Фудбалерите на Инер со тешка мака ја забележаа првата победа на клупскиот Мундијал. Со гол во 92.минута Интер ја победи Урава со 2-1.

Урава го шокира европскиот вице првак во 11.минута. Брилијантната акција на Канека со гол ја заврши Ватанабе.

До крајот на првото полувреме, Интер имаше две одлични шанси за израмнување, прво Лаутаро Мартинез шутираше над голот од добра позиција во 20-та минута, а пет минути подоцна Залевски беше блокиран во последен момент.

Интер продолжи да притиска во продолжението, но не беше премногу опасен по голот на Урава. Димарко ја имаше најдобрата шанса во 55-та минута, фати волеј, но топката помина над голот на Урава.

Шансата на Барела во 72. минута беше само најава за тоа што требаше да се случи шест минути подоцна. Лаутаро Мартинез постигна прекрасен гол, шутираше од седум метри со ножички, покрај збунетите Јапонци за израмнување.

Тоа им даде крилја на Италијанците, кои во 92 минута стигнаа до пресврт и победа со голот на Карбони.

Претседателот на Фудбалската федерација на Македонија (ФФМ), Масар Омерагиќ, оствари средба со првиот човек на ФИФА.

На средбата, како што соопшти денеска ФФМ, станало збор за иднините насоки во развојот на фудбалот во Македонија и поддршката од ФИФА.

Претседателот Масар Омерагиќ истакна дека ФФМ нема да инвестира во празни форми, туку во терени, рефлекторско осветлување и услови за вистински развој на фудбалот.

„Нашата визија се мали, но квалитетни стадиони. Не трибини без публика, туку терени, таму каде што почнува фудбалот,“ порача Омерагиќ.

Ваквиот пристап, како што е соопштено, бил поддржан од Инфантино, кој посочил дека и во рамки на ФИФА се води токму таква стратешка дискусија.

Дополнително, Омерагиќ ја презентирал иницијативата на ФФМ клубовите да добиваат бесплатна опрема со услов да не се продава, туку да се донира на младите категории и децата.

Од своја страна, Инфантино го поздравил концептот и најавил дека ќе го сподели како позитивен пример на следните состаноци на ФИФА.

Воедно, од страна на првиот човек на македонскиот фудбал е упатена покана до претседателот на ФИФА за официјална посета на Македонија.

Цеск Фабрегас би можел во иднина да го замени Пеп Гвардиола на кромилото во Манчестер Сити, објави новинарот, Стив Кеј.

Тој наведува дека англискиот клуб е импресиониран од тактичката остроумност на 38-годишниот специјалист и верува дека би можел да ја преземе функцијата главен тренер кога Шпанецот ќе си замине од редовите на „граѓаните“.

Тековниот договор на Пеп е валиден до 30 јули во 2027 година. Фабрегас сега го води италијанскиот состав Комо.

Марк Маркез ја обезбеди пол-позицијата во Муџело. Шпанецот прв ќе ја стартува спринт трката попладнево на кулната патека и ќе стартува прв утре во главната трка. За возачот на Дукати ова беше јубилејната 100. пол-позиција во кариерата.

Марк стигна до првата стартна позиција со време од 1:44.169. Веднаш до него на стартот ќе биде тимскиот колега, двократниот шампион Франческо Пеко Бањаја. Италијанецот имаше послаб резултат за 59 илјадити делови од секундата.

Помладиот од браќата Маркез, Алекс, возач на Гресини Дукати (+0,083) ќе стартува трет.

Првите десет во квалификациите ги комплетираа Фабио Квартараро, Маверик Вињалес, Франко Морбидели, Фабио ди Џанантонио, Педро Акоста, Алекс Ринс и Марко Бечеки.

Спринт е закажан за сабота во 15 часот.

Арсенал наскоро ќе го комплетира првиот трансфер во летниот преоден рок. Како што се најавуваше во изминатите два месеци, во тимот на Микел Артета доаѓа Мартин Зубименди.

Шпанскиот репрезентативец, пристигна во Лондон за да го комплетира својот трансфер од Реал Сосиедад во Арсенал, објави „Атлетик“.

26-годишниот играч од средниот ред треба да ги договори деталите пред договорот официјално да биде финализиран.

Инсајдерот, Фабрицио Романо во петокот објави дека Арсенал ќе плати 65 милиони евра

Повеќе фудбалски екипи се заинтересирани за потписот на Ентони кој во претходната сезона играше како позајмен во Бетис.

Бразилецот кој е во сопственост на Манчестер Јунајтед сака да остане во Шпанија но, неговиот сегашен состав не може да си дозволи од финансиска гледна точка да му го откупи договорот. Во исто време, англискиот тим сака по секоја цена да го продаде фудбалерот за да се ослободи од неговата висока плата.

25-годишниот играч добива околу 200 илјади фунти неделно со тоа што двата клуба покриваат по една половина.

Тренерот на фудбалерите на Борусија Дортмунд, Нико Ковач, верува дека европските тимови се во неповолна положба на Светското клупско првенство поради високите температури во Соединетите Американски Држави.

„Клубовите од подалеку на југ имаат голема предност поради жештината.

Мечот во Синсинати ќе се игра на пладневна жештина. Можете да замислите што значи тоа за играчите. На теренот е за два или три степени потопло“, рече Ковач.

Временската прогноза предвидува температури од 34 степени.

Напаѓачот на Реал Мадрид, Килијан Мбапе, нема да се појави и на вториот меч на Светското клупско првенство во САД.

Новиот тренер на „кралевите“, Чаби Алонсо, не сака да ризикува со брзоногиот напаѓач и ќе го изостави од списокот за мечот со Пачука. Ќе потсетиме дека Мбапе беше хоспитализиран поради стомачни проблеми.

Според шпанските медиуми, тој може да се појави на теренот дури на 27 јуни во последното коло кога „кралевите“ ќе играат со РБ Салцбург на стадионот во Филаделфија.