Евентуален трансфер на Рубен Невеш во Барселона може сериозно да ги наруши односите помеѓу тренерот Чави и претседателот Лапорта, пренесува „АС“.

Барселона мора да донесе замена за Бускетс, кој на крајот на сезоната заминува од клубот, па потрагата веќе започна. Чави инсистира како наследник на Бускетс да пристигне Асиер Иларименди од Реал Сосиедад. Во исто време претседателот Лапорта преферира да го купи Невеш од Вулверхемптон.

Невеш на лето влегува во последната година од договорот, па неговата цена драстично ќе се намали и тој трансфер ќе биде полесен за реализација.

Меѓутоа, Португалецот не е профил на играч за врска каков што сака 

Чави, па тоа може да донесе до голем конфликт помеѓу двајцата.

Реал Мадрид е подготвен да го задржи Марко Асенсио во својот тим и следната сезона. Договорот на играчот истекува на лето, но клубот е подготвен да му понуди нов. Сепак, тоа ќе биде на многу пониски финансиски параметри од оние што ги добива играчот од средниот ред во моментов, пишуваат медиумите од Шпанија.

Асенсио мора да процени дали таквата понуда му одговара. Во оваа фаза тој и неговиот агент Жорж Мендеш не брзаат да ја прифатат понудата на Реал Мадрид и сакаат да ги разгледаат сите можни опции. Исто така, можно е Асенсио да ја прифати понудата на Реал и да продолжи да игра на „Сантијаго Бернабеу“, по примерот на Серхи Роберто, кој на сличен начин прифати помала плата за да остане во Барселона.

Од друга страна, пак, Асенсио не е особено задоволен од неколкуте минути игра што ги добива и се чини дека тешко ќе се избори со конкуренцијата на Родриго и Феде Валверде за место на десното крило од нападот.

Раководството на Челзи сака значително да го засили тимот во зимскиот преоден рок и работи на неколку трансфери.

Денес „сините“ постигнаа договор со Атлетико Мадрид за шестмесечна позајмица на Жоао Феликс, за која ќе платат 11 милиони евра. Меѓутоа, тоа не е се, бидејќи медиумите пренесуваат дека Челзи работи и на трансферот на Маркус Турам од Борусија Мехенгладбах.

Турам оваа сезона игра одлично, веќе има 10 гола во Бундеслигата, а неговиот договор истекува на крајот на сезоната.

Мехенгладбах не сака да го загуби Турам без обештетување, па е спремна да го продаде во јануари за „само“ 12 милиони евра.

За него интерес покажуваат неколку европски гиганти, но Челзи е спремен да ја победи конкуренцијата.

Француските медиуми објавија дека голманот и капитен на француската фудбалска репрезентација, Хуго Лорис, става крај на својата репрезентативна кариера.

„ Не е лесна ваквата објава, но после 14 години носење на репрезентативниот дрес, кој го носев со огромно задоволство и гордост, со чувство на должност и одговорност, верувам дека стигнав до крајот“, изјави Лорис.

36-годишниот голман беше капитен на Франција на Мундијалот во 2018.година кога „триколорите“ станаа светски прваци. Тој беше капитен и на неодамна завршеното СП во Катар, каде Франција го освои второто место. Лорис одигра вкупно 145 натпревари за репрезентацијата на Франција.

Шпанскиот весник „Марка“ пренесува информација дека фудбалерот на Атлетико Мадрид и репрезентативец на Португалија, Жоао Феликс, до крајот на сезоната ќе настапува како позајмен играч во Челзи.

Челзи за услугите на Феликс ќе плати обештетување од 11 милиони евра. Клубот од Лондон се согласи да го исплаќа целосниот износ на платата на Португалецот, но во договорот не стои клаузула според која Челзи треба да го откупи играчот на крајот од сезоната.

Според Марка, во Атлетико Мадрид се свесни за желбата на Феликс да заигра за друг клуб, и ќе му дозволат на фудбалерот да замине на позајмица бидејќи не се потребни проблеми во тимската соблекувална.

Жоао Феликс е фудбалер на Атлетико од 2019.година. кога за 127 милиони евра беше доведен од Бенфика.

Претседателот на Фудбалската федерација на Франција, Ноел Ле Гре
се извини за нападот кон Зидан со изјавата која предизвика бура во
јавноста. „Немам што да кажам, нека оди каде што сака без разлика
дали е клуб или репрезентација. Мене тоа не ме интересира. Се
обидел ли да ми се јави? Не, но и да ме побара јас не би му се јавил“,
гласеше изјавата на Ле Гре.
По неговата изјава се огласи и Килијан Мбапе кој застана во одбрана
на Зидан.
„Зидан е Франција, ние не треба да покажуваме такво непочитување
кон нашите легенди“, објави Мбапе. Очигледно дека Ле Гре сфати
дека погреши, па брзо се извини.
„Ова беше недоразбирање. Би сакал лично да се изјава за овие
коментари, тие воопшто не го рефлектираат она што јас го мислам за
него како фудбалер и како тренер“.

Велшкиот фудбалер Герет Бејл, одлучи да престане со професионалната фудбалска кариера. Бејл во објава на социјалните мрежи информира дека после внимателно размислување, решил веднаш да се повлече од клупскиот и репрезентативен фудбал. 

33- годишниот Бејл ја имаше честа дури 111 пати да го носи дресот на репрезентацијата на Велс, и е еден од најдобрите играчи во историјата на таа земја. Тој во изминатите 17 фудбалски сезони беше фудбалер на Саутемптон, Тотенхем, Реал Мадрид, и Лос Анџелес ФК.

Најголем успех во клупската кариера го забележа во дресот на Реал Мадрид, со кого освои пет титули во Лигата на шампионите.

Медиумите во Англија пренесуваат дека првиот човек на „Катар 

Спортс Инвестментс“, Насер Ал Келаифи планира да вложи инвестиции во англиски премиерлигаш.

„CBS Sports“ објави дека Келаифи веќе имал плодни разговори со првиот човек на Тотенхем, Даниел Леви со цел тој да влезе во клубот од Северен Лондон.

Првичниот план бил Келаифи преку својот инвестициски холдинг да влезе како малцински сопственик, а мнозински сопственик да остане Леви.

Тотенхем речиси една деценија е во врвот на англискиот фудбал, се почесто игра и во Лигата на шампионите, но никако не успева да стигне до трофеј иако во минатото ангажираше ем познати фудбалери, ем врвни тренери како што се Жозе Мурињо и Антонио Конте.