Борусија Дортмунд на исклучително болен начин ја загуби титулата во Германија во последното коло од Бундеслигата. На почетокот од мечот против Мајнц имаа бод предност пред Баерн Минхен, но Баварците го направија своето и го совладаа Келн, додека Борусија не можеше да дојде до три бода пред своите гледачи.

Дебаклот на последната пречка ги погоди првотимците на клубот од Дортмунд и нивниот тренер Един Терзиќ, кои заедно плачеа на теренот на Вестфален, а сега дел од нив ќе се простат и од жолтиот дрес на Борусија. Меѓу првите на излезната врата е Рафаел Гереиро.

Португалскиот лев бек има 29 години, а зад него има 224 настапи за Борусија, за која постигна 40 и асистираше за уште 50 гола. За седум сезони во Германија освои два купа и еден супер куп. Неговиот договор истекува ова лето и, според германски Билд, тој нема да го продолжи.

Баерн е подготвен да потроши сто милиони евра за обештетување за Деклан Рајс, објави информираниот новинар Флоријан Плетенберг.

Рајс е голема желба на тренерот на Баерн, Томас Тухел. Договорот со Вест Хем има уште две години и лондонскиот клуб бара 100 милиони евра. Баерн е подготвен да ја плати таа сума“, тврди Плетенберг.

Тој трансфер би бил убедливо најголемиот во историјата на Баерн. Досега германскиот шампион потроши максимални 80 милиони евра за еден играч, колку што чинеше Лукас Ернандез пред четири години кога пристигна од Атлетико.

Рајс, 24-годишниот англиски репрезентативец, е капитен на Вест Хем и цела кариера е во клубот. Тој одигра 244 натпревари и постигна 15 гола со 13 асистенции.

Германски SkySport пренесува дека Рајс последните недели разговарал со челниците на Баерн за неговиот договор, а сега разговарал и со Тухел, кој му рекол дека би сакал да го види во својот тим.

Баерн Минхен со неверојатен сплет на околности успеа да ја освои 11-тата титула во низа во Бундеслигата, меѓутоа сите во клубот се свесни дека потребни се промени, посебно во нападот.

Барем според информациите на медиумите голема желба на баварците е Душан Влаховиќ. Се споменуваше сума од 80 милиони евра, меѓутоа во Баерн добиле нова идеја.

Новинарот на германскиот „Скај“, Флоријан Плетенберг најавува дека Баерн би можел да го понуди Мане за да го добие српскиот напаѓач.

„Душан Влаховиќ повторно е тема во Минхен. Тухел е луд по српскиот напаѓал, а Карл Хајнц Румениге одржава добри односи со Јувентус“; тврди Плетенберг.

Засега не е познато дали во Јувентус се заинтересирани за ваква трампа, пред се затоа што Мане е осум години постар од Влаховиќ, но и не е класичен напаѓач. Африканецот игра по десната страна која во Јувентус ја покрива Киеза.

Сепак се споменува и дека Алегри често игра со двајца напаѓачи, а во таква улога Мане би можел да биде корисен.

Тренерот на Баерн Минхен, Томас Тухел нема да го напушти клубот по отпуштањето на Оливер Кан и Хасан Салихамиџиќ. Ова го пренесува инсајдерот Фабрицио Романо на својот „Твитер“ профил.

Според истиот, Тухел не планира да го напушти Баерн. Германскиот тренер чека разјаснување на ситуацијата со директорите, но сепак е 100% вклучен во проектот на клубот од Минхен.

Претходно, да потсетиме, беше објавено дека Тухел, кој го водеше Баерн од март, би можел да го напушти клубот по отказот на извршниот директор Оливер Кан и спортскиот директор Хасан Салихамиџиќ.

Тренерот на Барселона Чави ќе го продолжи договорот со каталонскиот клуб до 2026 година. Ова го пренесува шпанското издание „Спорт“.

Разговорите меѓу Барселона и Чави постигнаа голем напредок во последните недели, според изворот. Конечната одлука треба да биде донесена во наредните денови, страните треба да се договорат за последните детали од зделката.

Се очекува шпанскиот тренер да потпише договор со клубот кој истекува во 2026 година. Чави ќе ја презеде Барселона во 2021 година, неговиот актуелен договор е до следното лето.

Во сезоната 2022/2023, оваа екипа под негово водство го освоија шпанското првенство, освојувајќи 88 поени на 37 натпревари до денес. Дополнително, шпанскиот Суперкуп им припадна на Каталонците.

Челниците на Реал Мадрид сакаат во летниот трансфер период да го ангажираат фудбалерот на Еспањол, Хоселу.

Бидејќи неговиот тим испадна од елитата на Шпанија, 33-годишниот напаѓач ќе може без проблеми да си замине иако има тековен договор. Преговорите меѓу Реал Мадрид и Хоселу наводно, се во напредна фаза.

Искусниот играч има 38 настапи за Еспањол во сите натпреварувања. Тој постигна 17 голови и направи 3 асистенции.

Тренерот на Наполи, Лучијано Спалети ја потврди веста дека го напушта клубот по крајот на сезоната. На наполи му остана уште еден натпревар во сезоната, веќе го подигнаа Скудетото во Серија А, откако одиграа навистина импресивна сезона и во однос на играта и на резултатите.

Сепак, шпекулациите за иднината на Спалети се актуелни со недели и покрај одличните перформанси на тимот, а конечното заминување на тренерот вчера го потврди и претседателот Аурелио Де Лаурентис.

„Понекогаш се разделувате поради премногу љубов. Нема да останам, си одам. Нема шанси да се предомислам. Веќе пред неколку недели им кажав на луѓето во клубот дека ми треба една година одмор. Нема да преземам друг тим. Сега ќе одморам една година“, изјави Спалети.

Според последните шпекулации во печатот, Џанпјеро Гасперини и Луис Енрике се главни фаворити за да седнат на клупата во Наполи.

Челзи размислува да го ангажира напаѓачот на Реал Мадрид, Винисиус Жуниор. За трансферот на 22-годишниот Бразилец, „сините“ се подготвени да издвојат 150 милиони евра, пренесува „Ел Национал“.

Доколку се случи овој трансфер, тоа ќе биде рекордна продажба во историјата на Реал Мадрид. 100 милиони евра беа собрани од заминувањето на Кристијано Роналдо во Јувентус во 2018 година. Околу 70 милиони евра Реал Мадрид доби за трансферот на Рафаел Варан во Манчестер Јунајтед во летото 2021 година.

Винисиус е соочен со расизам во шампионатот на Шпанија, па можеби размислува да замине во друга лига, каде ситуацијата со ова прашање е воспоставена на најдобро ниво. Познато е дека работата во англиската Премиер лига за искоренување на расизмот беше забележана од многу фудбалски фигури, вклучувајќи го и тренерот на Манчестер Сити, Пеп Гвардиола.

Жоао Феликс игра на позајмица во Челзи до крајот на сезоната, а потоа ќе се врати во Атлетико Мадрид.

Феликс сакаше да ја промени средината, па Атлетико се согласи да го пушти на позајмица, но без дефинирана опција за откуп на крајот на сезоната. Челзи сака да го откупи и ќе има предност во преговорите, но самиот фудбалер се предомислува да остане на „Стенфорд Бриџ“ бидејќи сака да игра во Лигата на шампиони.

Сега во трката за неговиот потпис се вклучи и Манчестер Јунајтед, кој сака да го „украде“ пред носот на „сините“ и е спремен да плати 80 милиони фунти за неговиот потпис.