклучени во негувањето на соништата и аспирациите на младите.

Идните стипендисти на КС Групацијата се: Петар Митревски студент во прва година на факултетот за Информатички и Комуникациски Технологии, Валентин Стојановски студент во втора година на факултетот за Информатички и Комуникациски Технологии, Марко Зајковученик во прва година во средното економско училиште СОЕУ „Јане Сандански“, Анастасија Велевска од Факултетот за Економија- смер финасии и банакрство од Меѓународниот Славјанскиот Универзитет и Ана Марија Крстевска од Факултетот за Економија -смер менаџмент и претприемништво од Меѓународниот Славјанскиот Универзитет.

На свеченото доделување свое обраќање имаа продеканот на Факултетот за Информатички и Комуникациски Технологии Проф. Др. Божидар Миленковски, в.д директорката на Средното Oпштинско Eкономско Училиште „Јане Сандански“ – Билјана Јанкуловска, Игор Михајловски раководител на одделение на Меѓународниот Славјански Универзитет во Битола и Марина Милошевска комерцијален директор на КС Групацијата.

Потпишувањето на овие договори за стипендии е значајна пресвртница во напорите на КС Групацијата за промовирање на општествената одговорност и го отвора патот за повеќе иницијативи кои ги поддржуваат младите и образованието во Битола. Тоа е извонреден пример за тоа како корпоративниот сектор и образовните институции можат да ги здружат силите за да имаат позитивно влијание врз животите на следната генерација.

https://klubsport77.mk/stipendii/


УПЛАТИ ТИКЕТ И ДОБИЈ ГРАТИС КАФЕ !

Од 10-ти Октомври до 10-ти Ноември во наведените локации на ЕВРОТИП спорт кафе во Кратово, Куманово,Врапчиште, Кочани, Пробиштип, Виница, Штип , Гостивар, Струмица, Кавадарци и Охрид, искористете ја промоцијата “УПЛАТИ ТИКЕТ И ДОБИЈ ГРАТИС КАФЕ“!

Во временскиот период од 09:00 до 12:00 час. со уплатен тикет со минимална вредност од 100 ден добивате гратис кафе!