Каспер Шмајхел откако го загуби првотимскиот статус во Ница за наредната сезона, може да се врати во Англија.
За потписот на 36-годишниот интернационалец од Данска е заинтересиран Нотингем Форест кој сака да ангажира двајца играчи на неговата позиција. Затоа има тековни преговори со Манчестер Јунајтед за Дин Хендерсон како и со Арсенал за Мет Тарнер.
Шмајхел во претходната сезона во дресот на Ница прими 47 голови на 46 натпревари во сите конкуренции.
Садио Мане неодамна стана играч на Ал Наср, откако го напушти Баерн Минхен.
По неговото заминување од Ливерпул во Баерн Минхен, неговата кариера не одеше според посакуваниот терк, па тој беше соочен со заминување од Минхен.
Помеѓу Мане и Сане дојде до сериозен инцидент пред неколку месеци во натпреварот против Сити во ЛШ, по што дојде и до физичка пресметка меѓу нив двајца, а првите информации беа дека сето тоа почнало од Сенегалецот.
„Многу работи беа кажани и напишано, но малку од вистината. Тоа беа валкани работи кои ги изнесоа германските медиуми, се со цел да удрат намерно по Мане и да го извалкаат. Лага е дека Баерн го казни Мане 500.000 евра поради инцидентот. Сите кои се разбираат во фудбалот, знаат дека Лерој Сане е арогантен човек, а Мане се спротивно од тоа“.
„Садио по поразот од Сити му пријде на Лерој Сане, а овој го удри Сенегалецот по што морале да интервенираат соиграчите. На крајот Сане му се извини на Мане, но зошто? Затоа што тој го почна инцидентот, дури претходно Мане и трпеше расистички навреди од арогантниот Сане, тоа е целата вистина“, открива Бакари Сисе, портпарол менаџерот.
Лацио полека се буди на трансфер пазарот, па откако го обезбеди Даичи Камада кој му се приклучи на Тати Кастелјанос, нов члена на „бјанкочелестите“ ќе стане ѕвездата на Митјиланд, Густав Исаксен.
Се работи за 22 годишен офанзивец, крило кое ќе треба да донесе свежина во напаѓачката линија на тимот предводен од Маурицио Сари. Лацио за него ќе издвои околу 17 милиони евра и тоа откако тој ќе ги заврши медициските тестови кои се закажани за в понеделник.
Според информациите договорот ќе биде до 2028 година, играчот ќе има плата од 1,3 милиони евра по сезона.
Новата натпреварувачка сезона во најсилната ракометна лига секогаш се најавува со традиционалниот турнир кој се игра во Струга, за што беа извлечени групите за 51-то издание.
Струшкиот турнир секогаш е извонредна увертира за она што следи во новата сезона и последна добра подготовка за македонските тимови, но како и по обичај, повторно има и странски гости кои ќе учествуваат крај езерото.
Алкалоид и Вардар успеаја да се избегнат во групната фаза и се најдоа во различни групи, па тоа значи дека ако бидат стопроцетни, може да се сретнат само во финалето.
Вардар се најде во групата Б заедно со домаќинот Струга и со шведскиот тим Ескилскуна Гуиф, додека во групата А е Алкалоид.
Еурофарм Пелистер лани славеше над Целје, а сега во групната фаза ќе игра Алкалоид кој во групата е со АЕК и Динамо Панчево.
Џовано Ди Лоренцо уште долго време ќе го носи дресот на калчолигашот Наполи.
Ди Лоренцо вчера го прослави 30. роденден, а како подарок му е новиот договор според кој ќе остане во Неапол до 30 јуни 2028 година.
Тој минатата година беше промовиран во капитен по заминувањето на Инсиње и Мертенс и како лидер имаше можност да го крене Скудетото, прво за Наполи по пауза од три децении. Бекот од 2019 година е дел од сегашниот клуб во кој пристигна од Емполи.
Севкупно има одиграно 184 натпревари на кои има дадено 13 гола и запишано 28 асистенции.
Барселона и Пари Сен Жермен се две екипи кои покажуваат интерес за ангажман на ѕвездата на Манчестер Сити, Бернардо Силва.
Португалецот е еден од најдобрите, најконстантните играчи на „граѓаните“ и воопшто не е изненадување што го посакуваат екипите како шпанскиот и францускиот шампион, но во оваа ситуација и премиерлигашот има што да каже, поточно нивната цел е офанзивецот да остане на „Итихад“.
Италијанскиот новинар Фабрицио Романо информира дека Сити им порачал на каталонците и „светците“ да заборават на Бернардо, односно дека немаат намера да преговраат под ниту еден услов.
Европскиот шампион ќе му понуди нов договор, но останува да се види каков е ставот на самиот играч и дали тој е отворен за заминување во овој преоден рок по шест години поминати во Манчестер.
Актуелнито договор му истекува во 2025 година.
Првиот тенисер во светот, Карлос Алкараз, мораше да се огласи на Инстаграм поради големата лага која е направена на социјалните мрежи.
Шпанецот има армија фанови зад него, а бројот на следбеници на Инстаграм достигла цифра од скоро четири милиони, а добива и нагорна линија за уште повеќе.
Поединци се обиделе да ја искористат популарноста на Алкараз и да организираат состанок и запознавање со шампионот на Вимблдон.
Едноставно сакале да направат пари од неговиот успех, претставувајки се како Карлос Алкараз поради што овој 20 годишен тенисер мораше да реагира со официјално објаснување.
„Дадено ми е до знаење дека има поединци кои лажно се претставувале во мое име и им нуделе на навивачите можност да ме запознаат лично доколку тоа биде платено. Мојот тим и јас не стоиме зад ова, ниту учествувам на вакви состаноци. Моите навивачи се најдобри и тажен сум што поединци се обидуваат да ме искористат преку социјалните мрежи“, напиша Алкараз.
ПСВ го совлада Феенорд во мечот за холандскиот Суперкуп со 1-0. Стрелец на единствениот гол на натпреварот синоќа во Ротердам беше играчот од средниот ред на ПСВ, Ноа Ланг во 79. минута.
Ова е трет во низа Суперкупот на Холандија за ПСВ. Во претходните две сезони тимот од Ајндховен го победи Ајакс (5-3 во 2022 година и 4-0 во 2021 година).
Севкупно, ПСВ по 14-ти пат стана сопственик на Суперкупот на земјата и е рекордер во Холандија во ова натпреварување.
Еурофарм Пелистер направи неколку промени во играчкиот кадар за престојнава сезона, а едно од новите имиња е голманот Калифа Гедбан.
Гедбан во минатото го носеше дресот на Вардар, стана европски шампион со „црвено-црните“, па за него ова е камбек во Македонија со тоа што сега ќе игра за „фармацевтите“ од Битола.
„Многу сум среќен што се вратив во Македонија, овојпат во друг клуб – Пелистер. Навистина сум среќен. Имаме добар тим, мора да се бориме за домашната титула, ќе играме и во Лигата на шампионите. Нема да биде лесна сезона, но мора да се бориме на секој натпревар.
Од претходно го знаев градот, Битола е убава. Сум бил тука 3-4 пати претходно, а сега живеам тука. Ми се допаѓа градот, луѓето, не се чувствувам како странец, туку како да сум дома.
ЛШ е најважното натпреварување во ракометот. За Пелистер е многу е важно што ќе игра во оваа сезона. Ќе биде интересен и голем предизвик за нас“, порача Гедбан.
Реал Мадрид останува главен фаворит за потписот на Килијан Мбапе, но „кралевите“ засега се мирни на оваа тема засега не се впуштаат во конкретна акција по „војната“ која напаѓачот ја води со Пари Сен Жермен.
Меѓутоа има уште доста до крајот на овој преоден рок и останува да се види до кога Реал ќе биде навистина трпелив со оглед на тоа што јавна тајна е колку тие сакаат да го видат Французинот на „Сантијаго Бернабеу“.
Ама „Кадена Сер“ пренесува дека Реал има и уште една опција, алтернатива за напаѓачката линија ако не може да ја добие ѕвездата на „светците“. Шпанскиот великан го ангажираше Хоселу, но јасно е дека тој не беше доведен како директна замена за Карим Бензема кој „летна“ во Саудиска Арабија.
Наводно желба на тренерот Карло Анчелоти е српскиот репрезентативец Душан Влаховиќ чија што иднина е неизвесна во Јувентус. „Старата дама“ е спремна да се откаже од него за добра понуда, се обидува да го вклучи во операцијата за Ромелу Лукаку од Челси, ама во случај Реал да тропне со добра сума сигурно не би било проблем да го испрати во Мадрид.
