Атлетико Мадрид сака да заработи од Феликс кој нема желба да се врати во Мадрид.

Феликс нема намера да се врати во Мадрид, каде што не сака да игра, додека од друга страна во Барселона се уште не се сигурни дали сакаат да го задржат, бидејќи Чави не е баш заинтересиран за Португалецот додека претседателот Жоан Лапорта нема ништо против Феликс да остане во тимот.

Атлетико и постави ултиматум на Барселона доколку сака да го задржи во своите редови да плати 15 милиони евра со задолжителен откуп.

Португалецот од почетокот на сезоната постигна осум гола

Реал Мадрид сака на лето да го врати во своите редови левиот бек на Милан, Тео Хернандез, пренесуваат шпанските медиуми.

Францунот игра фантастично и се етаблираше во еден од најдобрите леви бекови во Европа, па Реал сака да си ја поправи грешката.

Милан пред неколку сезони го купи за 20 милиони евра, а Реал сега е спремен да понуди 60 милиони евра плус бонуси.

Анчелоти е во потрага по квалитетен лев бек и прва желба е Алфонсо Дејвис, но бидејќи тој трансфер е тежок за реализација сега „кралевите“ ќе се насочат кон Тео Хернандез.

Интер е силно заинтересиран за ѕвездата на Наполи, Пјотр Зиелински пренесува „Газета дело Спорт“.

Зиелински влезе во последната година од договорот со Наполи и се уште нема ставено потпис на нов договор бидејќи сериозно размислува да ја промени средината. Таквата ситуација сака да ја искористи Интер, а директорот Марота е експерт за доведување на слободни агенти.

„Нероаѕурите“ веќе стапиле во контак со неговиот агент и сакаат што е можно побрзо да постигнат договор со цел да ја победат конкуренцијата.

Зиелински веќе во јануари ќе биде слободен да потпише преддоговор со „нероаѕурите“, а во јуни да се пресели во Милано.

Откако беа поразени на гостувањето кај Вест Хем, фудбалерите на Манчестер Јунајтед одиграа уште еден натпревар без постигнат гол. 

Така „црвените ѓаволи“ не успеваа да постигнат гол и четврти натпревар по ред. Ова се случи за прв пат по 31 година. Последен пат Манчестер Јунајтед имал ваква негативна и лоша серија од четири натпревари без голови во ноември 1992 година. Во тоа време, тимот беше предводен од Сер Алекс Фергусон.

Манчестер Јунајтед го постигна својот последен гол во средата, 6-ти декември. Ова се случи на натпреварот од англиското првенство со Челзи – 2-1. Во следните четири натпревари во сите натпреварувања, избраниците на Ерик Тен Хаг не постигнаа ниту еден гол: 0-3 со Бурнемаут, 0-1 со Баерн, 0-0 со Ливерпул и 0-2 со Вест Хем.

Следниот натпревар Манчестер Јунајтед го игра во вторник на 26 декември. Екипата на Тен Хег на домашен терен ќе ја пречека Астон Вила во рамките од 19. коло од Премиер лигата. 

Виктор Осимен стави потпис на нов договор со Наполи.

Новиот договор на Осимен со актуелниот шампион на Италија има важност до 2026 година и во него е вметната откупна клазула во износ од 130 милиони евра.

Осимен во еден период не беше во најдобри односи со клубот поради скандалот со видеото на „Тик Ток“, но подоцна работите се променија и Де Лаурентис успеа да го убеди да ја продолжи соработката.

Во претходниот период Осимен се поврзуваше со повеќе клубови, меѓутоа Де Лаурентис остана на својот став дека напаѓачот може да замине само под услови кои тој ќе ги постави. Сега секој кој го сака Осимен пред 2026 ќе мора да плати 130 милиони евра.

Арсенал сака додатно да го засили тимот во зимскиот предоден рок, а приоритет за тренерот Артета е квалитетен играч за врска.

Англиските медиуми пренесуваат дека најголема желба на „топџиите“ е Мартин Зубименди од Реал Сосиедад. Зубименди е голема желба на Барселона и Манчестер Јунајтед, но Арсенал е спремен да ја победи конкуренцијата и работи на трансферот.

Реал Сосиедад досега одбиваше понуди за 24-годишниот фудбалер, но сега е спреме да ја прифати понудата на Арсенал од 60 милиони евра.

Антоан Гризман уште еднаш потврди дека излетот во Барселона му беше непотребен и дека најдобро се чувствува во дресот на Атлетико Мадрид.

Атлетико со победа против Севиља официјално ја заврши 2023 година во шпанската фудбалска елита, а билансот на крајот вели дека токму искусниот напаѓач бил најдобар играч во Ла Лига. Ако се земат само натпреварите во календарската година, Гризман е најдобар стрелец и асистент во шпанското првенството со 21 гол и 16 додавања.

Тоа значи дека Гризман учествувал во постигнувањето на 37 од вкупно 83 гола на Атлетико во оваа година. Ниеден друг фудбалер во лигата нема ваков ефект и покрај тоа што таму играат големи ѕвезди како Левандовски, Винисиус, Родриго…

Рафаел Варан нема ништо против враќање во Реал Мадрид во јануари, пренесуваат англиските и шпанските медиуми.

Реал Мадрид во текот на јануари мора да донесе еден стопер бидејќи за Едер Милитао и Давид Алаба поради повреда заврши сезоната. Антонио Рудигер и Начо Фернандез не би можеле дај а извлечат ццелата сезона, па Реал е во потрага по решение. Во таква ситуација Варан изгледа како одлично решение.

Французинот цели 11 години помина во Реал Мадрид и помина фантастични години, освои три титули во Лигата на шампионите и беше еден од клучните фудбалери во тимот на Зидан.

Договорот на Варан со Манчестер Јунајтед е до крајот на летото, Јунајтед има опција да му го продолжи до јуни 2025, меѓутоа фудбалерот сака да се врати во Мадрид.

Останува да видиме дали Јунајтед ќе ја искористи опцијата за продолжување на договорот или ќе ја прифати понудата од Реал Мадрид. Некакви потенцијални суми засега не се споменуваат.

Раководството на Милан беше многу луто поради нерешениот резултат на тимот во натпреварот од 17. коло од италијанскиот шампионат со Салернитана (2-2) и во наредните часови ќе одлучува за судбината на Стефано Пиоли како главен тренер на Росонерите. Ова го објави новинарката Даниеле Лонго на социјалната мрежа Икс.

По 17 кола во италијанската Серија А, тимот на Пиоли освои 33 бода и моментално го зазема третото место. Милан заостанува осум бода зад првопласираниот Интер. Во последните пет натпревари од италијанското првенство, Милан оствари три победи, еднаш ремизираше и еднаш загуби.

Да потсетиме дека Пиоли го презеде тимот на Милан во октомври 2019 година. Во сезоната 2021/22 Милан ја освои титулата шампион на Италија.