Манчестер Јунајтед презеде конкретни чекори за да ја ангажира ѕвездата на Јувентус, Кенан Јилдиз, тврди „Фудбал Италија“.

„Црвените ѓаволи“ се подготвени да ги платат 80-те милиони евра што ги бара торинскиот клуб за офанзивниот играч за врска.

„Старата дама“ го сака Јилдиз, но во исто време Италијанците се спремни да се разделат со него доколку некој клуб ги плати определените 80 милиони. евра.

Турскиот репрезентативец оваа сезона за „бјанконерите“ на 41 натпревар постигна 6 гола и направи 4 асистенции.

Јувентус го ангажираше Јилдиз со слободен трансфер од академијата на Баерн Минхен во летото 2022 година. За офанзивниот играч е заинтересирана и Астон Вила.

Челзи објави дека договори со „сините“ потпишале младите фудбалери на Спортинг Лисабон, Џовани Кенда и Дарио Есугo. Португалскиот клуб од трансферите заработи 62,4 милиони фунти. За Кенда, Челси издвои 43,7 милиони фунти, додека Есуго ќе му се приклучи на тимот ова лето за 18,7 милиони фунти.

Кенда е репрезентативец на Португалија до 21 година и ќе остане во Спортинг на позајмица следната сезона пред да се пресели на „Стемфорд Бриџ“ во летото 2026 година.

Есуго, кој исто така е репрезентативец на Португалија до 21 година, оваа сезона беше на позајмица во Лас Палмас. Челзи го следи веќе некое време и очекува тој да му даде длабочина на тимот следната сезона и да биде му биде поддршка на Каиседо во редот за врска.

Португалскиот играч за врска Жоао Палиња ги отфрли денеска медиумските написи за негово заминување од минхенски Баерн.

Палиња наведе дека нема намера да го напушти Баерн, иако во првата сезона сè уште не ги оправда големите пари што водечкиот тим во германското фудбалско првенство ги вложи за неговото доаѓање од англискиот прволигаш Фулам.

Баварците сакаа да го ангажираат 29-годишниот Португалец во 2023 година, но Палиња дојде во Минхен минатото лето за сума од 51 милиони евра. Сепак, Палиња сè уште не се наметна во стартниот состав, делумно поради повредата на мускулот што го оддалечи од терените два месеци.

„Не ме интересираат гласините за заминување. Ќе направам сè за да покажам зошто клубот ги потроши тие пари на мене. Немам намера да заминам“, изјави Палиња во денешното издание на неделникот „Спорт Билд“.

Португалецот оваа сезона настапи на 12 првенствени натпревари, а само пет пати беше во почетниот состав на тренерот Винсент Компани, последен пат на 8 март кога беше исклучен во 42. минута на дуелот против Бохум.

Македонската фудбалска репрезентација У 17 одигра нерешено против Шкотска 2-2 и го освои првиот бод на стартот на квалификацискиот турнир за место на Европското првенство.

Головите за Македонија ги постигнаа Марковски во 40-та минута и Џаку во 83-та додека стрелци за домаќинот на турнирот беа Бојд во 52-та и Хогард во 80-та минута. Во вториот меч во нашата група селекцијата на Романија го совлада Лихтенштајн со убедливи 10:0.

Во второто коло закажано за 22 март, ние ќе играме со аутсајдерот Лихтенштајн додека Романците ќе се сретнат со Шкотска. Ќе потсетиме дека само победникот од секоја група ќе оди на континеталниот собир.

Арсенал треба да започне официјални преговори со напаѓачот Букајо Сака за нов договор, јавува „Би-би-си. Актуелниот договор на играчот е на уште две години.

23-годишниот Англичанец е надвор од терените од декември откако се здоби со кинење на тетивата на мечот против Кристал Палас. Тој беше опериран и периодов закрепнува од повредата.

Сака е производ на школата на Арсенал. Оваа сезона на 24 натпревари во сите натпреварувања постигна девет гола и 13 асистенции.

Од 2020 година настапува и за англиската сениорска репрезентација

Во пресрет на натпреварот Македонија – Лихтенштајн (22 март, Вадуц), воведен од квалификациите за Светското првенство 2026, македонскиот репрезентативец Јован Манев зборуваше за претстојниот предизвик, но и за тешките моменти низ кои поминува тој и целата нација по големата трагедија што ја потресе јавноста. Со емоции, тој истакна дека доколку добие шанса ќе даде се од себе на теренот, посветувајќи го настапот на оние кои повеќе не се со нас.

„Ова се многу тешки денови за мене и за сите нас, загубивме многу блиски пријатели, но знам дека тие би сакале да продолжиме да се бориме за нашата земја и за репрезентација. Ќе ми фалат секогаш, никогаш нема да бидат заборавени и ако ми се укаже шанса на мене и на моите колеги, ќе го дадеме максимумот во чест на сите нив. Ова е шанса да покажеме карактер и сплотеност, сите заедно да постигнеме резултати, најпрво за сите оние кои го загубија животот“, изјави Манев.