Пари Сен Жермен трагна по потписот на капитенот на ливерпул, Вирџил ван Дајк.

Според француските медиуми, спортскиот дирекотр на ПСЖ започнал прелиминарни преговори со Холанѓанецот, што само долеа масло на огнот на видеото кое се појави по натпреварот помеѓу Ливерпул и ПСЖ.

Имено, по осминафиналниот реванш во Лигата на шампионите се појави видео на кое Ван Дајк комуницира со првиот човек на ПСЖ, Насер Ал-Келаифи и спортскиот директор Кампос.

Последните информации говорат дека ПСЖ на Ван Дајк му нуди двегодишен договор вреден 40 милиони евра (20 милиони годишно), со опција за продолжување на уште една сезона и со потенцијални бонуси и заработка од дури 50 милиони до 2027 година.

Навивачите на Ливерпул се загрижени бидејќи клубот се уште не направил конкретни потези во преговорите и знаат дека клубот не може да и парира на оваа понуда.

По елиминацијата од ПСЖ, Ван Дајк изјави дека тимот од Париз е „најтешкиот противник и најдобриот тим против кој Ливерпул играл во последните четири години“.

Поранешниот европски и светски фудбалски шампион Црвена ѕвезда и најтрофејниот македонски клуб Вардар ќе одиграат хуманитарен пријателски натпревар. На 16 април во Скопје хуманитарен натпревар ќе одиграат Вардар и Црвена ѕвезда

Челниците на двата клуба се договорија двата клуба да се сретнат во Скопје на 16 април.

„ФК Вардар изразува огромна благодарност до големите фудбалски пријатели и нивната армија од навивачи за овој бескрајно голем хуман потег. Двата клуба договорот ќе го потпишат во текот на утрешниот ден. Исто така изразуваме голема благодарност до легендата на Вардар и Црвена yвезда, Илија Најдоски, со чие посредништво е овозможен овој спектакл“, објави синоќа ФК Вардар.

Средствата собрани од натпреварот ќе бидат донирани за семејствата на настраданите во трагедијата во Кочани.

На прес-конференција во текот на вчерашниот ден и селекторот на српската фудбалска репрезентација Драган Стојковиќ-Пикси предложи одигрување на хуманитарен натпревар меѓу Србија и Македонија за настраданите од трагедијата во која загинаа 59 лица а повеќе од 150 се повредени.

Екипата на Њукасл по 70 години успеа да освои трофеј.

Црно-белите го совладаа Ливерпул со 2-1 на „Вембли“ и со тоа го освоија трофејот во англискиот Лига куп.

Ова е голем успех и за тренерот на тимот, Еди Хау, кој со тоа стана првиот англиски тренер кој освоил домашен трофеј од 2008 година.

Последниот тренер, Англичанец кој успеал да освои трофеј во Англија бил Хари Реднап. Со Портсмут, овој тренер го освои ФА Купот.

Звучи неверојатно што ниту еден тренер од Англичанец не ја освоил Премиер лигата.

Тибо Куртоа се врати во репрезентацијата на Белгија откако пред 22 месеци одби да игра за „црвените ѓаволи“.

Неговата одлука тогаш беше пред се поради конфликтот со поранешниот селектор Доменико Тедеско, а основата беше капитенската лента која му припадна на Ромелу Лукаку. Враќањето на Куртоа доведе до откажување на Кјоен Кастелс, кој беше стартен голман во негово отсуство во последните две години.

Сега Марк Вилмотс, кој ја водеше Белгија од 2012-2016 година, не го криеше незадоволството од враќањето на Куртоа и го опсипуваше со критики.

„Не би го повикал, би ги пропуштил и тие два натпревари. Прво ќе видам и слушнам од тимот, ќе дознаам што мислат играчите за проблемот. Би разговарал и со Кастилс, би им покажал почит на оние што се тука во последните две години и дури тогаш можеби би го вратил Куртоа. Тој ја затвори вратата на националниот тим една недела пред неговата венчавка“ изјави Вилмотс.

Новиот тренер Руди Гарсија призна дека ќе разговара со Куртоа за тоа што се случило пред речиси две години.

„Тибо е еден од најдобрите голмани во светот, ако не и најдобар. И прекрасно е што го имаме во тимот. Сите ќе зборуваме за тоа што се случи, но тоа се случи еднаш. Веќе отворивме ново поглавје и сакаме да одиме напред”, додаде Гарсија.

Ѕвездата на Рома, Пауло Дибала поради повреда ќе биде надвор од терените околу еден месец. Аргентинскиот интернационалец заработи повреда на бутот на натпреварот против Каљари (1:0) викендов, а лекарските прегледи потврдија дека се работи за истегнување кое ќе бара долго закрепнување, објави „Скај Италија“.

Дибала одигра само 13 минути на натпреварот против Каљари. Тој влезе во игра во 64. минута на местото на Матијас Суле, но беше принуден да биде заменет со Николо Пицили во 75. минута поради повреда.

Првично, постоеше загриженост дека проблемот е поврзан со коленото, што му предизвикуваше тешкотии во последните недели. Подоцна, сепак, стана јасно дека овој пат повредата е на бутот.

Се очекува 31-годишниот Аргентинец да се врати на терените најрано кон средината на април. Тој испадна од селекцијата на Аргентина за квалификациите за Светското првенство со Уругвај и Бразил, а сигурно ќе ги пропушти и натпреварите на Рома против Лече и Јувентус, оставајќи минимални шанси да биде на располагање за дербито со Лацио кое е закажано за 13 април.

Според информациите на римска „Ла Република“, многу големи тимови ќе чукнат на вратите на Милан во наредниот период на трансфери. Голем број одлични, млади играчи оваа сезона покажаа дека се иднината на европскиот и светскиот фудбал.

Еден од нив е и Тиџани Рејндерс кој во јули 2023 година пристигна на „Сан Сиро“ од АЗ Алкмар за „само“ 20 милиони евра. „Само“ бидејќи истиот извор тврди дека на лето клубови од Премиер лигата без проблем ќе платат 100 милиони евра за холандскиот репрезентативец.

Рејндерс оваа сезона на 42 натпревари постигна дури 13 голови и имаше четири асистенции.

Според италијанските медиуми, Милан ја покажува својата силна заинтересираност за играчот на Реал, талентираниот турчин Арда Гулер.

Ова лето неколку европски гиганти имаа силен интерес за „турскиот Меси“, но на крајот Реал донесе одлука тој да остане во нивниот тим.

Гулер импресионираше не само минатата сезона, туку и на Европското првенство, покажа дека е еден од најперспективните таленти на континентот.

И покрај тоа, во Реал не добива доволно можности и е склон кон промена на средината; Милан се надева дека ќе ја искористи таа ситуација.

„Росонерите“ се во процес на подготовка на понуда која вклучува и бај-бек клаузула за Реал, што ќе им овозможи да го вратат играчот во следните три години.