Напаѓачот Расмус Хојлунд е гладен за повеќе голови откако вчера постигна гол за Манчестер Јунајтед во победата од 3-0 над Лестер, со што стави крај на неговата тримесечна голгетерска суша.

Напаѓачот имаше неколку разочарувачки периоди на „Олд Трафорд“ откако се приклучи од Аталанта во август 2023 година, што доведе до прашања дали договорот од 64 милиони фунти е оправдан. Парите за тимот од Бергамо би можеле да скокнат дури и до 72 милиони доколку играчот постигне одредени резултати.

До вчера Данецот имаше серија од 21 натпревар без постигнат гол, но сега даде поттик за убедливата победа на избраниците на Рубен Аморим.

„Да, секако дека сум среќен, но не е сè до головите. Јасно е дека сум среќен, постигнав гол и тоа ми дава голема самодоверба. Мислам дека се се сведува на мојата изведба. Јасно е дека не сум на врвот на мојата форма, како што би сакал, и сè уште се адаптираме на нов систем. Но, мислам дека во последно време почнувам да изгледам малку подобро. Но, повторно да кажам – задоволен сум, среќен што постигнав гол и сигурен сум дека сега ќе дојдат уште повеќе“, изјави Скандинавецот за новинарите пред денешниот тимски тренинг.

Хојлунд чувствува се посилна поврзаност со своите соиграчи бидејќи тренерот Аморим прави се што може за да го извлече најдоброто од своите играчи.

„Го гледам ова како добар чекор на патот, но само сакам да продолжам да се подобрувам и да бидам подобар“, рече тој.

Многу полемики имаше околу тоа кој ја заслужил „Златната топка“ минатата година, а на крајот таа чест му припадна на Родри. Сега и Килијан Мбапе се огласи на оваа тема.

Златната топка е најголемо индивидуално признание што еден фудбалер може да го добие во својата кариера.

Изборот за оваа награда минатата година падна на Родри од редовите на Манчестер Сити, што предизвика многу реакции и коментари.

Голем дел од фудбалските ентузијасти сметаа дека Шпанецот тоа не го заслужувал и дека оваа чест требаше да му припадне на Винициус Жуниор.

Сега на оваа тема проговори и соиграчот на Винициус Жуниор од Реал Мадрид – популарниот Килијан Мбапе.

„Што значи да бидеш играч што освојува Златна топка? Дали Родри личи на играч за Златна топка?“, жестоко започна Французинот.

„Мислев дека ќе оди кај Винисиус Жуниор, но отиде кај Родри. Ако ви кажав три месеци пред тоа дека ќе ја освои, ќе речевте дека сум луд“, додаде Мбапе.

Генералниот директор на фудбалскиот состав, Црвена Звезда, Звездан Терзиќ, потврди дека неговиот тим ќе одигра хуманитарен натпревар против Вардар во Скопје а приходот од истиот ќе биде за помош за семејствата на погодените од трагедијата во Кочани во која во пожар во ноќен клуб животот го загубија најмалку 59 лица.

„Сите во Црвена Звезда се длабоко потресени од трагедијата што се случи во Кочани. Веднаш стапивме во контакт со нашите играчки легенди од Скопје, Дарко Панчев и Илија Најдоски, и со нивна помош стапивме во контакт со управата на Вардар и се договоривме да одиграме хуманитарен натпревар. Ова е најмалку што може да направи Црвена звезда за својата братска Македонија во ова тешко време. Изразуваме искрено сочувство до сите семејства на жртвите, како и до сите граѓани на Македонија, со надеж дека овој гест ќе покаже колку нè погоди оваа трагедија и дека сме обединети во тагата со семејствата на жртвите“, изјави Терзиќ.

Најавениот меч меѓу Вардар и Црвена Звезда треба да биде одигран на Арената „Тодор Проески“ во Скопје на 16 април.

Селекторот на македонската репрезентација, Благоја Милевски после првиот тренинг се соочи со непланирани проблеми поради повреди на двајца фудбалери.

Милан Ристовски и Лирим Ќамили нема да бидат во составот на македонската репрезентација за претстојните натпревари против Лихтенштајн и Велс.

Како замена, селекторот дополнително го повика Давид Тошевски од Австрија Клагенфурт.

Настапот на Стефан Ашковски останува неизвесен поради повреда на зглобот, а неговата состојба ќе биде дополнително проценета од медицинскиот тим.

Пари Сен Жермен трагна по потписот на капитенот на ливерпул, Вирџил ван Дајк.

Според француските медиуми, спортскиот дирекотр на ПСЖ започнал прелиминарни преговори со Холанѓанецот, што само долеа масло на огнот на видеото кое се појави по натпреварот помеѓу Ливерпул и ПСЖ.

Имено, по осминафиналниот реванш во Лигата на шампионите се појави видео на кое Ван Дајк комуницира со првиот човек на ПСЖ, Насер Ал-Келаифи и спортскиот директор Кампос.

Последните информации говорат дека ПСЖ на Ван Дајк му нуди двегодишен договор вреден 40 милиони евра (20 милиони годишно), со опција за продолжување на уште една сезона и со потенцијални бонуси и заработка од дури 50 милиони до 2027 година.

Навивачите на Ливерпул се загрижени бидејќи клубот се уште не направил конкретни потези во преговорите и знаат дека клубот не може да и парира на оваа понуда.

По елиминацијата од ПСЖ, Ван Дајк изјави дека тимот од Париз е „најтешкиот противник и најдобриот тим против кој Ливерпул играл во последните четири години“.