Фудбалерот на Аталанта, Матео Ратеги, нема да може да и помогне на италијанската репрезентација на претстојниот двомеч за опстанок во елитната дивизија од Лигата на нации против репрезентацијата на Германија.

Фудбалската федерација на земјата објави дека 25-годишниот напаѓач има проблем со повреда на ногата и поради тоа морал да го напушти тренинг-кампот на „азурите“.

„Матео повеќе не е во составот на италијанската репрезентација. Во средата лекарските прегледи покажаа дека има проблем со мускулот. Поради тоа нема да биде во тимот за мечевите против Германија“, соопшти националната федерација.

Отсуството на Ретеги претставува сериозен удар за селекторот Лучано Спалети. Ретеги е во актуелната сезона постигна 22 гола на 27 натпревари и е најдобар стрелец во Серија А.

Репрезентацијата на Италија во среда на 20 март на стадионот „Џузепе Меаца“ во Милано ќе го одигра првиот натпревар против Германија, а реваншот ќе биде в недела на во Дортмунд.

Челзи е заинтересиран за трансфер на голманот на Рома, Миле Свилар. Во тековната сезона, Роберт Санчез и Филип Јоргенсен ротираат меѓу стативите на „сините“, додека минатата сезона во клубот беше и Ѓорѓе Петровиќ. Шпанскиот стручњак не е воодушевен од споменатите двајца, додека Србинот го испрати на позајмица во Стразбур.

Миле Свилар има 25 години, а на 28 натпревари во Серија А оваа сезона, 11 пати ја сочува мрежата и се наметна како еден од најдобрите голмани во лигата.

Рома му понуди нов договор и тоа се сметаше за завршена работа, но поранешниот играч на Андерлехт и Бенфика побара плата од 4.000.000 евра по сезона.

Челниците“ на Рома сметаат дека ова е нереално барање, па затоа Челзи би можел да ги искористи замрзнатите преговори. Покрај лондонскиот клуб, за услугите на Свилар се заинтересирани и Баерн и Монако, кои внимателно го следат развојот на настаните.

Селекторот на фудбалската репрезентација на Лихтенштајн, Конрад Фунфштик, вели дека Македонија е голем фаворит на првиот меч од квалификациите за Светското првенство во 2026 година.

„Ако се држиме според планот за игра, ќе успееме да дојдеме до нашата цел, тоа е да им направиме што е можно повеќе потешкотии на противниците. Ние сме аутсајдери во секој меч, ама не го криеме тоа. Македонија вреди многу повеќе од овој тим на Лихтенштајн. Ама и покрај тоа сакаме да одиграме убав меч пред нашите гледачи и да покажеме напредок и убав фудбал“, изјави селекторот на Лихтенштајн.

Македонија му гостува на Лихтенштајн во Вадуц в сабота од 15:00 часот.

Фудбалерот на Милан, Алваро Мората, кој настапува за Галатасарај како позајмен, откри за што жали во кариерата.

„Да можам да го вратам времето, немаше да донесам одлука да го напуштам Атлетико. Тогаш не сфатив дека тренерот Симеоне многу ме цени“, изјави Мората.

Мората му се приклучи на Атлетико Мадрид на позајмица од Челзи во 2019 година, една година подоцна трансферот стана постојан. Сепак, неколку месеци подоцна фудбалерот се пресели во Јувентус на позајмица, по што мина две години во Атлетико и во 2024 година се пресели во Милан.

Има играно и за Реал Мадрид, а во шпанската репрезентација првиот повик го доби во 2014 година.

Фудбалерот на Челзи, Кол Палмер, поради повреда нема да игра за репрезентацијата на Англија на стартот од квалификациите за СП 2026 година, соопшти денеска неговиот клуб.

„Палмер се врати во клубот од таборот на репрезентацијата на Англија поради повреда на мускулот со која се здоби на неделниот тренинг на тимот. Поради таа повреда Палмер не играше за Челзи против Арсенал во неделата. Палмер поради повреда ќе ги пропушти натпреварите на Англија против Албанија и Летонија“, се вели во соопштението на „сините“.

Англија во петок ја пречекува Албанија, а во понеделник гостува кај Летонија, на стартот од натпреварувањето во квалификациската група К, во која се и Србија и Андора.

Селекторот на италијанската фудбалска репрезентација Лучијано Спалети го повика крилниот напаѓач на Аталанта, Раул Беланова во репрезентацијата за четвртфиналето против Германија во Лигата на нации, откако се повредија Матија Закањи и Андреа Камбиасо, објавија италијанските медиуми.

Првиот натпревар е во четврток на стадионот „Сан Сиро“ во Милано, додека реваншот во недела ќе се игра во Дортмунд со истиот термин.

Италијанците веќе мораа да бараат замена за ѕвездата на Интер, Федерико Димарко, па доцна синоќа проблемите на Спалети се зголемија. 24-годишниот Беланова досега има четири настапи за италијанската репрезентација, додека оваа сезона за Аталанта забележа 36 настапи во сите натпреварувања.