Еван Мобли од Кливленд Кавалирс е прогласен за најдобар одбранбен играч на сезоната во најсилното кошаркарско првенство во светот – НБА лигата. Тој ги „победи“ Дајсон Дениелс од Атланта и Дрејмонд Грин од Голден Стејт.

Кливленд беше најдобриот тим по лигашкиот дел во Источната конференција, а Мобли одигра голема улога во освојувањето на првото место.

Мобли одигра 71 натпревар за Кавалирси оваа сезона, со просек од 0,9 украдени топки, 1,6 блокади и 7 скока.

Кошаркарите на Монако поведоа со 2-0 во плејоф серијата против Барселона. Во вториот натпревар, кошаркарите на Монако победија со 92-79.

Ова беше уште еден дуел меѓу овие два тима, кој Монако го доби во своја корист и сега се само на една победа од пласман во новиот фајналфор од Евролигата.

Ова беше натпревар на Мамаду Жаите, кој го одигра можеби својот најдобар натпревар во Евролигата. Без промашување постигна 20 поени. Алфа Диало имаше еден поен повеќе, додека Џордан Лојд постигна 13 поени. Стразел постигна двоцифрен број поени со 12, додека Ели Окобо го заврши натпреварот со 11 поени и осум асистенции.

Мајк Џејмс не беше на негово ниво, постигна само пет поени.

Кај Барселона, Џабари Паркер имаше 16 поени и девет скока, додека Кевин Пантер постигна четири тројки и вкупно 14 поени.

И навистина, овој исход и овој резултат во серијата по два натпревари е неверојатен, бидејќи Барселона победи во двата натпревари во лигашкиот дел од Евролигата.

Во среда во Блауграна, Барселона ќе биде домаќин во третиот натпревар. .

Кошаркарите на Олимпијакос ја остварија втората победа во четвртфиналната серија од Евролигата против Реал Мадрид. Тимот од Пиреја победи со 77-71, па на Реал ќе му треба чудо за да се пласира на завршниот турнир.

Реал, за разлика од првиот меч, имаше шанси да направи брејк. Играчите на чус Матео водеа со 13 поени разлика во првиот период, кој го добија со 25.15. Олимпијакос се врати во натпреварот во втората четвртина, на полувреме резултатото беше 38:38.

Реал подобро влезе во третата четвртина, стекна предност од седум поени и тука застана. Олимпијакос од финишот на третата и првите четири минути во последната четвртина со серија 19:2, од -7 дојде до +10.

И повторно Реал успеа да фати приклучот, зонската одбрана им направи проблеми на домашните кошаркари, а реал предводен од Марио Хезоња се доближи на 67:64 на две минути до крајот.

Овој налет го одбија Алекс Питерс и Најџел Вилијамс-Гос со две тројки. Олимпијакос стекна предност од девет поени и тука беше крајот заРеал.

Стандардно, најефикасен кај Олимпијакос беше Саша Везенков со 22 поени, Еван Фурние одигра одлично и постигна 17 поени (9/10 од линијата за слободни фрлања). Единствен расположен кај Реал беше Хезоња со 22 поени и осум скока.

Следниот натпревар на програмата е во среда во Мадрид.

Иднината на грчкиот репрезентативец во редовите на Бакс е неизвесна. Суперѕвездата на Милвоки, кој беше драфтуван во 2013 година и ја водеше оваа франшиза до титулата во 2021 година како МВП на финалето, можеби нема да го носи овој дрес во иднина.

Брајан Виндхорст, известувач на ESPN, ги анализираше причините зошто Јанис сериозно размислува за својата иднина во Бакс.

Американскиот новинар изјави дека доколку Милвоки биде елиминиран од Пејсерс (тимот на Индијана води во серијата со 2-0), тоа ќе биде трета последователна елиминација во првата рунда од плеј-офот.

Дополнително, како што истакна Виндхорст, Бакс имаат финансиски проблеми, што би можело да го принуди Милвоки да размисли за тргување со Антетокунмпо.

Новинарот, сепак, истакна дека „сите овие гласини за заминувањето на Гркот доаѓаат од луѓе блиски до Милвоки“. Самиот Јанис никогаш не кажал дека сака да замине, ниту пак покажал знаци за такво нешто. Напротив, тој е стопроцентно фокусиран на тоа да ги направи Бакси подобри”.