На состанокот на Извршниот комитет на УЕФА во Нион се донесени одлуки и за големи промени во Лигата на нации кои ќе стапат на сила во септември 2024 година.

Лигата на нации ќе биде проширена со нокаут рунда која ќе се игра во март, со што ќе се создаде континуитет меѓу групната фаза која завршува во ноември и завршниот турнир кој се игра во јуни.

Според досегашниот формат на Лигата на нации, победниците на групите од А дивизијата се пласираа на фајнл-форот. Сепак, од следното издание на Лигата на нации 2024/25 ќе се воведе четвртфинале во кое победниците и второпласираните од групите од А дивизијата ќе играат меѓу себе дома и на гости во март, а победниците од тие натпревари ќе се пласираат на фајнл-форот.

Промена има и во пониските дивизии. Како дел од промената на форматот, ќе се воведат и пласмани за промоција и испаѓање, третопласираните екипи од дивизијата А ќе играат против второпласираните од дивизијата Б, а третопласираните екипи од дивизијата Б против второто пласирани екипи од дивизија Ц. Натпреварите ќе се играат дома и на гости, при што победниците одат во повисоката, а поразените во пониската дивизија.

Фудбалскиот клуб Барселона планира доведување на јапонскиот фудбалер од редовите на Ајнтрахт Франкфурт, Даичи Камада.

26-годишниот репрезентативецот на Јапонија, за помалку од половина година, станува слободен фудбалер бидејќи му истекува договорот со неговиот актуелен клуб од Бундеслигата.

Оваа сезона Камада кој е офанзивец од средината на теренот, во дресот на Ајнтрахт од Франкфурт, има постигнато 7 гола и 3 асистенции на 15 натпревари, но обидите на клубот од Германија за нов договор со фудбалерот завршија без успех.

Фудбалскиот клуб Ајакс преку соопштение на официјалниот клупски сајт информира дека го отпушти тренерот Алфред Шредер.

„Ајакс одлучи да го смени Алфред Шредер. Тренерскиот договор беше со важност до 30.јуни 2024.година, но истиот ќе биде раскинат веднаш. Големиот број на загубени бодови и недоволното развивање на тимот се главните причини за оваа одлука. Управата на клубот повеќе нема доверба во понатамошна соработка“, стои во соопштението на клубот.

Своја изјава околу одлуката за тренерската смена, даде и извршниот директор на клубот, Едвин ван дер Сар, кој вели дека и покрај големиот број на трансфери и заминување на играчи, тренерот Шредер сепак имал достоен шампионски тим, меѓутоа екипата во последните неколку недели изгуби голем број на бодови и не бил забележан никаков напредок“, потенцира Ван дер Сар.

Медиумите од Италија пренесуваат дека раководството на Рома ја прифатило понудата од премиерлигашот Бурнмаут за фудбалерот Никола Заниоло.

За финална реализација на трансферот потребно е уште договорање на личните услови на Заниоло и клубот од Англија.

Желба на Заниоло е продолжување на неговата кариера во  Милан, меѓутоа италијанскиот шампион не успеа да се договори со Рома околу висината на обештетувањето. 23-годишниот Заниоло пристигна во Рома во 2018.година од екипата на Интер, и досега има постигнато 24 гола на 128 натпревари

Англискиот клуб Виган, кој се натпреварува во Чемпионшип, соопшти дека ја прекина соработката со тренерот Коло Туре.

Поранешниот фудбалски репрезентативец на Брегот на Слоновата Коска, е сменет од тренерската функција откако не успеа да забележи ниту една победа во деветте натпревари откога го презеде тимот.

41-годишниот поранешен играч на Арсенал, Манчестер Сити и Ливерпул, при крајот на ноември потпиша тригодишен договор со Виган.

Коло Туре го остава Виган на последното место во англискиот Чемпионшип со освоени 25 бода после 28 одиграни натпревари.

Младиот и перспективен играч од средината на теренот во екипата на Ливерпул, Стефан Бајчетиќ, потпиша нов договор со клубот од „Енфилд“.

Шпанскиот фудбалер со потекло од Србија, се обврза на долгорочен договор со Ливерпул, а според информациите од медиумите тој ја продолжи верноста со „црвените“ до 2027. година.

Од почетокот на оваа сезона, Бајчетиќ запиша десет настапи за Ливерпул во сите натпреварувања и успеа да постигне еден гол. Бајчетиќ во академијата на Ливерпул пристигна во 2020.година од шпанска Селта.

Голем интерес за ѕвездата на Њукасл, Бруно Гимараеш покажува Реал Мадрид, а сега во трката за неговиот потпис се приклучи и Барселона.

Каталонците се во потрага по квалитетен играч за врска кој може да биде наследник на Бускетс, а Чави смета дека Бразилецот би бил идеално засилување. 24-годишниот Бразилец пристигна во Њукасл пред една година за 45 милиони евра, но неговата цена многу порасна со неговите одлични настапи во Премиер лигата.

Барселона ќе има силна конкуренција за неговиот потпис, бидејќи Реал Мадрид го сака Бразилецот како наследник на Тони Крос.

Њукасл сигурно нема лесо да се откаже од својата ѕвезда и за неговата слобода бара 100 милиони евра.

Рома сериозно се вклучи во трката за мароканскиот репрезентативец Хаким Зијеч, пренесуваат италијанските медиуми.

Зијех не добива голема минутажа во Челзи, па и самиот сака да ја промени средината во јануари. Мароканецот беше голема желба на Милан во летниот преоден рок, но сега „росонерите“ се насочија кон Заниоло, а Рома го сака Зијеч како замена за Италијанецот.

Мурињо го убедил Зијеч да се пресели на „Олимпико“, па двата клуба ги договараат последните детали.

Зијеч треба да пристигне во Рома на позајмица до крајот на сезоната со опција за откуп од 15 милион евра на лето.

ПСЖ покажува сериозен интерес за младиот талент на Лион, Рајан Черки, пренесуваат француските медиуми.

19-годишниот офанзивен играч за врска игра одлична сезона за Лион и го привлече вниманието на многу европски гиганти. Черки е офанзивен фудбалер кој може да игра и како плејмејкер, но и по крилните позиции. Тој е продукт на школата на Лион и важи за најголем француски талент во моментов.

Черки на лето влегува во последната година од договорот па Лион ќе мора да го продава, а ПСЖ сака да ја победи конкуренцијата.

Покрај ПСЖ силен интерес за него покажуваат уште Ливерпул, Арсенал, Милан и Борусија Дортмунд.

Легендарниот бразилски фудбалер, Кафу изненади многумина со своето мислење дека Џордан Хендерсон е подобар фудбалер од Лука Модриќ.

За Кафу англискиот репрезентативец и капитен на Ливерпул е пред Модриќ. Хендерсон освои се што можеше да се освои со Ливерпул, додека за репрезентацијата на Англија собра 74 настап ии постигна три гола.

„Хендерсон или Модриќ? Дефинитивно Хендерсон“, кратко одговори Кафу. Модриќ за разлика од Хендерсон зад себе има освоена Златна топка и како капитен ја предводеше Хрватска до сребро и бронза на последните два Мундијали.

Исто така Модриќ беше прогласен за најдобар фудбалер на Светското првенство во Русија во 2018 година.