Македонската А репрезентација денеска го имаше првиот собир во пресрет на јунските квалификациски натпревари за СП 2026 против Белгија (6. јуни, Скопје) и Казахстан (9. јуни, Астана).

Напаѓачот Александар Трајковски смета дека сите треба максимално да се стават во функција на тимот.

„Сега е крајот на сезоната, завршуваме во клубовите, но овој циклус е многу важен за нас и мора максимално да се фокусираме на овој циклус. Првиот меч ни е дома со Белгија, потоа одиме во Казахстан, мислам дека сите треба максимално да се стават во функција на тимот. Можеби е тешко затоа што е крај на сезона, но по овие два меча може да се одмориме. Се надевам на најдоброто. Почнавме добро, се надевам дека со Белгија ќе покажеме поголема концентрација до крајот на мечот, да извлечеме поука од тој меч со Велс“.

Италијанскиот фудбалски тренер Винченцо Италијано го продолжи договорот со Болоња до 30. јуни 2027 година, објави клубот денес.

Италијано ја презеде функцијата на почетокот од оваа сезона и ја предводеше Болоња до титулата во Купот на Италија, првиот трофеј на клубот по 51 година.

„Среќен сум што ја продолжуваме нашата соработка. Со нетрпение очекуваме да учествуваме во возбудливи натпреварувања и да ги постигнеме целите заедно. Се гледаме во јули, поподготвени од кога било“, рече Италијано, според веб-страницата на клубот.

Болоња ја заврши сезоната на деветтото место на табелата во Серија А, а следната сезона ќе игра фазата по групи во Лига Европа.

По Родриго и Милош Вељковиќ, засилување на Црвена Звезда ќе биде и голманот Марко Дмитровиќ.

Искусниот српски голман и поранешен репрезентативец на Србија ги договорил личните услови и како слободен играч ќе потпише договор со Црвена звезда.

Дмитровиќ бранеше за Леганес, но не успеа да избори опстанок во Примера. Неговиот договор со Леганес заврши автоматски по испаѓањето на овој клуб во Сегунда.

Инаку, Дмитровиќ потекнува од школата на Црвена звезда, но поради силната конкуренција не доби шанса да дебитира за првиот тим, па својата кариера ја изгради во странство, во Ујпешт, Чарлтон, Алкоркон, Еибар, Севилја и Леганес

Бранеше 19 пати за српската репрезентација.

Кол Палмер одигра клучна улога во триумфот на Челзи од 4-1 над Бетис во финалето на Конференциската лига. Младиот офанзивен играч од средниот ред асистираше за головите на Енцо Фернандез и Николас Џексон, а по завршувањето на натпреварот заслужено беше прогласен за играч на натпреварот.

„Во второто полувреме го зголемивме интензитетот и игравме подобро. Бев уморен од враќање на топката или играње настрана. Го видов Енцо Фернандез како се вмешува и му ја подадов – истото се случи и за вториот гол“, рече Палмер.

„Покажавме карактер за да го свртиме натпреварот – горд сум на тимот“, додаде тој.

Баерн Минхен и официјално го објави трансферот на Џонатан Тах.

Гигантот од Минхен потпиша договор со 29-годишниот централен дефанзивец до 30 јуни 2029 година.

Тој се пресели во Баерн како слободен агент откако му истече договорот со Баерн. Како што објавија од клубот, тој во дресот на Баерн ќе настапи со бројот 4.

Тренерот на Челзи Ензо Мареска не криеше гордост после доминантната победата од 4 спрема 1 против Реал Бетис во финалето од Конференциската Лига, нагласувајќи дека оваа победа е голем чекор во создавањето на вистински победнички менталитет во клубот. Тој додаде дека големата инвестиција што клубот ја направи во млади таленти во последните неколку години создаде високи очекувања, а овој триумф е одлична основа за идни успеси. 

Со оваа победа, Челси стана првиот клуб кој успеал да ѓи освои сите четири три европски клубски натпреварувања – Лигата на Шампионите, Лигата на Европа и Конференциската Лига. Капитенот Рис Џејмс потенцираше колку ова е значајно достигнување, посочувајќи дека клубот едноставно не може да прифати ништо помалку од победа, особено со оглед на финансиските можности што ги има. 

Гледајќи кон иднината, Челси не запира. Клубот е близу до договор вреден 30 милиони фунти за потпис со напаѓачот на Ипсвич, Лиам Делап, а паралелно се разгледуваат и други засилувања. Сето тоа е дел од планот на Мареска за градење доминантен тим, кој ќе се потпира на млади таленти. Целта е јасна – да се задржи позитивниот замав и да се стремиме кон врвните титули и во домашните и во европските натпреварувања. 

Во неодамнешно интервју со Филип Мишов, Пандев ги поттикна играчите на Интер да веруваат во себе пред финалето. „Тие го заслужија своето место поради тешките натпревари и ја заслужуваат оваа можност“, рече тој. „Победата во два тешки натпревари едноставно не е лесна – потребен е силен и самоуверен тим. Верувам дека Интер може да одговори на предизвикот.“ 

Интер се подготвува за финалето во Лигата на Шампионите против Париз Сен Жермен во Минхен. По разочарувањата во Серија А, ова финале претставува важна шанса за спасување на нинвата сезона. Тренерот Инзаги истакна дека многу од играчите се искусни ветерани, што ја прави ова можеби нивна последна шанса да освојат голем европски трофеј. 

Пандев, со љубов се сеќаваше на времето поминато во Интер за време на незаборавната сезона 2009-2010 кога тимот ја освои тројната круна. Тој ја опиша радоста и славењето по освојувањето на Лигата на Шампионите како искуство кое нема споредба. „По освојувањето на тројната круна, речиси сите беа пијани“, се пошегува Пандев. Тимот се врати во Сан Сиро полн со возбуда и трајни спомени. 

Ливерпул поставил висока цена за Кванза, откако се појави интерес од клубови од Премиер Лигата и Бундеслигата. Дефанзивецот, кој оваа сезона има ограничена минутажа, привлекува внимание од неколку врвни тимови во Европа. Клубот на Енфилд сака да ја искористи неговата пазарна вредност и не планира да го пушти за пониска сума. 

Интересот само расте, што отвора можност за трансфер во текот на летото. Сепак, се чекаат понуди кои ќе одговараат на очекувањата на Ливерпул. Иднината на дефанзивецот останува неизвесна, а клубот е подготвен да ги разгледа сите солидни понуди. 

Ограничените настапи оваа сезона предизвикаа шпекулации за неговата улога во тимот. Иако од Ливерпул не потврдуваат официјални преговори, интересот што расте укажува дека трансферот е реална опција. Одлуката ќе зависи од понудите што ќе стигнат и од тоа како клубот го гледа неговиот потенцијал за иднината. 

Според Фабрицио Романо, Челси е на чекор до договор за трансфер на напаѓачот Лиам Делап од Ипсвич за сума од 30 милиони фунти. 22-годишниот напаѓач имаше одлична сезона во Премиер Лигата, постигнувајќи 12 голови и 2 асистенции во 37 настапи, што привлече внимание од неколку големи клубови како Манчестер Јунајтед, Њукасл и Евертон. Сепак, пласманот на Челси во Лигата на Шампионите им дава предност во трката за неговиот потпис. 

Трансферот дополнително го олеснува и фактот што Делап има претходна соработка со менаџерот на Челси, Ензо Мареска, со кој работел во младинскиот тим на Манчестер Сити. Мареска го опиша Делап како фантастичен играч и идеално решение за нападот на Челси. 

Лиам Делап веќе ја прифати понудата од Челзи и е подготвен за трансфер. Менаџерот на Ипсвич, Киран Мекена, јавно призна дека е свесен за интересот и му дозволи на Делап да ја разгледа опцијата за заминување. 

Ако трансферот се реализира, Делап ќе се приклучи на Чезси, клуб што сака да гради силен и млад тим под водство на Мареска, со јасна цел да го засили нападот за следната сезона.