Златан Ибрахимовиќ се опорави од тешката повреда, па се врати на
тренинзите, а наскоро би можел да добие први минути за Милан во
Серија А, во новата 2023 година.
Но и покрај тоа што тој е во длабоки години, Ибрахимовиќ како да
сака да покаже дека годините за него се само обични бројки.
Легендарниот шведски интернационалец, се уште има амбиции да
игра за националниот дрес на Шведска, а селекторот тврди дека
годините за Ибра се само бројка.
„Се слушнавме неодамна, во добри односи сме. Ако успее да заздрави
целонсо, веројатно ќе биде опција за нас во нападот. Годините не се
важни, не се грижам за неговата форма, одличен е. Многу
допринесува кога е во соблекувалната со нас, ги фасцинира младите
играчи со присуството“, истакна Андерсон.

Манчестер Јунајтед го совлада Евертон со 3-1 во ФА Купот, а играч на
натпреварот беше Маркус Рашфорд кој беше „виновен“ за трите
погодоци на домашниот тим.
Прво му асистираше на Антони за водечкиот гол за 1-0, потоа го
принуди Коуди да си даде автогол за да на крајот и самиот се запише
во листата на стрелци. Со ова Маркус само потврди дека е во страшен
ритам, постигна голови на сите натпревари по СП во Катар, па и тој
самиот принава дека се наоѓа во најдобрата форма во кариерата.
„Ова веројатно е најдоброто форма во која сум бил, се чувствувам
добро на теренот. Влегувам во позиции и делови за да постигнувам
голови. Ако продолжам да создавам шанси, чувствувам дека ќе
продолжам да постигнувам голови“, вели Маркус.

Баерн Минхен веќе некое време се обидува да пронајде замена,
алтернатива за Мануел Нојер кој поради потешка повреда подолго
време ќе го нема на терените.
„Баварците“ се надеваат дека ќе успеат да се разберат со Борусија
Менхенгладбах за услугите на искусниот Јан Зомер на кого договорот
му завршува во месец јуни, но од „Борусија Парк“ стигна јасна
порака која ја упати директорот Роланд Виркус.
„Нема да го пуштиме Зомер во јануари, за ова веќе го информиравме
Баерн“, порача Воркус.
Сега германскиот првак одново ќе се сврте кон Александер Нубел кој
е нивни голман, ама е на позајмица во Монако.

Џек Батланд во вториот дел од сезоната ќе игра за Манчестер
Јунајтед. „Црвените ѓаволи“ се договориле со Кристал Палас за
трансферот на 29-годишниот англиски голман.
Станува збор за позајмица без можност за купување. Батланд денеска
би можел да ги има медицинските прегледи во Јунајтед.
Оваа сезона голманот на Палас нема одиграно ниту еден натпревар во
Премиер лигата.

32-годишниот холандски репрезентативец Дејли Блинд е блиску до
изненадувачка преселба во Баерн Минхен.
Холандскиот весник „Телеграф“ денеска пишува дека Блинд е веќе
договорен со Баерн, само останува да се финализираат некои детали
од соработката и тоа треба да се случи денеска или најдоцна
викендов.
По Мундијалот, германскиот шампион бара алтернатива на
позицијата лев бек, затоа што Лукас Ернандез беше сериозно
повреден и се очекува да биде надвор од теренот долго време. Блинд

кој изненадувачки доби раскин на договорот со Ајакс кон крајот на
минатата година, како слободен играч се сели на „Алијанц Арена“.

Се повеќе луѓе предлагаат некои модификации и промени за да се
револуционизира фудбалската игра. Некои се целосно апсурдни,
додека некои имаат смисла. Германскиот бундеслигашки судија
Патрик Итрих ги сподели своите размислувања како да се подобри
фудбалската игра со неколку модификации кои можат да им ја олеснат
работата и на судиите.
Според Итрих, првата промена треба да се однесува на тактички
фаули на средината на теренот. Според судијата, во овие ситуации
слободниот удар треба да биде на 17 метри од голот, што би значело
многу помалку вакви прекршоци во фазата на градење на нападите.
Според него, во случај на три паѓања на теренот, играчот би требало
да го напушти теренот три минути за да добие лекарска помош, за да
не се дозволи „крадење“ време. Навредите кон судијата би биле
најстрого казнети. Во тој случај играчот кој навредува би бил
исклучен од игра на десет минути за да се смират страстите.
За да се запрат инцидентите на теренот за време на натпреварот,
доколку целиот тим истрча кон судијата, судијата ќе има право да
исфрли тројца играчи и да им додели црвени картони.

Барселона е силно заинтересиран за напаѓачот на Ливерпул, Роберто Фирмино, пренесуваат каталонските медиуми.

Чави бил голем фан на играта на Бразилецот и го гледа како идеално засилување за нападот. Фирмино иако ова лето остана во клубот, сепак падна во втор план, па сериозно размислува да ја промени средината.

Тој влезе во последната година од договорот и на лето ќе биде слободен агент, па Барселона сака да ја искористи таквата ситуација.

Репрезентацијата на Мароко беше вистински хит на Светското првенство, а еден од оние кои најмногу се истакнаа е Азедин Унахи.

Унахи кој во овој момент го носи дресот на Анже каде што пристигна во 2021 година, но е на мета на многу европски гиганти.

Се говореше дека Лестер спрема богата понуда, но последните информации велат дека Мароканецот има други планови и преферира трансфер во Серија А.

Имено, Наполи се посочува како прв фаворит за неговиот потпис и лидерот во Серија А спрема понуда од 20 милиони евра.