Бекам го отпушти тренерот на Интер Мајами, доведува легенда на Јунајтед?

Американскиот фудбалски прволигаш Интер Мајами, чиј сопственик е Дејвид Бекам, му врачи отказ на уругвајскиот стручњак Диего Алонсо.
Мајами во својата прва МЛС сезона заврши на 10. место во Источната конференција и не успеа да се пласира во првото коло од доигрувањето.
„Беше ова тешка година и доста тешка одлука за сите нас, но веруваме дека тоа е вистинскиот чекор за клубот. Нашите очекувања се големи.“ – изјави Жорге Мас, еден од косопствениците на клубот.
Британските медиуми јавуваат дека најголем кандидат за испразнетото место на клупата е селекторот на англиската женска репрезентација, Фил Невил.
Поранешниот соиграч на Бекам веќе најави дека ќе ја напушти репрезентацијата кога во јули годинава ќе истече неговиот договор.