На прашањето дали има вистина во шпекулациите кои го поврзуваат со Манчестер јунајтед, Луис Енрике праша да не случајно денес е први април.

Брзо по отказот на Солшер, во медиумите излезе шпекулација дека Роналдо посакува Луис Енрике да биде следниот тренер на Манчестер јунајтед.

Беше тешко за верување дека тој воопшто би бил во конкуренција со оглед на тоа дека треба да игра на Светското првенство со Шпанија, но шпанските медиуми сепак го прашаа.

„Дали денеска е први април, денот на шегата?“, одговори Луис Енрике на пашањето за Манчестер јунајтед од „Ла Секста“ и се изнасмеа.

Шпанскиот вицешампион Реал Мадрид ќе се раздели со четворица играчи кои од различни причини речиси и не играле во досегашниот дел од сезоната.

Според шпанските медиуми, Реал со задоволство би се разделил со Герет Бејл, Еден Азар, Иско и Марсело, доколку има клубови заинтересирани да ги замат во зимскиот преоден рок.

Иско одигра само 166 минути во шест натпревари во Примера во досегашниот дел од сезоната. Марсело има запишано вкупно 89 минути во првенството, а Бејл, пак, поради повреди не учествуваше на натпреварите во август, додека од „Сантијаго Бернабеу“ сметаат дека Азар треба да си ја проба среќата на друго место во потрага по поголема минутажа.

Селекторот на шпанската фудбалска репрезентација, Луис Енрике, ја нарече првоаприлска шега шпекулацијата дека е можно да биде нов тренер на Манчестер Јунајтед.

После отказот кој го доби Оле Гунар Солскјер, веќе започна лицитацијата со негови можни наследници на тренерската позиција на „Олд Трафорд“.

Меѓу другите се наведува и името на Луис Енрике кој бил желба на Кристијано Роналдо. Меѓутоа на новинарско прашање поставено до Енрике за оваа можност тој одлучно ја отфрли веста како шпекулација и запраша дали е првоаприлска шега?

„Дали веќе пристигна 1-ви април? Јас во моментот сум селектор на најдобриот тим во светот а тоа е шпанската репрезентација и немам план да ја напуштам истата“, изјави Луис Енрике.

Медиумите од Англија пренесуваат дека челните луѓе во Лидс Јунајтед се подготвуваат за доведување

 на фудбалерот на Челзи, Рос Баркли, во зимскиот преоден рок.

Играчот од средината на теренот не е задоволен од бројот на настапи за Челзи и со задоволство би заминал од клубот воден од Германецот Тухел.

Баркли сака да поминува повеќе минути на теренот како би имал шанса за повторен повик во репрезентацијата на Англија и евентуален настап на СП во Катар 2022.

Минатата сезона Рос Баркли ја мина како позајмен играч во Астон Вила каде забележа одлични игри но сепак беше вратен во тимот од Лондон.

Горан Пандев пред натпреварот со Рома се најде во центарот на вниманието поради неговото соочување со Жозе Мурињо, во разговорот за италијанските медиуми откри и дека става крај на кариерата на крајот од сезоната.

Пандев откри и дека од денешна преспектива можеби погрешил кога го напуштил Наполи и се пресели во Галатасарај.

„Можеби не требаше да го напуштам Наполи. Избрзав кога се промени тренерот. Сакав повеќе да играм и ја прифатив понудата од Галатасарај. Имав среќа што се појави Џенова и се вратив во Серија А“.

Пандев во Галатасарај се пресели пред сезоната 2014/2015, но не се снајде најдобро во Туирција па веќе следната сезона се врати во италијанбскиот фудбал.

Тренерот на Барселона, Чави Ернандез, после победата во градското дерби со Еспањол кој Барса го доби со 1:0, изјави дека имал телефонски разговор со Серхио Агуеро и не добил никакви информации од него дека престанува со играњето фудбал.

Претходно низ медиумите се појави информацијата дека поради срцева аритмија која му беше откриена, Агуеро наводно завршува со својата играчка кариера и оди во предвремена пензија.

Серхио Агуеро минатиот месец поради болки во градите го напушти теренот на средбата со Алавес и беше одведен во болница на дополнителни испитувања.