Изненадувачки вести за потенцијален трансфер објавуваат англиските медиуми. Имено според некои објави се споменува дека фудбалерот на Челзи, Бен Чилвел, е летна трансфер цел на шампионот Манчестер Сити.

Откако Жоао Кансело беше испратен на позајмица во Баерн Минхен, тој најверојатно нема да се врати назад во Сити, па така екипата предводена од тренерот Гвардиола ќе мора да доведе засилувања во дефанзивната линија.

Како еден од потенцијалните фудбалери кои налето би можеле да пристигнат во Манчестер Сити се споменува 26-годишниот, Бен Чилвел кој неодамна се врати од повреда. Левиот бек на Челзи последниве неколку средби е можеби најдобриот играч во тимот и сигурно се враќа во посакуваната форма.

Останува да се види дали Манчестер Сити ова лето ќе достави финансиска понуда до лондонскиот клуб кој сигурно ќе побарува висок износ за продажба на Чилвел.

Наполи оваа сезона игра фантастично, а еден од играчите кој остави најсилен впечаток е сигурно Квича Кварацхелија.

Кварацхелија е вистинско откритие на Серија А оваа сезона и се промовираше во вистински лидер на Наполи, па го привлече вниманието на многу европски гиганти.

Грузиецот има ефект од 13 гола и 16 асистенции на 29 натпревари во сите натпреварувања, а ПСЖ покажува сериозен интерес за неговиот потпис.

„Кориере дело Спорт“ наведува дека парижаните се подготвени да платат дури 180 милиони евра за Кварацкелија, со што би се израмнил со трансферот на Килијан Мбапе.

ПСЖ на лето сака да се ослободи од Нејмар, неизвесна е иднината на Меси, па Кварацхелија ќе биде примарна цел на „светците“.

Франција на четворица свои поранешни репрезентативци ќе им искаже почит за време на квалификацискиот меч против Холандија, кој е закажан за 24 март.

Пред натпреварот на теренот ќе излезат Рафаел Варан, Хуго Лорис, Стив Манданда и Блес Матуиди кои ја завршија кариерата во репрезентацијата.

Тренерот Дидие Дешамп во интервју за „Ле Паризиен“ призна дека покана била упатена и до освојувачот на „Златната топка“, Карим Бензема, но тој одбил да присуствува на свеченоста, само поради лошиот однос со селекторот.

Раководството на Манчестер Јунајтед очигедно ја почитува работата на менаџерот Ерик тен Хаг, па затоа ќе му понуди нов договор. 

Иако во моментов на „Олд Трафорд“ се занимаваат со промената на сопственичката структура, што и да се случи, тоа по се изгледа нема да има влијае на иднината на менаџерот.

Под водство на Холанѓанецот, Манчестер Јунајтед по шест години го крена првиот пехар, а се уште се натпреваруваат за трофеи и во ФА Купот и Лигата на Европа.

Конте сериозни ги „нападна“ фудбалерите: Вака е во Тотенхем
дваесет години
По вчерашното реми против Саутемптон, Антонио Конте распука по
своите фудбалери како никогаш досега, ниту Жозе Мурињо не ги
критикувал толку.
Ако некои имаа дилеми дали Конте ќе го напушти Тотнем, по
денешните изјави тоа е сигурно. Тие водеа со 3-1 на гостувањето кај
Саутемптон, но предноста ја прокоцкаа во финишот, по што
Италијанецот на прес-конференцијата го искажа својот бес.

„Ние не сме тим. Ние сме 11 играчи кои се на теренот. Гледам
себични фудбалери, играчи кои не си помагаа меѓусебе и не го
оставаат срцето. Досега се трудев да ја скријам ситуацијата, но не
можам повеќе. Тука секогаш е истото, секоја сезона. Клубот има
одговорност за трансфер пазарот, тренерот има одговорност. Но
фудбалерите, каде се фудбалерите? Гледам само 11 играчи кои си
играат за себе.
Тука во Тотнем се навикнати на тоа. Тие не играат за нешто важно.
Тие не играат под притисок, под стрес. Лесно е вака. Приказната на
Тотнем е иста 20 години, тука е сопственикот, но тие никогаш не
освоиле нешто. Зошто?“ Тука играме за клубот. Играме за да ги
направиме фановите на Тотнем горди. Треба да имате оган во очите.
Ова е неприфатливо и за фановите. Тие плаќаат за билетите, овие
перформанси се неприфатливи“, заврши Конте.

Претседателот на Хрватскиот фудбалски сојуз Маријан Кустиќ и
селекторот на сениорската репрезентација Златко Далиќ потпишаа
договор за продолжување на соработката.
Претседателот Кустиќ и тренерот Далиќ ги договорија сите детали за
продолжување на соработката, по што потпишаа договор во
седиштето на Фудбалскиот сојуз на Хрватска, според кој Далиќ ќе
остане тренер на „Коцкеците“ и на Мундијалот во 2026 година.
Со овој договор Далиќ најверојатно ќе стане и селектор со најдолг
стаж. Таа титула моментално ја има Чиро Блажевиќ со 2.437 дена на
хрватската клупа.
„Златко Далиќ ги исполни апсолутно сите цели кои беа поставени
пред него во овие пет и пол години, а тука се и две величествени
достигнувања на светските првенства во Русија и Катар каде што ја
одведе Хрватска до сребрениот и бронзениот медал, со што стана
нашиот најуспешен тренер. Затоа сум особено задоволен што се
договоривме за продолжување на соработката, која досега беше
апсолутно брилијантна. Златко не само што постигна извонредни
резултати, туку создаде и фантастична атмосфера на заедништво во и
околу тимот“, изјави Кустиќ.

Над 1.5 милиони луѓе се обидоа да купат влезници за првиот
натпревар на фудбалската репрезентација на Аргентина откако ја
освои титулата на неодамнешното Светското првенство во Катар.
Влезниците за пријателскиот натпревар меѓу Аргентина и Панама се
распродадоа во рекорден рок и покрај високите цени во земјата која се
соочува со раст на инфлацијата.
Натпреварот ќе се игра на 23 март на стадионот „Монументал“ во
Буенос Аирес, најголемиот во земјата, со капацитет од 83.000
седишта. Влезниците се продаваа по цена од 59 до 241 долари, а за
купување билети се пријавија повеќе од 1.55 милиона лица.
Претстојниот натпревар предизвика и незапамтена медиумска
побарувачка со повеќе од 131.000 барања за акредитации.
Би сакале да можевме сè да исполниме, но ќе ни беа потребни два
стадиони на Ривер само за новинарите. Лудилото за Аргентина е
апсолутно, објави на Твитер претседателот на Фудбалската

федерација на Аргентина, Клаудио Тапија.

Тод Боeли сака да го купи францускиот прволигаш Стразбур, пишува

„Гардијан“.
Очигледно е дека Боели не жали пари од кога дојде во Челзи, но
тимот немаше резултати како што се очекуваше по толку потрошени
милиони. Во два трансфер периоди, Челзи потроши над половина
милијарда евра на трансфери и она сите очекуваат успех од „сините“
во блиска иднина. Засега нема навестувања дека ќе се случат со оглед
на резултатите, но веројатно епотребно време сите коцки да си дојдат
на свое место.
Во меѓувреме Боели размислува и на нови вложувања. Имено,
бидејќи УЕФА планира да ги намали ограничувањата кога станува
збор за сопственоста на неколку клубови од една иста личност
(најверојатно ќе биде дозволено во следниот период клуб со ист газда
да игра во исто европско натпреварување), Боели добил идеја да купи
уште еден европски тим.
Се обиде да го купи Лион, но понудата за францускиот гигант била
одбиена. Истото го проба и со Бордо и Сошо, кои исто така дадоа
идентичен одговор, па „тропна“ на вратата на Стразбур каде што би
можел да добие позитивен одговор.
Идејата е Стразбур да биде отскочна даска за талентите на Челзи кои
би имале минутажа во сениорскиот фудбал и во една од најдобрите
пет лиги. Многу други клубови функционираат слично. Ред Бул тоа го
прави со Лајпциг, Салцбург, Њујорк…

Еден од најважните фудбалери на Реал Мадрид, Родриго кажа дека се
надева на нова титула во Лигата на шампиони (ЛШ), а исто така
посочи дека нема да се откажат од трката за трофејот во Ла Лига.
Родриго во разговор со медиумите откри и кој фудбалер сака да го
види во „кралскиот клуб“, а тоа е неговиот сонародник Нејмар.
Бразилецот откри дека негова желба е Нејмар да потпише за
шпанскиот гигант, иако такво нешто во моментов не се најавува.
Во минатото имаше шпекулации дека Нејмар може да се врати во
Шпанија и да го облече дресот на Реал, иако во минатото играше за
Барселона.

Во Италија утре се игра големото дерби помеѓу Интер и Јувентус, а
дел од овој натпревар ќе биде и фудбалерот со македонско потекло кој
долго време живее во Италија, Никола Секулов.
Веќе е познато дека за жал Секулов избра да настапува за
репрезентацијата на Италија каде што веќе има настапи за
младинската селекција.
Секулов во минатото неколку пати имаше прилика да тренира со
првиот тим на Јувентус, имаше чест и одблиску да го запознае
Кристијано Роналдо со кога тренираше додека Португалецот беше дел
од „старата дама“.
Сепак, ова е првпат да биде во конкуренција за настап што секако е
доказ за неговиот квалитет.