Реал Мадрид официјално го претстави Трент Александер-Арнолд, откако го обезбеди трансферот на англискиот дефанзивец од Ливерпул. 26-годишниот фудбалер потпиша договор на шест години со шпанскиот гигант, кој ќе го задржи во клубот до јуни 2031 година. 

Пристигнувањето на Александер-Арнолд беше потврдено минатиот месец откако Реал Мадрид постигна договор со Ливерпул за предвремено ослободување од договорот, што му овозможи на дефанзивецот да се приклучи пред престојното Светско Клупско Првенство во САД. 

Александер-Арнолд помина дваесет години во Ливерпул, каде што се искачи до еден од најдобрите бекови во Премиер Лигата и си заминува со импресивна колекција трофеи, вклучувајќи Лига на Шампиони и две премиерлигашки титули. 

На церемонијата што се одржа во Сантијаго Бернабеу, претседателот на клубот, Флорентино Перез, го поздрави дефанзивецот. На Александер-Арнолд му беше доделен дресот со број 12 и изненади многумина со тоа што на дресот го избра името „Трент“ наместо презимето. Во говорот до навивачите и медиумите, зборуваше речиси совршен шпански, изразувајќи возбуда и подготвеност за предизвикот да игра за еден од најпрестижните клубови во светот. 

Манчестер Јунајтед го претстави новиот домашен дрес за сезоната 2025/26, со свеж дизајн кој се потпира на богата традиција. Во соработка со „Adidas“, дресот е инспириран од легендарниот Олд Трафорд – симболично наречен „Театарот на Соништата“. 

Новиот дрес се одликува со апстрактен дизајн на ракавите во различни нијанси на црвено, кои ги претставуваат теренот, тунелот и трибините на стадионот. Основната боја е длабоко црвена, дополнета со чиста црно-бела јака во V-форма. Трите црни линии по рамената – препознатлив белег на „Adidas“ – му даваат дополнителна динамика, додека белите логоа на производителот и спонзорите создаваат остар контраст. На задниот дел од јаката е извезено „Theatre of Dreams“ како почит кон историјата и духот на клубот. 

Претставувањето на дресот доаѓа по тешка сезона за клубот, во која Манчестер Јунајтед заврши на 15. место во Премиер Лигата и остана без европски настапи. Во ваков контекст, новата опрема претставува симболичен обид за нов почеток и повторно поврзување со навивачите преку комбинација од традиција и современа технологија. 

Интересот на лондонскиот гигант Арсенал за Виктор Ѓокереш одамна е познат, но сега добива и поофицијални димензии. Според „CNN Portugal“, а потврдено и од „A Bola“, менаџерот на напаѓачот се сретнал со раководството на „топчиите“.

И покрај интересот за Бењамин Шешко, Арсенал во Швеѓанецот гледа алтернативна опција и затоа одржал средба со неговиот агент за да се разговара за можна понуда до Спортинг. Интересот на лондонскиот гигант Арсенал за Виктор Ѓокереш одамна е познат, но сега добива и поофицијални димензии. Според „CNN Portugal“, а потврдено и од „A Bola“, менаџерот на напаѓачот се сретнал со раководството на „топчиите“. И покрај интересот за Бењамин Шешко, Арсенал во Швеѓанецот гледа алтернативна опција и затоа одржал средба со неговиот агент за да се разговара за можна понуда до Спортинг.

Ѓокереш, кој постојано ја изразува својата желба да игра во Премиер – лигата, со оптимизам гледа на евентуален трансфер во Арсенал и внимателно ја следи ситуацијата. Засега нема официјални преговори со Спортинг, но се очекува понуда до „лавовите“ во наредните часови.

За шведскиот репрезентативец, Арсенал претставува приоритетна дестинација.

Ситуацијата се следи со голем интерес и од уште два клуба. Манчестер Јунајтед, кој веќе има направено неколку обиди да го ангажира фудбалерот, сè уште не се откажал, при што менаџерот Рубен Аморим има клучна улога во преговорите. Италијанскиот гигант Јувентус исто така е меѓу сериозните кандидати за потписот на Швеѓанецот.

По шпекулациите за можниот трансфер, претседателот на Спортинг, Фредерико Варандаш, изјави дека нема да се раздели со Ѓокереш за сума помала од 60 милиони евра, плус 10 милиони евра бонуси. Заинтересираните клубови веќе собираат информации од агентите на играчот за да подготват официјална понуда.

Един Џеко, 39-годишниот репрезентативец на Босна и Херцеговина, е блиску до враќање во Италија.

Според медиумите на Апенините, искусниот напаѓач треба да потпише договор со Болоња. Преговорите се во завршна фаза и остануваат само технички детали пред официјалната потврда.

Понудата вклучува договор за една сезона, со можност за продолжување за уште една година, доколку двете страни се задоволни од соработката.

Џеко би имал годишна плата од 1,5 милиони евра во Болоња, со дополнителни бонуси поврзани со бројот на натпревари и постигнати голови.

Одличниот напаѓач го напушти Фенербахче на крајот од сезоната, каде што помина две години.

Инаку, неколку месеци Џеко се поврзуваше со Хајдук од Сплит, но очигледно решил да игра во многу посилна лига од хрватскиот шампионат.

Тотенхем по лошата сезона во Премиер-лигата, сака да направи одредени корекции во составот.

Прва трансферна цел на „спарси“ е крилниот фудбалер на Борнмаут, Антоан Семењо. Медиумите тврдат дека лондонскиот состав може да плати околу 70 милиони фунти за интернационалецот од Гана со што би бил поставен и клупски рекорд.

За црномурестиот напаѓач се заинтересирани и екипите на Арсенал и Манчестер Јунајтед.

Новинарот, Греам Бејли, тврди дека менаџерот на Челзи, Енцо Мареска, нема доверба во ниту еден од голманите кои се на платниот список на Стемфорд Бриџ.

Познато е дека „сините“ ги имаат Роберт Санчез, Ѓурѓе Петровиќ, Филип Јоргенсен, Лукас Бергстром и Кепа Аризабалага.

Според наведеното, Мареска, не е задоволен од нив и затоа ќе се обиде во текот на летово да обезбеди нов чувар на мрежата. Првиот обид со Мајк Мењан од Милан пропадна.

Екипата на Интер може да испрати понуда до младиот фудбалер на Брајтон, Хулио Енсисо, велат последните информации од Италија.

21-годишниот играч во 2022-ра го напушти Парагвај и се пресели во Англија. Тој за Брајтон има постигнато пет голови и направено шест асистенции.

Енсисо може да игра како офанзивен од средниот ред и воедно да дејствува по крилните позиции.

Челси го објави својот список од 28 фудбалери за претстојното Светско Клупско Првенство што ќе се одржи во САД, но изборот на составот донесе неколку неочекувани изоставувања. Меѓу фудбалерите кои нема да патуваат се Жоао Феликс, Џорџе Петрович, Аксел Дисаси, Бен Чилвел, Рахим Стерлинг, Кендри Паез и Ренато Веига, додека клубот го насочува вниманието кон помладите сили и новите засилувања за проширениот формат на турнирот. 

Голем дел од изоставените фудбалери минатата сезона ја минаа на позајмица надвор од Стемфорд Бриџ. Жоао Феликс, ја заврши сезоната во Милан, но поради неговата турбулентна форма, немаше надеж за траен трансфер. Стерлинг, кој пристигна од Манчестер Сити во 2022 година, играше како позајмен во Арсенал, додека Дисаси настапуваше за Астон Вила. Бен Чилвел беше дел од Кристал Палас, а голманот Петрович ја бранеше мрежата на Стразбур во Лига 1. 

Челси ќе биде и без Весли Фофана, кој останува во Кобам поради продолжено опоравување од повреда. Францускиот дефанзивец нема да настапи на турнирот, што дополнително ги намалува опциите во одбраната. 

Поради отсуството на неколку искусни имиња, составот на Челси за Светското клупско првенство се потпира на нови засилувања и млади таленти. Лиам Делап, Мајк Пендерс, Мамаду Сар и Дарио Есуго се дел од тимот, што го нагласува фокусот на клубот на долгорочна изградба и развој на новата генерација. 

Челси се подготвува за настап на новиот, проширен формат на турнирот, а останува да се види како оваа подмладена екипа ќе се снајде на светската сцена. 

Баерн Минхен се насочува кон ангажирање на шпанскиот репрезентативец Нико Вилијамс, тврди „Билд“. Баерн сака да ја засили криланта позиција, а прва опција беше Рафаел Леао, но Милан не сака да го продаде.

Изданието наведува дека Баерн го следи Вилијамс подолг период. Во неговиот договор има фиксна откупна клаузула којашто изнесува околу 60 милиони евра.

Неговото пристигнување на „Алијанц Арена“ стана уште поверојатно откако Лерој Сане не го обнови договорот и ќе се пресели во Галатасарај.

Вилијамс веќе дал согласност за трансферот и се договорил со Баварците.

Српскиот напаѓач и репрезентативец Душан Влаховиќ ова лето сигурно ќе го напушти Јувентус, а најверојатно ќе остане во Серија А.

Тој влезе во последната година од договорот и Јувентус сака да го продаде, а интерес за него покажуваат неколку клубови меѓу кои и Милан.

Алегри одлично го познава Влаховиќ и повторно го сака во својот тим, а Милан е спремен да ја плати сумата која Јувентус ја бара.

Влаховиќ ја одбил богатата понуда од Фенербахче, бидејќи негова желба е да се пресели на „Сан Сиро“.