feature

Дибала мора на операција, се враќа дури следната сезона

Повредата на Пауло Дибала сепак е посериозна отколку што се претпоставуваше и за Аргентинецот сезоната е завршена.

Дибала се повреди во натпреварот против Каљари кога влезе во игра во второто полувреме, но по само неколку монути мораше да биде заменет.

Првичните најави беа дека Дибала ќе паузира од 4-6 недели, меѓутоа повредата била посериозна и тој ќе мора да оди на операција. Аргентинскиот фудбалер се здобил со сериозно мускулно оштетување и од клубот одлучиле дека е најдобро да оди на операција со цел да се реши проблемот.

Пауло Дибала го продолжи договорот со Рома изминатиот јануари, а новиот е со важност до следното лето.

Бангкок и Тајланд влегуваат во Формула 1 календарот

Извршниот директор на Формула 1 Стефано Доменикали оствари денеска средба со премиерот на Тајланд на која биле разгледани плановите за вклучување на оваа азиска држава во календарот со трки во Ф1. Доколку двете страни постигнат договор, трката за Големата награда на Тајланд би се одржала на улиците во главниот град Бангкок.

Тајландскиот премиер Паетонгтарн Шинаватра рече дека Владата ќе нарача „физибилити студија“ за можноста трката да се одржи во главниот град од 2028 година. Тајланд веќе има тркачка патека во Бурирам, на североистокот на земјата, а истата е акредитирана од Меѓународната автомобилска федерација (ФИА). Доменикали ги опиша плановите како „импресивни“.

„Верувам дека сите Тајланѓани ќе имаат корист од организацијата на овој настан, без разлика дали тоа е преку големи инвестиции во инфраструктурата, отворање нови работни места, создавање нови приходи и увоз на нови технологии и иновации“, рече тајландскиот премиер. Овогодишниот календар на Светскиот шампионат во Формула 1 содржи 24 трки, од кои четири се лоцирани во азиско-пацифичкиот регион: Големата награда на Австралија во Мелбурн (14 март), Големата награда на Кина во Шангај (21 март), Јапонското ГП во Сузуки (4 април) и ГН на Сингапур (3 октомври).

Грабеж во домот на поранешниот напаѓач Кевин Курањи

Засега непознати лица ја ограбиле куќата на поранешниот германски фудбалски репрезентативец Кевин Курањи, објави денеска весникот Билд.

Според истиот извор, Курањи минатиот петок се вратил во својот дом во Штутгарт околу 22:40 часот и утврдил дека неговата куќа била провалена од крадци кои во тој момент сè уште се наоѓале во објектот.

Разбојниците успеале да побегнат, при што украле пари, накит и неколку чанти. Вкупната штета изнесува околу 150.000 евра.

Кевин Курањи во својата кариера настапуваше за Штутгарт, Шалке 04, Динамо Москва и Хофенхајм, постигнувајќи 171 голови на 431 натпревар. За Германија забележа 52 настапи и 19 голови, ред да ја заврши кариерата во 2017 година.

Конте планира осум засилувања за Наполи ова лето

Наполи има намера да ангажира осум нови фудбалери во текот на летниот преоден рок, објави денеска новинарот Никола Шира на социјалните мрежи.

Според италијанскиот новинар, клубот од Неапол планира да се засили со нов голман, бек, двајца централни дефанзивци, играч од средниот ред, еден или двајца крилни играчи на местото на Хвича Кварацхелија, кој се пресели во ПСЖ, како и напаѓач на местото на Ромелу Лукаку.

Наполи е второпласиран на табелата во Серија А со 61 бодови, три помалку од лидерот Интер.

Стадионот на Атлетико ќе биде домаќин на финалето на ЛШ во 2027 година

Стадионот на шпанскиот Атлетико Мадрид „Ванда Метрополитано“ ќе биде домаќин на финалето на Лигата на шампионите на УЕФА за сезоната 2026/2027.

Информацијата ја потврди претседателот на шпанската фудбалска федерација, Рафаел Лузан, и ја објави „Марка“.

„Оваа година, Билбао ќе го угости финалето на Лига Европа на ‘Сан Мамес’, а ние исто така имаме обезбеденo финалето на Лигата на шампионите на УЕФА во 2027 година во Мадрид на стадионот ‘Метрополитано’. Ќе се стремиме да организираме и уште едно европско финале во Севиља, бидејќи имаме одлична инфраструктура за успешна организација на вакви настани“, објаснува Лоузан.

Црвена Звезда го враќа Мициќ во Евролигата

Српскиот кошаркар Василије Мициќ наводно има понуда од Црвена звезда, пишуваат европските медиуми.

Иако е тешко да се замисли, споменатиот извор тврди дека тимот од „Мал Калемегдан“ на искусниот плејмејкер му понудил дури 4,2 милиони годишно за неговите услуги.

Мициќ играше за црвено-белите во периодот од 2014 до 2016 година, а сега сакаат да го вратат во Белград како би нападнале Ф4 во Евролигата.

Словенецот Влах потпиша за Киелце

По двомечот со Македонија словенечкиот ракометар Алекс Влах во кој постигна вкупно 17 гола и на двата дуели беше најдобар стрелец, 27-годишниот бек заминува од Алборг затоа што потпиша договор со полски Киелце.

Алборг му излегол во пресрет на Влах и го ослободил една година порано, двете страни имаа договор до 2026 година. Играчот настапуваше за данскиот тим од 2023 година, а претходно беше дел од словенечките Целје и Копер, како и хрватски Загреб.

Влах за репрезентацијата на Словенија игра од 2017 година.

Шипиќ бира од понудите од Бундеслигата

Според информациите на хрватските медиуми, за кружниот напаѓач на хрватската репрезентација Марин Шипиќ заинтересирани се Фленсбург, Фуксе Берлин и Кил.

Покрај овие три бундеслигаши, интерес за Шипиќ покажале и други клубови, па останува да се види кој ќе ја добие битката за неговиот потпис.

Шипиќ моментално настапува во Швајцарија, каде што го носи дресот на амбициозниот Луцерн, клуб во кој пристигна во сезоната 2023/24.

Германецот Бах избран за доживотен почесен претседател на ИОК

Претседателот на Меѓународниот олимписки комитет ИОК во заминување, Томас Бах, со акламација беше избран за доживотен почесен претседател, на денешното заседание во грчкиот град Пилос.

Бах (71), германски адвокат и поранешен олимписки првак во мечување, застана на чело на МОК во 2013 година, а официјално ќе ја напушти должноста на 23 јуни. Неговиот наследник ќе биде избран в четврток.

За претседателското место во МОК има седуммина кандидати.Главни претенденти се потпретседателот на МОК, Хуан Антонио Самаранч Јуниор, министерката за спорт на Зимбабве, Кирсти Ковентри и претседателот на Светската атлетика, Британецот Себастијан Коу.

Претседателот на Меѓународната велосипедска федерација Дејвид Лапартиент, шефот на Меѓународната федерација во гимнастика Моринари Ватанабе, јорданскиот принц Фејсал Ал Хусеин и мултимилионерот Јохан Елијаш, кој ја предводи Меѓународната федерација во скијање и сноуборд, го комплетираат составот кандидати за претседател на МОК.

Лаутаро Мартинез заради повреда нема да настапи против Уругвај и Бразил

Фудбалската репрезентација на Аргентина на дуелите од квалификациите за СП 2026, против Уругвај и Бразил ќе биде без Лео Меси, а најновите информации велат дека нема да игра ниту Лаутаро Мартинез.

Еден од најдобрите фудбалери на “гаучосите“ и капитен на Интер на последниот тренинг се пожалил на повреда на ложата.

Тој и покрај се сакал да остане во кампот на Аргентина, но докторскиот тим му наредил на напаѓачот веднаш да замине за Милано на дополнителни прегледи. Токму затоа и нема некои детали за тоа колку Лаутаро ќе биде во „аут“.

«< 507 508 509 510 511 >»