Италија е подготвена да биде домаќин на остатокот од сезоната на Украинското фудбалско првенство.
Ова го соопшти првиот човек на Италијанската фудбалска федерација (ФИГЦ) Габриеле Гравина.
„ФИГЦ е подготвен да биде домаќин на натпревари од украинскиот шампионат, бидејќи сакаме да им помогнеме. Работиме и на други иницијативи“, рече Гравина во интервју за Кориере дела Сера.
Првенството на Украина беше прекинато на 24 февруари.
Никита Мазепин и официјално нема да вози оваа сезона во Формула 1. Имено неговиот, сега веќе поранешен тим Хас, одлучи да му го раскине договорот на рускиот возач и да го отстрани од тимот.
Причината е војната во Украина. Познато е дека семејството Мазепин е во блиску односи со претседателот на Русија. Одлуката, тимот на Хас ја образложи дека како и целиот свет и тие се шокирани од случувањата во Украина и дека го раскинуваат договорот не само со возачот туку и со руските спонзори.
Европското првенство во фудбал во 2028 година најверојатно ќе се одржи во Велика Британија и Ирска.
Фудбалските сојузи на Англија, Северна Ирска, Велс, Шкотска и Ирска поднесоа заедничка апликација пред еден месец и, очигледно, ќе победат без противници.
Според весникот Дејли меил, Турција ќе ја повлече својата апликација затоа што загуби на два претходни избори за Евро 2016 и Евро 2024.
Дејли Мејл, исто така, верува дека Русија нема да се квалификува за домаќин на Евро 2028, бидејќи земјата е суспендирана од турнирите на ФИФА и УЕФА.
Роџер Федерер изјави дека би требало да се врати на тенискиот терен на крајот од летото или на почетокот на есента. Швајцарецот беше присутен на велеслаломската трка во Ленцерхајде, и притоа кажа дека е оптимист во поглед на иднината.
„Влегувам во фаза во која можам да размислувам за враќање на играњето тенис. Имав добра магнетна резонанца пред неколку недели и тоа ми дава оптимизам. Сега се чувствувам многу подобро, и планирам да започнам со натпревари до крајот на летото или на почетокот на есента. Вистинска одлука беше да паузирам и да се опоравувам после Вимблдон, бидејќи не можев да продолжам да играм поради големи болки во коленото“, потенцира Федерер.
Француските медиуми пренесуваат дека поранешниот капитен на Реал Мадрид, Серхио Рамос, ќе го напушти тимот на Париз Сен Жермен по завршетокот на сезоната.
Иако минатото лето, 35-годишниот дефанзивец, потпиша две годишен договор со клубот од Париз, многу веројатно е дека тој ќе ја одработи само оваа сезона.
Од самото пристигнување во ПСЖ, Рамос се мачи со повредите и не успеа да се врати во посакуваната форма.
Тренерот на Ливерпул, Јирген Клоп изјави дека би можел да остане на кормилото на клубот по завршувањето на неговиот актуелен договор во 2024 година, под услов да има енергија за тоа.
Претходно Германецот рече дека не знае дали ќе го продолжи договорот со клубот од Енфилд.
Го сакам тоа што го работам, но неколку пати кажав дека одлуката дали ќе останам во клубот ќе зависи од моето ниво на енергија и можно е таа одлука да ја донесам во последен момент“, изјави 54-годишниот тренер.
Јирген Клоп му се приклучи на Ливерпул во 2015 година, и им помогна на „црвените“ да ја освојат Премиер лигата, Лигата на шампионите, ФИФА Клупското првенство како и Лига купот минатиот викенд.
Екипата на Јувентус има план за доведување на Пол Погба од Манчестер Јунајтед.
Договорот на Французинот со тимот од Олд Трафорд истекува летово, и најверојатно тој нема да ја продолжи соработката со Англичаните.
Италијанскиот весник Газета дело Спорт пишува дека Јувентус е подготвен да му понуди на Погба годишна плата од 7,5 милиони евра, сума која би се искачила и до 10 милиони евра во зависност од резултатите и освоените трофеи. Договорот би бил потпишан на три години.
Останува да се види дали Јувентус ќе успее во своите намери Пол Погба повторна да заигра во црно-белиот дрес на „старата дама“.
Формула 1 тимот Хаас, поради инвазијата врз Украина, одлучи да го раскине договорот со рускиот возач Никита Мазепин.
Хаас го раскина и договорот со руски Уралкали, кој беше главен спонзор на тимот и е во сопственост на таткото на Мазепин.
23-годишниот Никита Мазепин своето деби во Формула 1 го имаше минатата година.
ФИА на 1.март им дозволи на руските возачи да се тркаат под неутрално знаме. Употребата на национални симболи, бои, знамиња и изведување на државната химна е забранета на меѓународни натпревари. Истите мерки важат и за возачите од Белорусија.
Дефанзивецот на РБ Лајпциг, Јошко Гвардиол може да ја продолжи кариерата во англиската Премиер лига. Лондонскиот Тотенхем е заинтересиран за услугите на 20-годишниот играч, пишува „Дејли Меил“.
Според изворот, Тотенхем очекува да потпишат со хрватскиот фудбалер на лето. Гвардиол игра за РБ Лајпциг од 2021 година, каде се пресели од Динамо Загреб за 18,8 милиони евра. Договорот на играчот со клубот е со важност до 30 јуни 2026 година.
Според „Трансфермаркт“, пазарната вредност на играчот е 25 милиони евра. Гвардиол оваа сезона одигра 22 натпревари во германската Бундес лига, постигна два гола и имаше две асистенции. Исто така играчот има одиграно шест натпревари во актуелната сезона во Лигата на шампионите.
Турски бизнисмен објави дека е многу блиску до комплетирање на зделката за купување на Челзи.
Станува збор за Муслин Бајрак, кој е претседател на AB Group Holding компанијата, која инвестира во многи сфери во енергетиката, градежништвото, туризам и бродоградетелство.
„Преговараме со адвокатите на Роман Абрамович. Веќе сме во фаза каде што недостасуваат уште потписи. Многу скоро ќе го развееме турското знаме во Лондон. Оваа зделка ќе биде многу важна за Турција. Нашите адвокати се во контакт со Абрамович уште од првиот ден кога стана јадно дека ќе го продава клубот“, додаде турскиот бизнисмен.
Компанијата на Бајрак има и други инвестиции во Лондон, како и Италија, Шпанија и Грција.
