Екипата на Интер потврди дека аргентинскиот фудбалер, Хоакин Кореа, го напушта тимот откако му истече договорот со „нероаѕурите“.
Тој ќе замине во бразилскиот состав Ботафого и ќе настапи на Светското клупско првенство.
Кореa во дресот на Интер настапуваше две сезони. Тој се појави на 64 мечеви и постигна 10 голови.
Кристијан Киву кој го наследи Инзаги на клупата на Интер, ќе има ново име во стручниот штаб.
Станува збор за Александар Коларов кој ќе се врати во Италија и тоа на стадионот – Сан Сиро, објавија повеќето медиуми.
Поранешниот фудбалер откако ја заврши кариерата во краток период работеше како спортски директор на Пиза а потоа стана тренер на младинската репрезентација на Србија.
Фудбалерот, Рајан Черки, потпиша за Манчестер Сити. Тој доаѓа од Лион за 34 милиони фунти.
21-годишниот француски репрезентативец кој во претходната сезона постигна 12 гола и имаше 20 асистенции, ќе биде вклучен во тимот кој ќе настапи на Светското клупско првенство.
Неговата соработка со „граѓаните“ треба да трае до 2030 година.
Австралија го обезбеди своето место на Светското првенство со победа од 2-1 над Саудиска Арабија во Џеда, додека Оман ги одржа своите надежи за место во финалето по ремито 1-1 против Палестина во Јордан во нивните квалификации за Светското првенство 2006 во азиската зона.
Австралијците требаше да избегнат пораз од пет гола за да го потврдат своето место на шестото Светско првенство по ред, а головите на Конор Меткалф во 42-та минута и Мич Дјук во 48-та минута ја обезбедија победата откако се вратија од негатива од 0:1 по голот на Абдулрахман Ал Обуд во 19-та минута.
Во 85-та минута, голманот на гостите Мати Рајан, кој го играше својот 100-ти натпревар за националниот тим, одбрани пенал, спречувајќи израмнување за Саудиска Арабија.
Победата го зацврсти второто место на Австралија во Групата Ц, зад Јапонија, која веќе обезбеди место на СП уште во март. Саудиска Арабија е трета во привремениот пласман во групата и ќе учествува во четвртото коло од квалификациите во октомври заедно со Индонезија, Катар, Обединетите Арапски Емирати, Ирак и Оман.
Трансферот на напаѓачот на Ајнтрахт, Хуго Екитике во Челзи е во опасност да пропадне.
Според Скај Германија англискиот клуб одбил да плати 100 милиони евра за 21-годишниот Французин.
Ваков развој на настаните би можел да го искористи Ливерпул, кој исто така е заинтересиран за трансферот на Екитике.
Минатата сезона напаѓачот постигна 22 гола и направи 12 асистенции на 48 натпревари во сите натпреварувања. Неговиот договор со Ајнтрахт е до 30 јуни 2029 година.
Трансфермарк ја проценува пазарната вредноста на Екитике на 75 милиони евра.
Манчестер Сити потпиша со голманот на Челси, Маркус Бетинели, објави клубот.
Бетинели ќе биде третиот голман за „граѓаните“ и ќе ги извршува функциите што претходно ги извршуваше Скот Карсон. Договорот е за една година, а Бетинели ќе биде во тимот за претстојното Светско клупско првенство во САД, кое започнува оваа недела.
Голманот е второто ново засилување од почетокот на летниот преоден рок по левиот бек Рајан Аит-Нури. До крајот на денот, се очекува „граѓаните“ да ги финализираат и договорите за потпишување на играчите од средниот ред Рајан Черки од Олимпик Лион и Тиџани Рајндерс од Милан.
Во редовите на Милвоки Бакс, Брук Лопез најверојатно ќе го напушти тимот.
Се очекува тој да се најде на пазарот на слободни агенти. 37-годишниот центар минатата сезона заработи 23 милиони долари според договорот со Бакс, со просек од 13 поени, пет скока и 1,9 блокади за 31,8 минути по натпревар во 80 натпревари од регуларната сезона.
„Не мислам дека составот на Бакс ќе остане ист. Тимот веројатно ќе го задржи Кевин Портер, но речиси сите со кои разговарав мислат дека Брук Лопез дефинитивно е минато. Тој би можел да биде едно од најголемите имиња на пазарот“, рече новинарот Мет Мур.
Поврзани теми
Голманот на Еспањол , 24-годишниот Жоан Гарсија, се сели во Барселона. Сите потребни документи поврзани со овој договор се договорени. Ова го објави новинарот Фабрицио Романо на социјалната мрежа X.
Според изворот, Барселона може да ја плати клаузулата за откуп на шпанскиот голман следната недела. Гарсија ќе потпише петгодишен договор со каталонскиот клуб.
Претходно, медиумите објавија дека шпанскиот гигант ќе плати 25 милиони евра за 24-годишниот голман.
Гарсија е член на сениорскиот тим на Еспањол од летото 2021 година. Во овој период, тој одигра 67 натпревари во сите натпреварувања, од кои на 21 не прими гол. Според информациите дадени на порталот „Трансфермаркт“, пазарната вредност на играчот е 25 милиони евра.
Белоруската тенисерка Арина Сабаленка се пожали на временските услови на натпреварот против Американката Коко Гоф во финалето на Отвореното првенство на Франција. Белорусинката вчера загуби во три сета – 7-6 (7-5), 2-6, 4-6.
– Силниот ветер стануваше сè посилен, а потоа стивнуваше. Беше ужасно з аигра. Таа ја удираше топката, а ветерот додаваше брзина на ударите, поради што постојано доцнев. Покрај тоа, топката многу лошо отскокнуваше на земјената подлога, па морав да се повлечам за да се справам со ваквите удари, рече Сабаленка на прес-конференцијата по мечот.
Дваесет и едногодишната Гоф стана шампионка на „Ролан Гарос“ за прв пат во кариерата. За Гоф ова е втора Грен слем титула. Првата и е од Отвореното првенство на САД во 2023 година.
Хрватскиот играч од средниот ред Лука Модриќ постигна гол во квалификациите за Светското првенство 2026 година против Чешка (5-1).
Модриќ синоќа реализираше пенал во 62. минута, погодувајќи на 39 години и 9 месеци. Тој стана најстариот стрелец во квалификациите за Светското првенство во Европа.
Досегашен рекордер беше Един Џеко, кој на 7 јуни постигна гол против Сан Марино на 39 години и 2 месеци.
Хрватска има максимални шест бода од два натпревара и е на второто место во групата Л од квалификациите за СП 2026 година. Чешка е на првото место со девет бодови од четири натпревари.
