Борусија Дортмунд ќе има право да го откупи напаѓачот Џејдон Санчо за 29 милиони евра на крајот на сезоната. Англичанецот треба да им се приклучи на „милионерите“ на позајмица до крајот на сезоната 2023/2024.
Дортмунд ќе исплати помалку од половина од платата на Џејдон во втората половина од актуелната сезона.
Напаѓачот на ПСЖ, Килијан Мбапе одговори на прашање за неговата
иднина во клубот.
„Сè уште немам донесено никаква одлука за мојата иднина. Јас не
направив избор. Никој не зборува за мојата ситуација во клубот. Јас не ја донесов мојата одлука, но имаме договор со претседателот Ал-
Хелаифи, така што тоа значи дека сите страни се заштитени.
Фокусирајте се на тимот, а не на мојата ситуација“, му изјави Мбапе
на новинарот Фабрицио Романо.
Претходно беше објавено дека Мбапе би можел да ја продолжи
кариерата во Реал Мадрид. Интерес за играчот покажа и Ливерпул.
Мбапе игра за ПСЖ од 2018 година. Договорот на напаѓачот со
клубот е до летото 2024 година.
Американските медиуми пренесуваат дека НБА отворила истрага
против Бруклин Нетс. Одборот на лигата го прегледал натпреварот
Бруклин – Милвоки, кој се одигра пред Нова година и на кој победи
Бакс со 144-122.
Се зборува дека Бруклин нетс може да биде казнет поради малиот
број играчи што се појавија на тој натпревар и поради ротацијата во
која немаше четворица од најдобрите негови играчи.
Дополнително, кога порасна доволно предноста на Милвоки, уште
тројца играчи не се вратија во игра, па практично Бруклин го одигра
поголемиот дел од натпреварот без своите седуммина најдобри
играчи.
Лигата е многу незадоволна од ваквиот развој на ситуацијата и сега се размислува, врз основа на правилата на НБА, Бруклин да биде казнет.
Србија се соочува со големи проблеми пред почетокот на Европското
ракометно првенство.
Селекторот Тони Џерона нема да отпатува во комплетниот состав на
последните подготовки во Шпанија, а најново име кое се приклучи на
повредените играчи е капитенот на „орлите“, Немања Илиќ.
Средниот бек заработил незгодна повреда и не е познато дали ќе биде
„фит“ за настап на континенталниот собир, а повеќе информации се
очекуваат во текот на оваа недела. Илиќ останува во Белград уште
неколку денови, по што ќе се приклучи на тимот, но неговата
подготвеност за настап ќе биде јасна на ден пред почетокот на
собирот.
На негово место во моментов е повикан „вардарецот“ Марко
Срдановиќ, кој можно е и да остане во тимот за Европското првенство.
Србија ќе се натпреварува во групата Ц, каде противници ќе ѝ бидат
Унгарија, Исланд и Црна Гора.
Даниел Аврамовски денеска и официјално е претставен како ново засилување за турскиот второлигаш Болуспор.
Нашиот интернационалец по заминувањето од екипата на Сараево се реши да се врати во Турција, каде претходно настапуваше за екипата на Кајзериспор.
Аврамовски потпиша договор на 1,5 година со Болуспор.
Македонскиот фудбалски репрезентативец Дарко Велковски кариерата ја продолжува во Романија. Нов клуб на нашиот интернационалец ќе биде Динамо Букурешт.
Новиот стопер на Динамо Букурешт доаѓа во Романија како слободен играч, откако претходно ја раскина соработката со саудискиот клуб Ал Етифак. Дарко има 48 настапи и 3 гола за националниот тим на Македонија.
28-годишниот стопер ќе биде големо засилување за одбраната на Динамо, кој е претпоследен на табелата во првиот дел од сезоната и грчевито ќе се бори за опстанок.
Францускиот гигант Пари Сен Жермен, кој наиде на неодобрување на градоначалничката на Париз, Ен Идалго да му го продаде „Паркот на принцовите“, повеќе не е кандидат за купување на „Стад де Франс“. Ова беше соопштено од извор од клубот.
Катарскиот спортски инвестициски фонд, кој е сопственик на ПСЖ, пред неколку месеци посочи дека сериозно размислува за купување или закуп на националниот стадион, но не поднесе документи за да го стори тоа до рокот кој истече синоќа.
Од самиот почеток, овој интерес беше сфатен од многу набљудувачи како начин да се изврши притисок врз градоначалничката на главниот град, Ен Идалго, да се препушти на клубот „Паркот на принцовите“, стадион кој во моментов е дом на ПСЖ.
Арсенал и понатаму е еден од кандидатите за титула во Премиер лигата, меѓутоа последните два порази изгледа го натерале тренерот Микел Артета да размислува и за промени.
Во овој момент не е јасно дали Арсенал ќе ангажира ново име во своите редови, меѓутоа скоро сигурно е дека некои фудбалери ќе го напуштат првиот тим. Информациите на „Сан“ се дека на листата за заминување на Арсенал се осум фудбалери, а некои од нив може да си заминат уште во овој месец.
Голманот Арон Рамсдајл би можел да ја промени средината во потрага по голема минутажа, посебно пред Европското првенство, а Арсенал нема да прави проблем ако некој клуб плати 35 милиони евра (истата сума за која тие го доведоа).
На листата фудбалери кои можат да си заминат се уште Јакуб Кивор, Рис Нелсон, Еди Никетија, Емил Смит Роу, Томас Парти, Седрик Сораеш и Мохамед Елнени.
Алваро Мората често се поврзува со други клубови, но засега останува важен дел од тимот на Атлетико Мадрид.
Мората која има сопруга Италијанка призна дека во последното лето бил многу блиску до трансфер во Интер, но по разговор со Диего Симеоне одлучил да остане во Атлетико.
„Пред неколку години Марота ме доведе во Јувентус и оттогаш сум о одлични односи со него. Интер навистина беше блиску до мојот потпис, но на крајот разговарав со тренерот Симеоне и одлучив дека е најдобро да останам во Атлетико.
Имавме еден искрен разговор и си кажавме се што треба, споделивме мислење на разни теми и на крајот одлучивме да останам“, изјави Мората.
Нема дилеми дека со трансферот во Интер ќе ги разочараше навивачите на Јувентус каде што на двапати настапуваше. Сезонава Мората игра одлична сезона во која постигна 14 голови и подели три асистенции.
По четири години доминација Сон Хеунг-Мин не е најдобар фудбалер на Јужна Кореја.
Според резултатите ова признание во 2023 година оди во рацете на дефанзивецот на Баерн Минхен, Ким Мин Џе.
Дефанзивецот зад себе има одлична сезона во Наполи со што си обезбеди трансфер во Баерн каде што продолжи со добрите настапи. За Наполи одигра 35 натпревари во Серија А, постигна два гола и подели две асистенции. За Баерн сезонава има 22 натпревари.
Сон вкупно во кариерата седум пати бил најдобар фудбалер во кариера и тоа во годините: 2013, 2014, 2017, 2019,2020,2021, 2022.
