Фудбалерот на Париз Сен Жермен, Лионел Меси, кој неодамна стана светски шампион со Аргентина, се врати во тренинг центарот на клубот.

После големата прослава откако Аргентина ја освои светската титула, Лионел Меси доби неколку дена одмор со своето семејство во родниот град Розарио, по што се врати во Париз и им се приклучи на своите соиграчи во тренинзите со екипата.

Меѓу првите соиграчи кои го поздравија враќањето на Меси во ПСЖ беше Бразилецот Нејмар. Претходно Килијан Мбапе кој му беше противник на Меси во финалето на Мундијалот, се врати во клубот од Париз само три дена после турнирот.

Синоќа се одигра натпреварот од 19. коло во англиската Премиер лига помеѓу лондонски Арсенал и Њукасл. Натпреварот на стадионот „Емирати“заврши со резултат 0:0.

За Њукасл ова беше 15-ти меч во серија, земајќи ги предвид сите натпреварувања, во кои избраниците на Еди Хау не загубија. Во овој период тие успеаа да победат на девет натпревари, а шест завршија нерешено (вклучувајќи ја и средбата со Арсенал). Ваква долга серија без пораз Њукасл немал од декември 1995 година.

Во 20. коло од англискиот шампионат, Њукасл на домашен терен ќе го пречекаат Фулам. Натпреварот ќе се одигра на 15 јануари и тоа ќе биде шанса да се продолжи серијата на позитивни резултати.

Ливерпул загуби на гостувањето кај Брентфорд со 1-3 и така направи чекор назад во битката за топ-4 во Премиерлигата. Поранешниот фудбалер на Ливерпул, Џејми Карагер испрати порака до тренерот Јирген Клоп и раководството на тимот да потрошат многу пари за да се спасат од мизеријата.

„Не гледам друг начин, освен Ливерпул да потроши над 200 милиони фунти на засилувања за да напредува“, кажа Карагер

Ливерпул сезонава има 28 бода по 17 одиграни кола во Премиерлигата.

Екипата на Македонија Ѓорче Петров ги започнува подготовките за вториот дел од оваа сезона и тоа во Хрватска каде ќе биде дел од „Арена Куп 2023“.

„Лавовите“ тука ќе одиграа најмлаку три натпревари и тоа против Истра од Хрватска, Арсенал Тиват од Црна Гора и Колкети од Грузија.

„На 3 јанувари официјално ги започнуваме подготовките за прелетниот дел на сезоната. Во Хрватска наредните 12 дена ќе престојуваме во Хотел Белведере Медулин, каде имаме одлични услови за работа. На 4 јануари имаме закажани лекарски прегледи во Пула. Ќе учествуваме на Арена Купот, каде ќе одиграме најмалку три натпревари. Играчите ќе имаат време и за одмор, но по посебна програма за работа. Подготвени сме за наредните предизвици кои не очекуваат во кои се надеваме дека и оваа година ќе бидеме успешни, -истакна тренерот Муарем Бајрами.

На 25 јануари пак тимот заминува во Анталија.

Фудбалскиот клуб Милан соопшти дека голманот од Колумбија, Девис Васкез е нов играч на екипата.

24-годишниот Васкез во Милан доаѓа од парагвајскиот клуб Гуарани, а со росонерите потпиша договор до јуни 2026.година.

Васкез за Гуарани во две сезони одигра 28 натпревари во парагвајската лига како и три натпревари во Копа Либертадорес.

Милан во моментот се наоѓа на второто место во Серија А, после 15 одиграни натпревари.

Албанија и официјално го соопшти наследникот на Едоардо Реја кој го водеше националниот тим од 2019 до 2022 година.

Фудбалската федерација на нашиот западен сосед се реши за јужноамериканско решение и тоа во името на Силвињо. Некогашниот ас на Арсенал, Барселона и Манчестер Сити се реши да каже „ДА“ па ќе ја води Албанија во наредните 18 месеци или поточно до крајот на Европското првенство во 2024 година.

Негови помошници ќе му бидат Пабло Забалета и Доривал Жуниор.

Силвињо не се прослави во досегашната кариера како тренер, па брзо заработи откази во Лион и потоа во Коринтијанс.

Според Диарио Спорт, големи се шансите фудбалскиот клуб Барселона да го доведе напаѓачот на Борусија Дортмунд, Јусуфа Мукоко. 

Овај спортски медиум известува дека младиот талент има желба да го облече дресот на каталонскиот гигант, и во овој момент многу мали се шансите тој да го продолжи договорот со Борусија Дортмунд.

Од Барселона планираат да го доведат Мукоко како слободен играч, без обештетување, трансфер кој би се реализирал во текот на летото.

18-годишниот напаѓач има одиграно 22 натпревари за Борусија Дортмунд во сите натпреварувања оваа сезона, и успеа да постигне шест гола и шест асистенции. Според Траснфермаркт неговата пазарна вредност изнесува околу 30 милиони евра.

Напаѓачот на Милан, Рафаел Леао, најверојатно ќе остане во тимот во следните неколку години. Ова го пренесува новинарот Џанлука Ди Марцио на својата веб-страница.

Според Ди Марцио, „Росонерите“ на играчот му понудиле плата од 7 милиони евра годишно. Португалецот сака да остане во тимот. „Црвено-црните“ сакаат да ги продолжат договорите и со напаѓачот Оливие Жиру и играчот од средниот ред Исмаел Бенасер. Тимот на Стефано Пиоли е втор во Серија А со 33 бода.

Договорот на играчот со Милан завршува во летото 2024 година. Леао имаше 20 настапи за Милан во сите натпреварувања, постигнувајќи седум гола и шест асистенции. Фудбалерот има и два гола за репрезентацијата на Португалија на Светското првенство во Катар.

Арсенал испратил нова, побогата понуда за ѕвездата на Шахтјор, Микаило Мудрик, пренесуваат медиумите на Островот.

21-годишниот крилен фудбалер игра одлично оваа сезона и особено воодушеви со натпреварите во Лигата на шампиони. Украинецот има договор со Шахтјор до 2026 година, а украинскиот клуб првично ја одби понудата од 62 милиони евра од Арсенал.

Според информациите Арсенал испратил нова понуда во висина од 70 милиони евра и се надева наскоро да го комплетира трансферот.

Украинецот веќе има договор со „топџиите“ и инсистира да се пресели на „Емирати“ во зимскиот преоден рок“.

Кристијано Роналдо вчера потпиша за Ал-Наср од Саудиска Арабија, но клубот сака да доведе уште најмалку една голема ѕвезда.

Имено, Ал Наср сака да го доведе и Един Џеко, на кого му истекува договорот со Интер на лето. 36-годишниот напаѓач игра одлично оваа сезона, но неговиот договор со „нероаѕурите“ истекува на лето.

Интер наскоро ќе започне преговори за продолжување на соработката, но Босанецот има богата понуда од Саудиска Арабија.

Клубовите од Саудиска Арабија се спремни да вложат многу пари и да донесат големи ѕвезди, па после Кристиано Роналдо се очекува да пристигнат и други ѕвезди.