Пресврт во Челзи: Роман Абрамович сепак останува сопственик
Роман Абрамович, сепак, ќе остане сопственик на Челзи.
Според новинарот Фабрицио Романо, Абрамович ќе биде сопственик на Челзи и покрај најавата за заминување од Лондон. Директорот Марина Грановскаја и Петр Чех ќе се справат со сите аспекти од работата на клубот, вклучително и потпишување на нови договори, трансфери и слично, додека трае кризата во Украина.
Абрамович го предаде управувањето на Челзи на добротворната фондација со цел да го заштити клубот, неговото раководство, но и играчите.
Алиоски со емотивна порака за Марсело Биелса
Македонскиот фудбалски репрезентативец Езѓан Алиоски кој од оваа сезона настапува за Ал –Ахли во Саудијска Арабија, испрати порака преку социјалните мрежи кон својот поранешен тренер од Лидс Јунајтед, Марсело Биелса.
Биелса и официјално заработи отказ од страна на раководството на Лидс, поради лошите резултати на тимот во последните неколку кола од Премиер лигата.
Нашиот Алиоски додека настапуваше во екипата на Лидс, беше еден од најстандарните поединци во тимот на Биелса и во тој период успеа да постигне видлив напредок во својата игра.
Како благодарност и почит за односот и работата на Марсело Биелса, Алиоски ја напиша следнава порака кон својот поранешен тренер: „Засекогаш ќе бидам благодарен за тоа што го направи за мене! Беше чест да се работи со тебе и да се учи од тебе! Ти благодарам Марсело Биелса“.
Барселона е заинтересирана за дефанзивецот на Наполи, Калиду Кулибали.
Според новинарот на каталонското радио, Рикар Торкемада, главниот тренер на Барса, Чави, сака да го види Кулибали во тимот.
Договорот на играчот со Наполи истекува во летото 2023 година. Барселона ќе може да го ангажира само доколку наполитанскиот клуб е подготвен да го продаде играчот по цена прифатлива за Каталонците.
Александар Петровиќ по една деценија се врати на клупата на МЗТ Скопје
Откако пред неколку дена ја раскинаа соработката со тренерот Дарко Радуловиќ, од екипата на МЗТ СКопје Аеродром денес го објавија името на новиот тренер кој ќе го предводи тимот во наредниот период.
„Еден од најпрепознатливите тренери поврзани со МЗТ Скопје Аеродром во првата деценија од 21. век, Александар Петровиќ, се враќа на клупата на нашиот клуб, откако од денеска и официјално е нов предводник на плаво-белата чета.
Тој доаѓа на местото на Дарко Радуловиќ, со кого беше прекината соработката по неуспехот во финалето од Купот на Македонија пред една недела. За Петровиќ ова ќе биде трето преземање на нашиот клуб, со оглед што претходно седеше на клупата на актуелниот шампион во периодот помеѓу 2001 и 2007 односно 2009 и 2011 година. Има работено уште и во Пелистер, Карпош Соколи и Куманово, а во „Јане Сандански“ се враќа од местото шеф на стручниот штаб на Академија ФМП, каде што работеше изминативе две сезони.
Петровиќ е и поранешен селектор на јуниорската репрезентација на Македонија и секако еден од тие кои беа со МЗТ Скопје во најтешкиот период на клубот, а без кои немаше да следува ниту деценијата со осум освоени титули (една сезона немаше шампион)“ се вели во информацијата објавена на веб-страната на МЗТ Скопје Аеродром.
Биелса сменет, Џеси Марш нов менаџер на Лидс
Поранешниот тренер на РБ Лајпциг, Џеси Марш, наскоро може да седне на клупата на наглискиот премиерлигаш Лидс Ј. Според информациите во Англија, актуелниот тренер на Лидс, Марсело Биелса ќе добие отказ.
Англискиот клуб му понудил на Марш двегодишен договор. 48-годишниот Американец замина од РБ Лајпциг во декември и засега е без ангажман.
По 26 натпревари, Лидс е на 16. место на табелата во Премиер лигата, а загуби четири натпревари по ред со вкупна гол-разлика 2:17.
Нов малер за Дејвис, ѕвездата на Лејкерси еден месец надвор од терените
Една од првите ѕвезди на ЛА Лејкерс, Ентони Дејвис, најверојатно ќе пропушти уште 4-5 недели поради истегнувањето на десниот зглоб.
По петочниот пораз од ЛА Клиперс, Лејкерси имаат скор од 27 победи и 32 порази и се најдоа на 9-тото место во Западната конференција.
Дејвис се повреди во првото полувреме на мечот со Јута минатата среда.
Манчестер Јунајтед тргнува по Хари Кејн
Германскиот весник „Билд“ тврди дека Манчестер Јунајтед ова лето подготвува понуда за напаѓачот на Тотенхем, Хари Кејн.
„Црвените ѓаволи“ се решени да доведат напаѓач од светска класа и последните информации се дека ќе направат огромни напори за ангажман на англискиот репрезентативец.
28-годишниот Хари Кејн и порано се поврзуваше со трансфер на Олд Трафорд. Сепак изминатото лето тој беше многу блиску до премин во градските ривали на Јунајтед, тимот на Манчестер Сити, но до тоа не дојде бидејќи претседателот на Тотенхем, Даниел Леви не се согласи со негова продажба.
Меѓународниот олимписки комитет со нови предлог мерки против Русија и Белорусија
Меѓународниот олимписки комитет излезе со повик знамињата на Русија и Белорусија да не се истакнуваат на спортски настани од кое било ниво по руската инвазија над Украина. Ова се наведува во соопштението на официјалниот сајт на МОК.
Во повикот стои и дека се забранува интонирање на националните химни на овие две земји.
„Извршниот одбор на МОК повикува да не се веат националните знамиња на Русија и Белорусија,и да не се изведуваат националните химни на земјите за време на меѓународни натпревари, се вели во соопштението.
Манчестер Јунајтед работи на трансфер на Хакан Чалханоглу
Новинарски извори од Италија трврдат дека Манчестер Јунајтед почна да работи на доведување на Хакан Чалханоглу од Интер
Трансферот би се реализирал во летниот период, а од таборот на „црвените ѓаволи“ веруваат дека Турчинот би бил вистински избор како појачување за средниот ред од тимот.
Чалханоглу во Интер се пресели минатото лето во слободен трансфер и веднаш стана клучен играч на нероазурите, откако претходно четири сезони играше за градскиот ривал Милан. Тој има договор со Интер до 2024 година, и се очекува Манчестер Јунајтед да издвои прилично висока сума ако сака да го види на „Олд Трафорд“.
Реал Мадрид може да си ги дозволи и Мбапе и Халанд
Шпанскиот весник „Марка“ тврди дека Реал Мадрид ќе има доволно финансиски средства за да може да ги купи двете ѕвезди на светскиот фудбал – Килијан Мбапе и Ерлинг Халанд.
Двајцата играчи се претставени како главни цели на претседателот на клубот Флорентино Перез кој најави дека ќе стори се што е можно да ги доведе на „Сантијаго Бернабеу“.
Се шпекулира дека Мбапе веќе постигнал личен договор со „Кралскиот клуб“, и ќе се приклучи на Мадрид откако ќе му истече договорот со Париз Сен Жермен.
Ситуацијата со Халанд е нешто поинаква. Тој има откупна клаузула вредна 75 милиони евра, и има голем број на клубови кандидати за негов потпис меѓу кои се Барселона, Манчестер Јунајтед, Манчестер Сити, Париз Сен Жермен и други. Сепак, и во вој случај Реал е во добра позиција и верува дека може да ги победи конкурентите.
