Иако после победата на Аргентина над Бразил во ноември на „Маракана“ во ноември во квалификациите за Мундијалот 2026 се појавија информации дека Лионел Скалони би можел да ја напушти клупата на Аргентина тоа нема да се случи.

Скалони на прес-конференцијата по тој натпревар зборуваше за проблеми кои се појавиле, а истите сега изгледа се оставени на страна, па така човекот кој ја донесе светската титула на Аргентина ќе продолжи да биде на клупата.

Во овој момент е извесно дека ќе биде селектор до крајот на Копа Америка која е на програмата следното лето и каде што Аргентина ќе ја брани титулата.

Аргентинските медиуми пренесуваат дека Скалони разговарал со претседателот на сојузот, Клаудио Тапија, па се очекува Скалони да биде на клупата и на Мундијалот во 2026 година.

Поранешниот италијански репрезенттаивец, Џорџо Киелини е назначен за тренер на Лос Анџелес.

Италијанскиот фудбалер, кој се пензионираше, стана тренер за развој на играчиво клубот од МЛС лигата. На оваа позиција Киелини ќе работи заедно со главниот тренер Стив Черундоло и стручниот штаб за да помогне во развојот на играчите од првиот тим.

Фудбалерот помина две сезони во тимот на Лос Анџелес со кој ја освои МЛС во 2022 година.

Тиаго Алкантара би можел да го напушти Ливерпул и кариерата
да ја продолжи во Бразил.
Алкатара минатата сезона пропушти голем дел поради повреда,
па го загуби местото во првиот тим, а сега предност пред него
имаат Мекалистер и Собослај.

Поради тоа Шпанецот е спремен да ја промени средината во
јануари, а најсилен интерес за него покажуваат неколку бразилски
клубови.
Алкантара е син на прославениот бразилски фудбалер Мазињо,
иако е шпански репрезентативец, сепак Бразил е негова
татковина.
32-годишниот плејмејкер е спремен да се врати во татковината, а
интерес за него покажуваат Коринитианс, Ботафого, Палмеирас и
Фламенго.

Евертон и Нотингем Форест се обвинети дека ги прекршиле
правилата за финансиски фер плеј на Премиерлигата во
периодот што завршува со сезоната 2022/23, на клубовите им се
заканува одземање бодови.
Евертон неодамна остана без 10 бодови поради прекршување на
правилата за финансиски фер плеј, а наскоро можат да се соочат
со слична казна.

„Карамелите“ направиле ново прекршување на правилата за
ФФП, овој пат за периодот то завршува со сезоната 2022/23.
Во период од три години, ниту еден клуб од Премиерлигата не
смее да направи загуби поголеми од 105 милиони фунти, од оваа
сума 15 милиони фунти треба да се на клубот, а останатите 90
милиони да дојдат од џебот на сопственикот.
Се шпекулира дека Евертон сметал дека ќе се најдр во
дозволените граници со помош на трансферот на Ришарлисон
вреден околу 60 милиони фунти во 2022, но се нашол во
проблеми поради тоа што каматата за изградба на новиот
стадион не спаѓала во загубите кои се толерираат.
Нотингем Форест е вториот клуб кој ги прекршил правилата за
ФФП за периодот што завршува со сезоната 2022/23.
„Црвените“ од Сити Граунд инвестираа многу пари во нови
засилувања откако се вратија во Премиерлигата и не успеаја на
време да ги балансираат сметките, доцна го продадоа Бренан
Џонсон на Тотенхем.

Македонскиот напаѓач, Бојан Миовски вели дека е среќен во
Абердин, свесен е за интересот на поголеми клубови, но не брза
со трансфер.
Брзо откако пристигна во Абердин, Миовски се промовираше во
ѕвезда на овој клуб. Неговата постојаност во формата привлече
големи клубови да се интересираат за неговиот потпис.
Македонецот вели дека не брза да замине од Абардин и покрај
интересот на Селтик и останатите, среќен е во овој клуб.
„Имам уште две ипол години од договорот со Абердин. Одлично
ми е во овој клуб и не брзам да си заминам. Знам дека многу
работи се пишуваат за мене, но тоа е нормално. Кога играш во
добра форма и даваш голови секогаш те следат поголеми
клубови од оној каде настапуваш. Во Абердин сум веќе година
ипол, среќен сум тука, веќе постигнав 33 голови за овој клуб, се
надевам дека и луѓето од Абердин се среќни со мене. За мој
евентуален трансфер решава и клубот“, изјави Миовски за „Дејли
Рекорд“.

Даниеле Де Роси е прв кандидат за наследник на Португалецот
на тренерското место во Рома.
„Римската волчица“ одлучи да се раздели со Жозе Мурињо и
сезоната да ја продолжи со друг тренер. Тоа најверојатно ќе биде
Даниеле Де Роси кој наскоро треба да биде назначен за нов
предводник на тимот.
Контактите се веќе направи, преговорите течат, двете страни
сакаат Де Роси да биде тренер на Рома и тоа веројатно ќе се
случи. Де Роси е вистинска легенда на Рома, цели 18 години
играше за римскиот клуб, една сезона се проба во Бока јуниорс и
во 2020 година Италијанецот има тренерско искуство во СПАЛ каде помина три години.

Арсенал и Ливерпул се заинтересирани за дефанзивецот на Баер
Леверкузен, Џереми Фримпонг, пренесуваат англиските медиуми.
Фримпонг пристигна во Леверкузен од Селтик за 11 милиони евра
и има договор со „фармацевтите“ до 2025 година, а се
етаблираше во еден од најдобрите бекови во Бундеслигата.
Премиерлигашите го следат неговите настапи и веќе ја започнаа
битлата за неговиот потпис.
Фримпонг има откупна клаузула во договорот од 40 милиони евра,
сума која споменатите клубови се спремни да ја платат.

Барселона е силно заинтересирана за дефанзивниот играч за врска на Лестер, Вилфред Ндиди, пренесуваат шпанските медиуми.

После големиот пораз во финалето од Суеркупот, Чави сака да реагира и да го засили средниот ред со дефанзивен играч за врска.

Меѓутоа, клубот нема голем буџет на располагање, па Ндиди е иделано решение.

Договорот на Ндиди со Лестер истекува на крајот на сезоната, а оваа сезона игра одлично во Чемпионшип и може да се пресели на „Камп Ноу“ за симболична сума.

Дефанзивецот на Торино, Алесандро Бонџорно, доби понуда да се пресели во редовите на Милан но, челниците на „биковите“ ја одбиле.

Тие бараат најмалку 40 милиони евра додека  „росонерите“  сакаат да ја намалат сумата и во договорот да го вклучат и еден фудбалер.

24-годишниот Италијанец во сезонава има одиграно 19 средби на кои постигна 3 гола и имаше една асистенција.