Тренерот на Манчестер Сити, Пеп Гвардиола, упати силни критики кон своите фудбалери после победата со 4:2 над Тотенхем, во рамките на Премиер лигата.

Сити својата победа ја стекна после целосен резултатски пресврт, откако гостите од Лондон имаа водство на полувремето од 2:0.

„Ни недостасува храброст, страст, и желба за победа од првата минута. Истата работа е и со нашите навивачи. Ги сакам своите навивачи назад. Во моментот сме далеку од натпреварување на највисоко ниво. Наш нареден противник е Арсенал, чии фудбалери играат со страст и голема желба за победа. Јас во моментов не можам да го препознаам својот тим“, изјавува Гвардиола.

Фудбалерот на англискиот клуб Вулверхемптон, Гонзало Гуедеш, до крајот на сезоната ќе игра како позајмен играч во Бенфика.

Португалскиот напаѓач во Волвс, пристигна изминатото лето од Валенсија. Тој оваа сезона одигра 18 натпревари и постигна два гола. 

За 26-годишниот фудбалер ова ќе биде повторно враќање во клубот каде ја започна својата кариера.

Досегашниот фудбалер на Барселона, Мемфис Депај , е нов член на Атлетико Мадрид.

Од мадридскиот клуб пренесуваат дека договорот со холандскиот напаѓач е потпишан на две и пол години, за што е платен износ од три милиони евра.

Во својата кариера, 28-годишниот Депај има настапувано за ПСВ Ајндховен, Манчестер Јунајтед и Лион. Депај во дресот на Барса одигра вкупно 42 натпревари и постигна 14 гола.

Денес беше одржана ждрепката за четвртфиналето на Купот на Шпанија во сезоната 2022/2023. Осум екипи продолжуваат да се борат за трофејот: Реал Мадрид, Атлетико Мадрид, Барселона, Реал Сосиедад, Валенсија, Атлетик Билбао, Осасуна и Севиља.

По ждрепката во четвртфиналето, во мадридското дерби ќе играат Реал Мадрид и Атлетико, а Барселона ќе игра со Реал Сосиедад.

Сите парови изгледаат вака:

Реал Мадрид – Атлетико Мадрид

Осасуна – Севиља

Валенсија – Атлетик Билбао

Барселона – Реал Сосиедад

Натпреварите ќе се играат во вторник, среда и четврток следната недела (24, 25 и 26 јануари).

Руди Фелер е новиот директор на фудбалските селекциите на Германија. Тој доаѓа на местото на Оливер Бирхоф, кој ја извршуваше функцијата изминатите години.

„Нашата главна цел е да ги поставиме темелите за успешно Евро 2024 на домашен терен со поддршка од цела Германија“, се вели во соопштението за печатот со кое беше објавено назначувањето на Фелер.

Поранешниот напаѓач имаше 90 натпревари и 47 гола за Бундес тимот во периодот од 1982 до 1994 година, а меѓу 2000 и 2004 година беше селектор на најдобрфата репрезентација на Германија.

Тренерот на Интер, Симоне Инзаги беше исклучително задоволен
од играта на неговата екипа во победата од 3-0 над Милан во
финалето на италијанскиот Суперкуп во Ријад.
„Момците имаа совршен пристап, бевме остри и цврсти во текот
на целиот меч. Нашата прва цел сезонава беше да се
квалификуваме во нокаут фазата од Лигата на шампионите, а
втората беше овој трофеј. Сега да уживаме во Суперкупот
бидејќи да се добие вакво финале против Милан е едноставно
прекрасно. Од утре можеме да размислуваме за следните
натпревари“, порача Инзаги.

Еден месец по незаборавното финале на Светското првенство во
Катар меѓу Аргентина и Франција, ФИФА ги објави бројките
поврзани со ова натпреварување.
Финалето, кое Аргентина го доби на пенали, го следеа 88.966
гледачи на стадионот Лусаил во Катар, а покрај нив и уште 1,5
милијарди луѓе ширум светот. Според американска компанија за
информации, податоци и мерење пазарот „Нилсен“, Светското
првенство го следеле пет милијарди луѓе на различни платформи.
Натпреварите на стадионите во Катар ги следеа 3,4 милиони
луѓе, повеќе отколку првенството во Русија во 2018 година кое го
следеа три милиони гледачи. Во Катар беа постигнати рекордни
172 гола, додека на првенствата 1998 и 2014 година беа
постигнати 171 гол.

Кристијано Роналдо стана првиот играч кој постигнал гол на пет
Светски првенства (2006, 2010, 2014, 2018 и 2022 година), а
Лионел Меси стана првиот играч кој постигнал гол во нокаут
фазата на четири последователни првенства откако ФИФА го
воведе осминафиналето во 1986 година. Со 26 одиграни
натпревари на Светското првенство, Меси го надмина и
досегашниот рекордер Лотар Матеус.

Касемиро поради жолти картони ќе мора го пропушти
натпреварот против Арсенал. Ова ќе биде голем пех за Тен Хаг,
особено што Бразилецот е еден од фудбалерите кои го кренаа
Манчестер Ј. од едноличноста во која тонеше неколку сезони.
Касемиро доби опомена во 80. минута на вчерашниот меч од 7.
коло на Премиер лигата против Кристал Палас (1-1) поради
прекршок над Вилфред Заха. Овој картон беше негова петти во
тековната сезона во Премиер лигата, поради што мора да
паузира на големото дерби со лидерот во Премиер лигата
закажано за в недела.

Пари Сен-Жермен ќе заработи значителни финансиски средства
за натпреварот во Саудиска Арабија.
Парижаните в четврток на 19 јануари ќе играат во Ријад со
саудискиот ол-стар тим составен од фудбалери на Ал-Хилал и
Ал-Наср.
За Ал-Наср од неодамна настапува Кристијано Роналдо и според
најавите тој ќе ја носи капитенската лента на ревијалниот меч.
Според„ L’Equipe“, овој натпревар на ПСЖ ќе му донесе нешто
повеќе од 10 милиони евра. Оваа сума клубот ја вклучи во
буџетот за сезоната 2022/23, бидејќи очекува да покаже
финансиски резултат подобар од минатата сезона кога
парижаните имаа загуба од 369 милиони евра.