Потенцијалниот трансфер на Џек Грилиш од Манчестер Сити во Наполи наиде на голема пречка поради неговите високи барања за плата. Италијанскиот клуб е заинтересиран да го доведе 29-годишниот поранешен дијамант на Астон Вила, но се соочува со проблем да ја исплати неговата моментална плата од околу 300.000 фунти неделно. 

Наполи размислува за позајмица како решение за финансискиот проблем, надевајќи се дека Манчестер Сити ќе покрие барем половина од платата на Грилиш. Меѓутоа, Манчестер Сити повеќе сака траен трансфер, што ги отежнува преговорите. Досега нема официјални понуди, а клубот го вреднува Грилиш на околу 50 милиони фунти. 

Грилиш, кој пристигна во Манчестер Сити од Астон Вила во 2021 година за голема сума, имаше потешкотии да обезбеди редовно место во тимот во последните сезони. Наполи го гледа како потенцијален наследник на Квича Кварацкелија, кој беше продаден во Пари Сен-Жермен, во обид да го засили составот за новата сезона во Серија А и Лигата на Шампионите. 

Исходот од преговорите е неизвесен, а навивачите и аналитичарите внимателно ја следат ситуацијата. Спорот околу платата и моделот на трансфер ќе бидат клучни за тоа дали Грилиш ќе се префрли во Италија или ќе остане во Англија. 

Томас Милер, искусниот напаѓач на Баерн Минхен, привлече големо внимание од клубови во американската лига, додека се приближува крајот на неговиот долгогодишен престој кај германскиот гигант.  

По одличен настап на Светското Клупско Првенство против Окленд Сити — каде што постигна два гола и даде една асистенција во доминантната победа од 10-0 — Милер го изрази својот восхит, истакнувајќи ги „многу добрите услови“ што ги искуси таму. Ова ги подгреа шпекулациите за можен трансфер во „MLS“, при што ФК Синсинати се истакнува како сериозен кандидат. 

На 35 години, Милер е на крстопат по одлуката на Баерн да не му го продолжи договорот. Европски клубови како Фиорентина покажале интерес, а понуди од Саудиска Арабија се исто така на маса. Сепак, растечкиот углед на „MLS“ и можноста да продолжи да игра во конкурентна средина пред Светското Првенство во 2026 година, силно го привлекува Милер. 

Неговото доаѓање би било голем плус за лигата, со оглед на неговото искуство и лидерски квалитети. Клубовите се подготвени да ѓи искористат неговите способности, а во наредните недели ќе биде јасно дали Милер ќе започне нова глава во САД или ќе бара други можности. 

Челзи го отвори Светското Клупско Првенство со сигурна победа од 2-0 над Лос Анџелес ФК на „Мерцедес-Бенз“ стадионот во Атланта, но она што најмногу привлече внимание не беше резултатот, туку празните трибини. 

Со нешто повеќе од 22.000 гледачи на стадион со капацитет од 71.000, натпреварот се одигра во речиси тивка и невообичаена атмосфера. Празните седишта создадоа амбиент кој повеќе личеше на пријателски натпревар отколку на голем турнир. 

Слабата посетеност се припишува на неколку фактори: натпреварот се играше среде недела во попладневен термин, а оддалеченоста меѓу Лос Анџелес и Атланта значеше дека малкумина навивачи на „LAFC“ можеа да патуваат. Иако цените на билетите беа намалени, тоа не беше доволно за да се привлече поголема публика, дури ни во град како Атланта, каде што локалниот тим Атланта Јунајтед редовно полни трибини. Контрастот со преполнетите стадиони за натпреварите на Интер Мајами и Пари Сен Жермен беше очигледен. 

На теренот, Челзи не дозволи атмосферата да влијае на настапот. Педро Нето го отвори резултатот, а Ензо Фернандез го удвои водството по одлична асистенција од новото засилување, Лиам Делап. „Сините“ ја завршија задачата професионално и без грешка, задржувајќи ја концентрацијата и контролата. 

Тренерот Ензо Мареска го призна необичниот амбиент, но погледот веќе го насочува кон следниот натпревар против бразилскиот Фламенго во Филаделфија. Познат по својата страствена навивачка база, Фламенго ветува натпревар со сосема поинаква енергија – и на теренот и на трибините. 

Нико Вилијамс јасно ја изрази својата желба – неговата следна дестинација сака да биде Барселона. Иако за него има интерес од неколку големи европски клубови, младиот крилен напаѓач на Атлетик Билбао најмногу посакува трансфер на „Камп Ноу“. 

Каталонците се во водство во трката за потписот на 22-годишниот репрезентативец на Шпанија, но Баерн и Арсенал не се откажуваат. Германскиот гигант е подготвен веднаш да ја плати откупната клаузула, надевајќи се дека ќе го убеди играчот доколку Барселона не може брзо да реагира. Арсенал, пак, понудил атрактивен договор, но склоноста на Вилијамс кон Барселона ги става во втор план. 

Најголемата пречка за Барселона е финансиска. Атлетик Билбао инсистира клаузулата од над 60 милиони евра да се плати во една рата, без простор за рати или преговори. Тоа создава сериозен проблем за клубот кој сè уште се соочува со финансиски ограничувања и зависи од продажби на играчи за да обезбеди средства. 

Сепак, Вилијамс не брза со одлуката. Тој го чека планот на Барселона за позицијата крило, особено со оглед дека клубот размислува и за други опции како Луис Дијаз. Според изворите, Вилијамс е подготвен да ги прилагоди личните услови со цел да го олесни трансферот. Поддршката од некои играчи во соблекувалната на Барса може да биде клучниот фактор – се ќе зависи од тоа дали клубот ќе може да ја совлада финансиската бариера навреме. 

Легендата на јапонскиот фудбал, 58-годишниот Казујоши Миура ги одигра денеска првите минути од својата 40 професионална сезона, не покажувајќи знаци на пензионирање.

„Кралот Казу“, како што е нарекуван во неговата родна Јапонија, влезе од клупата за резерви во победата на Атлетико Сузука од 2-1 над ЈСЦЦ Јокохама во четвртата јапонска лига.

Поранешниот јапонски репрезентативец потпиша 18-месечен договор со Сузука минатиот јуни, но беше надвор од теренот поради повреда на ногата во јануари.

„Се надевам дека повторно ќе играм и ќе го покажам мојот карактер“, изјави Миура за новинската агенција Кјодо по натпреварот.

„Можев повторно да играм благодарение на поддршката од сите. Сега сакам да го забрзам темпото“, додаде Миура, кој во февруари го прослави својот 58 роденден.

Со тоа, Миура влезе во својата 40 професионална сезона во кариерата, која ја започна во 1986 година со бразилскиот клуб Сантос. Настапуваше и за клубови во Јапонија, Хрватска, Италија, Австралија и Португалија.

Германскиот фудбалски репрезентативец Флоријан Вирц ќе допатува в петок во Англија на задолжителните медицински прегледи пред неговиот трансфер во Ливерпул, објави денеска „Скај Спортс“.
Вирц в петок на медицински прегледи пред трансферот во Ливерпул,.

Вирц ќе се пресели во редовите на новиот англиски првак од Баер Леверкузен, откако двата клуба се договорија за трансферна сума од 116,5 милиони фунти, од кои 100 милиони се загарантирани, а остатокот во форма на потенцијални бонуси.

Во зависност од неговите перформанси, годишната плата на Вирц ќе биде од 195.000 до 245.000 фунти неделно.

Трансферот на Вирц се случува на негово барање, одбивајќи да биде продаден на друг тим.

„Скај Спортс“ наведува дека Вирц совршено се вклопува во тактичката поставеност на Ливерпул и во англискиот тим гледа најдобар потенцијал за развој.

Минатата сезона, Вирц одигра 31 натпревари во Бундеслигата и заврши со десет голови и 13 асистенции.

Фудбалерите Бока Јуниорс и Бенфика одиграа без победник на стадионот во Мајами 2-2, во првото коло од Групата Ц на Светското клупско првенство.

Бока Јуниорс поведе со 2-0 со головите на Мигел Мерентиел во 21-та минута и Родриго Батаља во 27-та минута.

Бенфика израмни со головите на Анхел Ди Марија во третата минута од судиското продолжение и Николас Отаменди во 84-та минута.

Во следното коло, Бока Јуниорс ќе игра против Баерн Минхен, а Бенфика ќе се сретне со Оукленд.

Фудбалерите на Фламенго го победија Есперанс од Тунис со 2-0 во Филаделфија во првото коло од Групата Д. По победата на Ботафого и нерешениот резултат на Палмеирас, бразилските тимови се уште се непоразени.

Стрелци за Фламенго беа Џорџо де Араскаета во 17-та минута и Луис Араухо во 70-та минута.

Во второто коло, Фламенго ќе игра против Челзи, додека Есперанца ќе се сретне со Лос Анџелес.

Шкендија, Вардар, Силекс и Работнички ги дознаа можните противници за првото квалификациско коло. Шкендија ќе стартува во Лигата на шампионите, ждрепката е во 14 часот во Нион, а останатите три екипи ќе се натпреваруваат во Конференциската лига. Ждрепката ќе се одржи од 16:00 часот во Нион.

Шкендија нема да биде носител, се наоѓа во групата 1, а моѓе да игра против: Малме (Шведска), Жалгирис (Литванија), РФС (Летонија), Купс (Финска) или ТНС (Велс).

Кога ќе се погледнат можните противници, впечаток е дека Вардар најдобро помина, а дека пред тешка задача ќе имаат Силекс и Работнички.

Во групата 2 можно противници на Силекс се Петрокуб (Молдавија), Ордабаси (Казахстан), Дечиќ (Црна Гора) и Урарту (Ерменија).

Вардар, кој по седум години се враќа во европските купови, во групата 3 за противник може да добие еден од овие тимови: Дуделанж (Луксенбург), Копер (Словенија), Сутјеска (Црна Гора), Ла Фиорита (Сан Марино).Работнички ги чека противниците во групата 6, можни ривали се Дила Гори (Грузија), Пјуник (Ерменија), Торпедо (Белорусија) и Борац Бања Лука.

Првите натпревари ќе се одиграат на 10, а реваншите на 17 јули.

Aсот на Атлетик Билбао, Нико Вилијамс, се согласи на личен договор со Барселона, објави новинарот Николо Шира на своите социјални мрежи.

Претходно беше објавено дека Барселона одлучила да ја активира опцијата за откуп на 22-годишниот шпански крилен напаѓач, плаќајќи ја потребната отштета за играчот. Оваа информација ја објави добро познатиот инсајдер Фабрицио Романо.

Нико има тековен договор со клубот од Билбао до 2027 година. Вкупно, во текот на својата кариера на клупско ниво, помладиот Вилијамс одигра 167 натпревари во сите натпреварувања, постигна 31 гол и направи 30 асистенции. Порталот „Трансфермаркт“ ја проценува неговата вредност на 70 милиони евра.