Милан е во очајна форма. Тие се без победа на четири меча во Серија А (три порази и едно реми), а тренерот Серж Консеисао се соочува со отказ.

Милан поради лошите резултати му врачи отказ на Паоло Фонсека. На неговото место дојде Серж Консеисао, но неговиот ангажман на клубот му донсе само инстант успех. Неколку добри резултати по неговото доаѓање, меѓу кои е и освоениот Суперкупо на Италија.

Кога помина почетниот период, тимот повтоно влезе во криза. Започна со елиминацијата од Феенорд во Лигата на шампионите, а продолжи со лошите резултати во Серија А.

Според италијанските медиуми, доколку Милан вечерва не го победи Лече, Португалецот би можел да добие отказ.

„Газета дело Спорт“, пишува дека Милан има сериозен план да го врати Масимилијано Алегети на клупата. Познатиот стручњак е без работа откако го напушти Јувентус.

Тој веќе го освои Скудетото со Росонерите и затоа е прв избор на раководството на клубот. Како кандидати се споменуваат Роберто Де Зерби и Цеск Фабрегас, но за нив на „Сан Сиро“ би можеле да размислуваат дури по завршувањето на сезоната, бидејќи одлично работат во Олимпик Марсеј, односно Комо.

Баер Леверкузен се обидува да го надмине разочарувањето од Лигата на шампионите и да ги одржи во живот своите надежи за титулата во Бундеслигата со победата против Вердер Бремен во сабота.

Леверкузен загуби од Баерн Минхен со 0:3 во средата во првиот натпревар од осминафиналето во Лигата на шампионите и се соочува со тежок предизвик викендов против Вердер Бремен.

„Фармацевтите“ заостануваат осум бода зад лидерот Баерн Минхен во Бундеслигата и не можат да си дозволат да загубат повеќе бодови доколку сакаат да се доближат до Баварците.

„Потребен ни е голем напор, голем пресврт и ако имаме шанса, ќе се бориме за тоа. Расположението денес е подобро од вчера. Разговаравме за се, мора да бидеме професионални и да се фокусираме на следниот натпревар. Најдобар начин да се подготвиме за добар натпревар е да имаме добро чувство.

Секој турнир го сфаќаме многу сериозно и сега Бундеслигата е следниот тест на распоредот. Ние сме во позиција каде што уште многу може да се случи и се е отворено“, рече Чаби Алонсо.

Фудбалерот Нико Вилијамс од Атлетик Билбао минатото лето беше значително поврзуван со заминување од својот клуб, но реши да остане во тимот.

Барселона беше најблиску до тоа да го ангажира, но не успеа да го добие неговиот потпис.

Во трката за неговото ангажирање сега се приклучува и Арсенал. Англискиот клуб има амбиции да го „украде“ од Барселона.

Артета го гледа Вилијамс како идеален засилување за нападот во наредното лето и мисли дека одлично ќе се вклопи во неговиот стил на игра.

Минатото лето, Јувентус го донесе Копмајнтерс, а сега нивниот интерес е насочен кон нова ѕвезда од Аталанта.

Се работи за Адемола Лукман, кој на лето сигурно ќе бара нов клуб.

Еден од најимпресивните играчи на Аталанта привлече внимание од многу клубови благодарение на неговите настапи во Серија А, а Јувентус ја следи неговата ситуација веќе некое време.

Лукман сака да го направи следниот чекор во кариерата и подготвен е да ја прифати понудата од Јувентус.

Медиумите од Англија пренесуваат дека младиот Коби Мејно размислува за трансфер откако преговорите со Манчестер јунајтед за нов договор подолго време тапкаат во место.

Коби Мејно во моментов е еден од најплатените фудбалери на Манчестер јунајтед, се шпекулира дека неговата неделна плата изнесува 20.000 фунти.

Двете страни полго време водат преговори за нов договор, но има големи разлики помеѓу понудата и побарувачката.

Последните информации велат дека Коби Мејно ќе го одбие новиот предлог на „ѓаволите“ и полека размислува за трансфер.

Се шпекулира дека младото момче бара неделна плата од околу 150.000 фунти, и во моментов понудата на Манччестер јунајтед е далеку од ова.

Доколку не биде пронајден компромис, клубот од Олд Трафорд ќе го стави Коби Мејно на продажба и ќе се обиде да му „извади“ добра сума од околу 70 милиони фунти.

Фудбалската асоцијација на Англија (ФА) успеа во намерите да му биде зголемена суспензијата на голманот на Милвол, Лијам Робертс. Голманот на Милвол, минатата недела доби црвен картон по само осум минути игра, во осминафиналето на ФА купот, против Кристал Палас.

Во осмата минута Робертс, брутално стартуваше врз напаѓачот на Кристал Палас, Жан-Филип Матета. Судијата Мајкл Оливер дури по интервенцијата од ВАР собата ја прегледа снимката и го исклучи Робертс.

Матета беше изнесен од теренот на носилки.

Остри критики добија и навивачите на Милвол, кои се познати по тоа што се едни од најекстремните во Англија. Додека му се укажуваше помош на Матета, тие од трибините скандираа „нека умре“, а протестираа и поради интервенцијата од ВАР собата.

Дисциплинската комисија по натпреварот одлучи да го казни Робертс со три меча суспензија во сите натпреварувања под ингеренции на ФА, а сега е објавено дека казната е зголемена од три на шест натпревари.

Тренерот на Фенербахче, Жозе Мурињо ги предупреди навивачите и фудбалерите на Глазгов Ренџерс да не слават предолго по синоќешната победа од 3-1 над неговиот тим во првиот натпревар од осминафиналето на Лига Европа.

Мурињо рече дека не е задоволен од играта на неговите играчи, но е среќен што Фенербахче загуби само со два гола разлика.

„Не е фер да се каже дека бевме трагични во одбраната. Бевме само трагични на секој дел од теренот. Можеби мислите дека сум луд, но за мене овој резултат не е лош бидејќи можевме да загубиме со повеќе. Но ништо не е готово. Има уште 90 или 120 минути“, рече Мурињо.

Реваншот во главниот град на Шкотска е закажан за 13 март.

„Само сакам да му порачам на Ренџерс да не претерува со прославите бидејќи има втор натпревар. Ништо повеќе“, додаде португалскиот тренер.

Пеп Гвардиола наскоро би можел да добие засилување во својот стручен штаб пренесуваат медиуми блиски на клубот.

„Граѓаните“ поминуваат низ една турбулентна сезона во која поминуваа низ тежок период. Сега изгледа дека ситуацијата се стабилизира, а со пласман во Лигата на шампионите и освојување на ФА Купот би можело да се смета дека сезоната е „извадена“.

Се очекуваат промени во играчкиот кадар, но и во стручниот штаб. Според последните најави Пеп Гвардиола го повика лпоранешниот фудбалер за врска и капитен на Манчестер сити, Фернандињо да му се придружи во тимот за да помогне со своето исксутво.

Бразилецот на тој начин и тренерски би растел пред да започне самојстојна тренерска кариера.

Слично беше со Микел Артета кој откако ја заврши кариерата како фудбалер помина три години како помошник на Гвардиола, па го презема Арсенал каде што е и денес.