Фудбалскиот клуб Барселона информира дека фудбалерот Усман Дембеле заработи повреда поради која се очекува тој да биде надвор од терените околу еден месец.

Дембеле повредата на бутниот мускул ја заработи на средбата од Примера против Џирона, која каталонците ја добија со 0:1.

Дембеле најверојатно го чека опоравување од четири недели , па тој би можел да го го пропушти претстојниот дуел во Лига Европа со Манчестер Јунајтед.

Дембеле се очекува да ги пропушти и средбите во Ла Лига со Реал Бетис, Севиља, Виљареал и Кадиз.

Премиерлигашот Челзи официјално го објави трансферот на дефанзивецот од Лион, Мало Густо.

19-годишниот француски десен бек се пресели на Стемфорд Бриџ за 35 милиони евра, а неговиот договор е до летото 2030. година. Густо остатокот од сезоната ќе ја заврши како позајмен фудбалер во Лион, по што ќе им се приклучи на лондончани.

Густо ќе биде уште едно ново засилување за клубот од Лондон, после потписите со Бадијашил, Фофана, Мудрик, Жоао Феликс, Мадуеке и Андреј Сантош.

Италијанскиот спортски весник „Кориере дело Спорт“, ја пренесува информацијата дека новата управа на Јувентус има намера да го продаде српскиот напаѓач Душан Влаховиќ.

Црно-белите од Торино се соочуваат со многу проблеми откако беа објавени финансиски малверзации со платите на играчите, по што екипата заработи казна со одземање на 15 бода во Серија А, а најверојатно Јувентус го очекува и едногодишна забрана за настап во Европа.

Поради овие причини, клубот ќе нема можност за плаќање на високите износи на плати кои ги заработуваат фудбалерите. Новата управа е подготвена, може да се каже и принудно да ги прифати понудите на Челзи, Арсенал или Манчестер Јунајтед за српскиот репрезентативец Душан Влаховиќ, доколку сумата за негов ангажман би изнесувала најмалку 90 милиони евра. Тоа би биле десет милиони евра повеќе од тоа тоа што Јуве пред една година му плати на Фиорентина.

Душан Влаховиќ конечно се опорави од повредата која го мачи во последниов период, поради која играчот нема забележано настап дури од Мундијалот во Катар.

Репрезентативецот од Гана, Антоан Семењо е нов фудбалер на премиерлигашот Борнмут.

23-годишниот напаѓач Семењо со Борнмут потпиша договор на четири и пол години со можност за продолжување на соработката за уште една дополнителна година.

Претходно Семењо беше член на Бристол Сити каде запиша 125 настапи, и постигна 21 гол и 22 асистенциии.

Семењо имаше настапи за Гана на неодамна завршеното Светско првенство во Катар, во натпреварите од групната фаза против селекциите на Португалија и Гана.

Во последниот период за нас интересна е ситуацијата со Енис Барди, македонскиот репрезентативец е пред заминување од турски Трабзонспор иако во овој клуб пристигна минатото лето.

Трабзонспор го доведе Барди за сума од три милиони евра, меѓутоа сега клубот сака да доведе нови странци и да ослободи простор затоа што тоа го бараат правилата во турското првенство.

Но, Транзонспор има и услов, нема да го пуштат Барди за сумата под која го доведоа. Три милиони евра плати Трабзон минатото лето на Леванте кој го продаде Барди кога испадна од шпанската Ла Лига.

Претходно Барди се поврзуваше со повеќе клубови пред се од Шпанија: Рајо Ваљекано, Мајорка, Кадиз и Еспањол, а тука се уште француска Ница и италијански Торино.

Откако стана јасно дека Милан Шкрињар нема да го продолжи договорот, раководството на Интер ја започна потрагата по негова замена.

Договорот на Шкрињар истекува на крајот на сезоната, а Интер сака да го продаде до крајот на јануари, за да заработи на неговото заминување. „Газета дело Спорт“ пренесува дека прва мета на „нероаѕурите“ е капитенот на ПСЖ, Приснел Кимпембе, кој оваа сезона добива мала минута.

Со доаѓањето на Шкрињар во ПСЖ неговата минутажа додатно ќе се намали, па Французнот е спремен да ја промени средината.

Вредноста на 27-годишниот дефанзивец во моментов е околу 40 милиони евра,а Интер е спремен за неговиот потпис да понуди 30 милиони евра плус бонуси.

Англискиот фудбалски репрезентативец, Киран Трипие, го продолжи договорот со Њукасл до 2025.година.

Тренерот на Њукасл Еди Хау, изрази задоволство од продолжувањето на соработката со дефанзивецот и има само пофални зборови за играта на Трипие во изминатиов период.

„Беше одличен на теренот и надвор од него. Киран покажа лидерски квалитети во тешки моменти за екипата, сега игра извонредно во тимот кој одлично напредува“, вели Хау.

Трипие пристигна во Њукасл од Атлетико Мадрид во јануари 2021.година. Оваа сезона тој запиша еден гол на 26 натпревари.

Црно-белите во моментот се наоѓаат на третото место во Премиер лигата, и имаат рекордна низа од 15 натпревари без пораз во лигата.

Фудбалерите на Торино, Никола Влаших и Саша Лукиќ, влегуваат во радарот на неколку екипи од Англија.

Според одредени шпeкулации, Вест Хем сака да си го врати Хрватот кој настапува како позајмен во Серија А.

Лукиќ, пак, кој добил понуда од Фулам, не крие дека сака да заигра во Премиер-лигата.  Според наведеното, англискиот состав е подготвен да плати 8 милиони фунти.