Барселона го обнови договорот со дефанзивецот Иниго Мартинез на уште една сезона. Актуелниот договор на 33-годишниот фудбалер требаше да истече на крајот на сезоната, но Каталонците ја искористија опцијата да го обноват на уште 12 месеци.

Иниго Мартинез се наметна како еден од најстабилните дефанзивци во тимот на Ханси Флик. Двете страни постигнаа договор пред неколку месеци, но дури сега Каталонците добија зелено светло од Ла Лига.

Дефанзивецот се приклучи на Барселона во летото 2023 година со слободен трансфер од Атлетик Билбао.

Оваа сезона баскискиот дефанзивец забележа 33 настапи во сите натпреварувања и постигна три гола.

Иднината на Жоао Феликс во Милан е доведена под знак прашалник. Милан одлучил да не преговара за постојан трансфер на Феликс ова лето, оставајќи го напаѓачот на Челзи во неизвесност околу неговата иднина за следната сезона.

„Калчомеркато“ пишува дека 25-годишниот фудбалер допрва треба да покаже дека заслужува место во тимот на Милан за следната сезона, затоа што „росонерите“ не се задоволни од неговите игри, особено што досега тој не успева да постигне гол во Серија А откако во јануари му се приклучи на Милан на позајмица. Италијанскиот клуб има опција да го ангажира Феликс за околу 41 милион евра ова лето, но таа сума е преголема за она што Феликс го покажува на теренот.

Поништениот гол од пенал на Хулијан Алварез во дербито на Атлетико и Реал Мадрид во осминафиналето на Лигата на шампионите крена огромна прашина.

Одлуката на судијата Шимон Марчињак беше непопуларна, ама правилна и тоа го потврди сега УЕФА. Европската фудбалска куќа образложи дека Полјакот ги следел фудбалските правила.

„Атлетико ѝ се обрати на УЕФА за инцидентот кој доведе до поништување на голот по пеналот на Хулијан Алварез. Иако контактот беше минимален, топката ја удри и со стојната нога пред да шутне, а тоа се гледа и во видеото. Според сегашното правило, ВАР мораше да му сигнализира на судијата да го поништи голот.

УЕФА ќе влезе во дискусии со ФИФА и ИФАБ за да одлучи дали правилото треба да биде сменето ако допирот е видно ненамерен“, соопшти УЕФА.

Сепак, исто така од УЕФА најавија дека можеби тоа правило ќе се менува во иднина.

Европската фудбалска федерација – УЕФА го одреди идеалниот тим за реванш дуелите од осминафиналето во Лигата на шампионите.

Меѓу стативите се најде Џанлуиџи Донарума кој всушност е избран и за играч на неделата во елитното натпреварување. Италијанскиот голман одбрани два пенали и го одведе ПСЖ до победа на „Енфилд“ против Ливерпул.

Во дефанзивната линија се Нуно Мендеш, Асенцио, Емре Џан и Дензел Дамфрис. Средниот ред го сочинуваат Родриго Де Пол, Педри и Марко Асенсио.

Во офанзивната тројка се најдоа Максимилијан Бејер, Хари Кејн и Рахим Стерлинг.

Јагиелонија избори четвртфинале во Конференциската лига, а Борац Бањалука во драматичен натпревари испадна од ова натпреварување.

Јагиелонија го мина Серкл Бриж благодарение на победата во првиот меч од 3-0. Вечерва во Белгија, полскиот клуб загуби со 2-0. Македонскиот репрезентативец Дарко Чурлинов за Јагиелонија играше од 58. минута.

Борац Бањалука во Виена загуби од Рапид во продолженија и покрај тоа што имаше водство од 1-0. Австриците во четвртфиналето влегоа со голот на Швауб во 96. минута.

Поранешниот македонски репрезентативец Бобан Николов на теренот влезе во 74. минута.

Манчестер јунајтед и Тотенхем, заедно со Лион се пласираа во четвртфиналето во Лига Европа.

Манчестер јунајтед го победи Реал Сосиедад со 4-1 и со вкупни 5-2 го елиминитаа тимот од Сан Себастијан.

Три гола постигна Бруно Фернандеш ( два пати беше прецизен од белата точка), а четвртиот гол го постигна неговиот донародник Диото Дало.

Голот за Сосиедад, кој беше прв на овој натпревар од пенал го постигна Микел Ојерзабал.

По победата од 3-1 во Букурешт, Лион славеше над ФЦСБ и во Франција, овојпат со резултат 4-0.

Микаутадзе донесе водство во 14. минута, а до одморот преку Нуама, Олимпик го удвои водството.

И ова дуо беше во центарот на вниманието. Микаутадзе погоди во 47. минута, а Нуама во 88. минута го запечати триумфот.

Место во топ 8 избори и Тотенхем. Спарс во Лондон го совлада АЗ Алкмар со 3-1.

Одобер го отвори резултатот во 26. минута, Медисон во 48. го удвои водството, а во 63. Копмајнерс ја намали предноста на домашниот тим.

Херој на Тотенхем беше Одобер, кој погоди во 74. минута и му обезбеди на Тотенхем меч со Ајнтрахт Франкфурт.

Фудбалерот од средниот ред на Атлетико Мадрид, Конор Галагер, синоќа постигна гол по само 27 секунди на реваншот од осминафиналето на Лигата на шампионите против Реал Мадрид.

Дваесет и петгодишниот играч го постигна најбрзиот гол на турнирот оваа сезона. Покрај тоа, постави уште два рекорда. Голот на Галагер исто така беше најбрзиот некогаш постигнат од англиски играч во Лигата на шампионите и најбрзиот досега на Атлетико Мадрид во ова натпреварување.

Атлетико (1-0) ја анулира предноста на Реал од еден гол, но по изведување на пенали (2-4) беше елиминиран.

Во четвртфиналето, Реал ќе се соочи со Арсенал.

Фудбалерот на Ливерпил, Трент Александер-Арнолд, сигурно ќе го пропушти неделното финале на Карабао против Њукасл но, во неговата состојба не е загрижувачка покажале последните тестовите.

Aнглискиот репрезентативец заработи повреда на скочниот зглоб на мечот од Лигата на шампионите против Пари Сен Жермен.

Се очекува Трент по кратка пауза да се врати на терените и да ја доигра сезоната.