Oстапенко пак лесно ја победи Швјонтек

Елена Остапенко уште еднаш ја совлада Ига Швјонтек. Летонката во меѓусебните дуели води 5:0 против Швјонтек откако во полуфиналето победи убедливо со 6-3, 6-1.

Остапенко избори пласман во финалето на ВТА турнирот во Доха.

Летонката, 73. на ВТА листата, од стартот покажа во која насока ќе се движи мечот. Направи два брејка во првиот сет, три во вториот во кој Швјонтек, втора на ВТА листата, го искрши својот рекет.

Остапенко за трофејот ќе се бори против победничката од дуелот меѓу Екатерина Александрова и Аманда Анисимова.