Тренерот на Ливерпул, Арне Слот, остро одговори на критиките од фудбалските аналитичари кои го нападнаа клубот поради амбициозниот летен трансфер период, обвинувајќи ги дека игнорираат важен финансиски контекст и покажуваат пристрасност во своите анализи. 

Слот ја бранеше трансфер-политиката на клубот, која вклучи осум нови засилувања за околу 450 милиони фунти, меѓу кои и рекорден трансфер на Александар Исак и Флоријан Вирц. Тој нагласи дека критичарите премногу се фокусираат на бруто-трошоците, додека ретко спомнуваат дека Ливерпул заработи околу 300 милиони фунти преку продажба на играчи, суштински дел од стратегијата на клубот. 

„Ние не трошиме без причина, повторно инвестираме,“ рече Слот, објаснувајќи дека фокусот е ставен на млади, перспективни фудбалери под 25 години, со цел да се изгради конкурентен тим за иднината и да се задржи висока продажна вредност. 

Холанѓанецот застана и во одбрана на Флориан Вирц, еден од најгласно критикуваните, кој сè уште не блеска во дресот на Ливерпул. Слот смета дека Вирц е неправедно на мета, особено имајќи ги предвид тешките натпревари во воведните кола, и потсети дека и други нови играчи сè уште не оставиле статистичка трага. 

Тој дополнително сугерираше дека дел од аналитичарите имаат двојни аршини кога се работи за Ливерпул. „Постојано се занемаруваат клучни факти кога се анализира нашата работа,“ рече Слот, алудирајќи на тенденциозно прикажување на трошоците без спомнување на приходите од трансфери. 

Додека клубот се подготвува за клучни натпревари, вклучувајќи дуел во Лигата на Шампионите против Атлетико Мадрид и градското дерби против Евертон, Слот нагласува дека фокусот останува на тимската хемија и резултатите. Тој уверува дека визијата на Ливерпул е долгорочна и вредна за вложувањата. 

Трент Александер-Арнолд ќе оди на дополнителни медицински прегледи откако се здоби со повреда на задната ложа во победата од 2–1 на Реал Мадрид против Марсеи. Десниот бек се повреди во 5-тата минута додека спринташе во една рана контра и веднаш побара замена, држејќи се за задниот дел од левата нога. 

Првичните проценки укажуваат дека повредата можеби не е сериозна како што се стравуваше на почетокот, но клубот чека резултати од снимања за да се утврди точниот степен на оштетување. 

Медицинскиот тим на Реал Мадрид пристапува внимателно, особено со оглед на густата иста  на натпревари што следува. Скеновите ќе бидат одлучувачки за планирањето на рехабилитацијата и времето на отсуство на англискиот репрезентативец. 

Повредата доаѓа во чувствителен период за клубот, кој се соочува со предизвици на домашната и европската сцена. Внимателното следење на закрепнувањето ќе биде клучно за да се избегнат долгорочни последици. 

И покрај загриженоста, првичните знаци внесуваат надеж кај клубот и навивачите. Во наредните денови ќе се знае кога Александер-Арнолд би можел да се врати на тренинг и на терен. 

Поранешниот француски репрезентативец и фудбалер на Лион, Барселона, Лече и Лил, Самуел Умтити, се пензионираше на 31 година.

Неговиот последен клуб беше Лил, каде што играше од 2023 до 2025 година. Својот последен натпревар го одигра во јануари 2024 година во Купот на Франција за Лил, пред да го повреди коленото.

Во сезоната 2023/24, не постигна гол на 13 натпревари.По богата кариера полна со подеми и падови, дојде време да се збогувам. Дадов сè со страст и не се каам. Сакам да им се заблагодарам на сите клубови, нивните претседатели, тренери и играчи со кои имав можност да соработувам. И им благодарам на сите навивачи за вашата поддршка, напиша Умити на социјалните мрежи.

Тој го освои Купот на Франција (во сезоната 2011/12) и Суперкупот (2012) со Лион, а двапати стана и шампион во Ла Лига со Барселона (во сезоните 2017/18 и 2018/19), трипати го освои Купот на Франција (2016/17, 2017/18, 2020/21) и двапати Суперкупот (2016, 2018).

Со француската репрезентација, Умтити стана светски шампион во 2018 година и сребрен медалист на Евро 2016.

Кандидатот за претседател на Бенфика, Кристовао Карваљо, изјави дека доколку биде избран, ќе го отпушти главниот тренер Бруно Лаж.

Според „Билд“, Карваљо ќе се обиде да го убеди поранешниот тренер на Ливерпул, Јирген Клоп, да го замени Лаге.

Во меѓувреме, друг кандидат за претседател на Бенфика, Жоао Нороња Лопес, би сакал да го врати главниот тренер на Манчестер јунајтед, Рубен Аморим, во клубот од Лисабон, каде што помина девет години како играч, објави „Тајмс“.

Четириесет и деветгодишниот Португалец Лаге е тренер на Бенфика од септември 2024 година. Неговиот договор важи до 30 јуни 2028 година.

На крајот од сезоната 2024/25, тимот го освои второто место во португалското првенство.

Педесет и осумгодишниот Германец Клоп моментално работи како директор за меѓународни односи во Лајпциг, а договорот на 40-годишниот Португалец Аморим со Манчестер јунајтед важи до 30 јуни 2027 година.

Македонската репрезентација до 17 години загуби со минимални 0:1 од селекцијата на Кипар на пријателскиот натпревар одигран денеска на Градскиот стадион во Радовиш.

Нашите млади фудбалери предводени од Влатко Колев имаа неколку добри прилики за постигнување гол, но немаа реализација.

Кирјакос Кристодолу го постигна единствениот погодок на натпреварот во 70. минута од мечот.

Андреј Цветковски во 32. минута и Мартин Џангаровски во 37. минута имаа добри обиди во првото полувреме, Папалиски и Михајловски се заканија во продолжението, но поуспешен беше гостинскиот голман.

Македонија до 17 години: 1. Суљовиќ Амин (Г), 2. Џангаровски Мартин, 3. Цветковски Филип, 4. Бајрами Анес, 5. Иванов Марко, 6. Михајловски Грегоријан (К), 7. Руфати Сеид (45’ 17. Лука Кнежевиќ), 8. Љачка Бленди (63’ 20. Ендрит Ганиу), 9. Папалиски Васко (82’ Алек Чедомирски), 10. Цветковски Андреј, 11. Ракипи Сонер (38’ 18. Марко Мирчевски). Селектор: Влатко Колев;

Кипар до 17 години: Николас Георгиу (Г), 2. Сотирис Панаги, 3. Александрос Мидлентон, 4. Мариос Тоумбас (К), 5. Андреас Димитриу, 6. Константинос Литрагкомитис, 7. Александрос Герокалис, 8. Карлосасанте Кристодолидес, 9. Ромпертос Ротис, 10. Максимос Оиконому, 11. Давид Герасиму.

Македонија и Кипар ќе се соочат и во четврток, исто така, на стадионот во Радовиш од 13:00 часот.

Градоначалникот на Милано, Џузепе Сала, изјави дека Интер и Милан постигнале договор за купување на стадионот „Сан Сиро“.

„Во среда ќе одиме во градскиот совет со резолуција за продажба на „Сан Сиро“, бидејќи всушност постигнавме договор со клубовите. Новиот стадион мора да биде готов до 2031 година, бидејќи УЕФА ни кажува дека нема да го смета Милано како место за натпревари од Евро 2032 ако Сан Сиро остане ваков“, изјави градоначалникот Сала за „АНСА“.

Тој додаде дека продажбата на стадионот треба да биде одобрена до крајот на месецот.

Европското првенство во 2032 година ќе се одржи во Италија и Турција.

Клубовите од Серија А покажуваат интерес за фудбалерот од средниот ред на Манчестер јунајтед, Мануел Угарте.

Според инсајдер Фабрицио Романо, англискиот клуб има намера да се раздели од 24-годишниот Уругваец само со продажба на неговите спортски права, не се разгледува позајмица. Манчестер јунајтед може да побара до 60 милиони евра за играчот.

Во сезоната 2024/25, Угарте постигна два гола и направи шест асистенции во 45 натпревари на сите турнири. Неговиот договор важи до 30 јуни 2029 година.

„Transfermarkt“ ја проценува трансферната вредност на играчот на 45 милиони евра.

Македонскиот фудбалер Бобан Николов се враќа во Романија и тоа во редовите на Фарул Костанца, клуб кој е наследник на Академија Хаџи каде што Николов настапуваше пред 12 години.

Во Фарул тој пристигнува од Борац Бања Лука, а покрај Академија Хаџи, Николов во Романија еден период беше дел и од Стеуауа, па така е добро познато име во романскиот фудбал.

Николов зад себе има богато искуство во повеќе европски клубови, меѓу кои Вардар, Виториул, Видеотон, Лече, Шериф Тираспол, МОЛ Фехервар и Кишварда.

За македонската репрезентација има 49 настапи и четири погодоци, а последниот меч во националниот дрес го одигра во 2022 година против Азербејџан.

Во рамки 6. коло од Првата лига, кое се игра неделава, екипата на Македонија Ѓ.П. на домашен терен славеше над АП Брера од Струмица со конечни 2-0.

Во натпревар во кој домаќинот имаше далеку повеќе од играта, создаде повеќе шанси и постигна два гола, Македонија Ѓ.П. покажа дека полека, но сигурно излегува од почетната резултатска криза во овогодинешниот шампионат и започнува да собира бодови.

Од самиот старт беше јасно кој ќе доминира. Домаќините имаа повеќе од играта, поголемиот дел од времето го поминаа на противничката половина, а во 17. минута, по асистенција на Клинтон, Симеон Христов со акробатски потег го совлада Вргов од непосредна близина.

Овој гол не ги задоволи „лавовите“, кои продолжија со нападите, но не успеаја да реализираат уште еднаш во првиот дел.

По паузата, АП Брера направи измени кои донесоа свежина во нивната игра. Струмичани почнаа да играат далеку подобро и да останеа со сите единаесетмина на теренот, можеби натпреварот ќе добиеше поинаков епилог. Сепак, во 53. минута Хасан доби втор жолт картон и автоматско исклучување.

Со играч помалку Брера не успеа да парира, па во 72. минута Мартин Талаков, по одлична асистенција од левата страна, изби сам пред Вргов и погоди со помош на стативата.

Со овој триумф Македонија Ѓ.П. ја запиша втората победа сезонава и стигна до шестиот бод, додека Брера во моментов има бод помалку.