feature

Наполи се вклучи во трката за Николо Заниоло

Наполи е силно заинтересиран во своите редови да ја доведе ѕвездата на Рома и италијански репрезентативец, Николо Заниоло.

Рома сака да ја продолжи соработката со Заниоло, кој на лето ќе влезе во последната година од договорот, но преговорите не течат во добра насока.

Доколку Заниоло не стави потпис на нов договор до крајот на сезоната Рома е спремна да го продаде, а најсилен интерес за него покажува Наполи.

Имено, Наполи е спремен да понуди 30 милиони евра за неговиот потпис, па веќе стапил во контакт со неговиот агент.

Саутгејт размислува за оставка на селекторската позиција во Англија

Угледниот Скај Спорт пренесува дека селекторот на Англија, Гарет Саургејт, размислува да поднесе оставка после елиминацијата од Светското првенство во Катар.

„Ваквите турнири земаат многу од вас и сега ми е потребно многу време за добро да размислам за се. Не сакам да пројдат четири или пет месеци и потоа да сфатам дека сум погрешил. Затоа морам да ја анализирам нашата работа и да видам каде се наоѓаме во моментот“, истакнува Саутгејт.

Англискиот стручњак има договор со Фудбалската асоцијација на Англија до 2024 година, односно до крајот на наредното Европско првенство.

Според англиските медиуми и фудбалската јавност, мала е веројатноста Саутгејт да си поднесе оставка на функцијата во овој момент, и дека тој ќе го одработи целиот свој договор.

Модриќ: Одиме да го одиграме најдобриот натпревар во нашите животи

Фудбалската репрезентација на Хрватска по трет пат во својата историја успеа да се пласира барем до полуфиналето на фудбалски Мундијал, откако претходно го елиминира фаворитот за титулата, Бразил.

„Она што го прави оваа екипа е нешто неверојатно. Импресивно е повторно да се биде во полуфиналето на Светско првенство. Навикнати сме на фактот постојано да сме во сенка на поголемите репрезентации кои секогаш се фаворити за титулата. Што се однесува на полуфиналниот дуел со Аргентина, очекувам дека ќе биде навистина тешко, бидејќи тие се одличен тим и ние не играме само против еден играч. Лео Меси е великан, нивен најдобар играч, и ќе имаме големи проблеми за да го сопреме, но ние сме спремни и ќе дадеме се од себе. Одиме да го одиграме најдобриот натпревар во нашите животи“, изјави 37-годишниот Модриќ.

Лук Шо најнова желба на управата на Барселона

Дефанзивецот на Манчестер Јунајтед и англиски репрезентативец, Лук Шоу е новата трансфер цел на Барселона. Чави сака да ја засили левата бековска позиција и да доведе наследник на Жорди Алба, а прва желба е токму 27-годишниот Англичанец.

Лук Шоу игра одлична сезона во дресот на „црвените ѓаволи“ и се претстави добро и на Мундијалот.

Договорот на Шоу со англискиот гигант истекува на крајот на сезоната, но Манчестер Јунајтед има опција за продолжување на уште една година.

Каталонците наскоро ќе стапат во контакт со неговиот агент и ќе испратат понуда на лето за да го доведат на „Камп Ноу“.

ПСЖ ги сака Белингем и Рашфорд

Челниците на францускиот шампион Париз Сен Жермен, ќе пробаат во летниот преоден рок да ги ангажираат англиските репрезентативци, Џуд Белингем и Маркус Рашфорд.

Според информациите од медиумите, раководството на ПСЖ се согласило да му исплати 120 милиони евра на Борусија Дортмунд како обештетување за Белингем. Досега овај 19-годишен играч се поврзуваше со трансфер во Ливерпул.

Според весникот Мирор, челниците на ПСЖ се силно заинтересирани и за напаѓачот на Манчестер Јунајтед, Маркус Рашфорд, на кого се подготвени да му понудат неделна плата од милион евра. Неговиот договор со клубот од Олд Трафорд истекува на крајот од сезоната.

Занети: Не се сомневам во победата на Аргентина над Хрватска

Поранешниот аргентински фудбалер и потпретседател на Интер од Милано, Хавиер Занети, изјавува дека Аргентина во полуфиналето на Светското првенство во Катар, ја очекува тежок натпревар со Хрватска, но дека тој не се сомнева во победата на својата земја.

„Тоа ќе биде тежок натпревар, бидејќи Хрватска е голем тим. Нема да биде ни малку лесно, но познавајќи ја состојбата помеѓу аргентинските играчи, јас сум уверен дека ќе одиграат добар натпревар“ изјави Занети.

Хавиер Занети очекува дека 25-годишниот напаѓач Лаутаро Мартинез ќе прикаже одлична игра, и се надева дека тој ја поврати самодовербата во својата игра после постигнувњето на одлучувачкиот пенал против Холандија.

Барселона заинтересирана за Мароканецот Унахи

Шпанските медиуми пренесуваат дека фудбалскиот клуб Барселона е заинтересиран за репрезентативецот на Мароко, Азедин Унахи.

22-годишниот Унахи е член на францускиот клуб Анже каде минатата година пристигна од третолигашот Авранш за 300 илјади евра. Неговиот договор со францускиот клуб истекува во 2026 година.

Унахи бил забележан од скаутите на Барселона после неговите одлични фудбалски партии во дресот на Мароко на Мундијалот во Катар. Играчот од средниот ред во селекцијата на Мароко, избори пласман во полуфиналето на СП, каде ќе се сретне со Франција.

Унахи за Мароко има одиграно 15 натпревари и постигна два гола.

40 илјади Аргентинци пристигнуваат во Катар

Амбасадата на Аргентина во Катар известува дека се очекува пристигнување на околу 35-40 илјади Аргентинци во Доха за натпреварот од полуфиналето на СП против селекцијата на Хрватска.

Оваа бројка ќе претставува најголем контингент на навивачи кои ќе пристигнат од Аргентина во Катар за време на Мундијалот.

Најдобриот аргентински фудбалер, Лионел Меси порачува дека репрезентацијата треба да ги искористи овие моменти со навивачите кои ќе бидат во Доха како и оние кои ќе останат во Аргентина и кои се под голема еуфорија.

Натпреварот помеѓу Аргентина и Хрватска се игра во вторник на стадионот Лусаил.

Модриќ: Хрватска има иста ДНК како Реал Мадрид

Хрватска утре ќе го игра полуфиналето на Мундијалот со Аргентина, а претходно со шпанските новинари разговараше најдобриот играч на „коцкестите“, Лука Модриќ.

„Едвај чекам да играм против Аргентина. Меси е нивниот најдобар играч, ќе биде тешко да го запреме, но ние сме подготвени. Ќе дадеме се од себе. Ќе се обидеме да го одиграме најдобриот натпревар во нашите животи“, изјави Модриќ.

Во разговорот, легендарниот играч за врска направи интересна паралела меѓу неговите два тима, Реал Мадрид и хрватската репрезентација:

„Им кажав на соиграчите во Реал пред првенството да внимаваат на Хрватска, можете да ги прашате“, низ смеа рече тој, додавајќи: „Никој не сметаше на нас, но хрватската репрезентација има иста ДНК како Реал, секогаш оди до крај и никогаш не се предава“.

Јошко Гвардиол го пропушти тренингот на Хрватска

Еден од најдобрите хрватски фудбалери на Мундијалот во Катар, Јошко Гвардиол, го пропушти вчерашниот тренинг со соиграчите од репрезентацијата.

Според известувањата од хрватските новинари, дефанзивецот Гвардиол не бил повреден, туку добил одмор од селекторот Далиќ, со цел потполно да се опорави после тешкиот натпревар со Бразил. Цел тренинг не одработил ниту Марцело Брозовиќ кој исто така чувствувал замор.

Остатокот од екипата тренирала редовно, и подготвена ќе го дочека полуфиналниот дуел со Аргентина.

«< 1278 1279 1280 1281 1282 >»