Семејството Глејзер сака да го продаде Манчестер Јунајтед уште во

првото тромесечие од 2023 година, објави реномираниот новинар
Дејвид Орнстин.
Американската банка „Raine Group“ која ја контролира целата
продажба има поставено рок до март за извршување на продажбата.
Глејзер бараат помеѓу 7 и 8 милијарди за акциите на Манчестер
Јунајтед.
Поради тоа, Манчестер Јунајтед нема да купува играчи во зимскиот
преоден рок, а ќе бара засилување на позајмица, откриваат медиумите
на Островот.
Веста дека клубот ќе доведува засилувања само на позајмица е
сериозен удар за менаџерот Ерик тен Хаг, кој имаше големи надежи,
дека значително ќе го засили тимот во јануари.

Ливерпул сака да го засили тимот во зимскиот преоден рок, а позната
е најголемата трансфер желба на Јирген Клоп.
Јирген Клоп има малку алтернативи во средниот ред и сака да донесе
квалитетен играч за врска, бидејќи во моментов има многу повредени
фудбалери. Најголема желба е играчот на Брајтон, Моизес Каиседо,
кој одигра одлично на Мундијалот за репрезентацијата на Еквадор.
Ливепул веќе испратил првична понуда која била одбиена бидејќи
Брајтон за слободата на играчот бара 60 милиони фунти.
Ливерпул во наредните денови ќе испрати нова понуда, но „црвените“
сигурно нема да ја надминат сумата од 45 милиони пренесуваат
медиумите на Островот.

Душан Влаховиќ се уште се мачи со повредата на препоните, поради
која најверојатно ќе го пропушти дерби натпреварот против Наполи
на 13 јануари во Серија А, објавија денеска италијанските медиуми.
Клубот се надеваше дека тој ќе биде на располагање за мечот против
Наполи, трет во новата година, но според „Газета дело спорт“,
Влаховиќ ќе го пропушти и тој меч.
Влаховиќ не тренираше со тимот откако се врати од Катар каде одигра
само 79 минути и постигна еден гол на два натпревари. Српскиот
репрезентативец веќе неколку месеци се мачи со оваа повреда.
Последниот меч за Јувентус го одигра на 25 октомври против
Бенфика, а последен пат цели 90 минути ги одигра на 15 октомври
кога постигна гол во победата против Торино.

Јирген Клоп е свесен дека иако Премиер лигата се уште не е стигната
ни до половина, неговиот тим нема шанси за титулата оваа година.
„Црвените“ имаа лош старт на сезоната и играа „топло-ладно“ па во
моментов се далеку од врвот на табелата и годинава им преостанува
борба за пласман во Лигата на шампионите.
Тоа го знае и самиот Клоп кој истакна дека Арсенал и Сити ќе се
борат за титулата во Премиер лигата, а дека дури пет клубови ќе се
борат за останатите две места кои ќе водат во Лигата на шампионите.
„Оваа сезона ќе имаме топ 7 тимови затоа што знаеме дека Њукасл е
голем конкурент од оваа сезона. Само четири ќе успеат да стигнат до
целта, а се чини дека во овој момент само две места се останати.
Арсенал има неверојатна сезона, Сити е Сити, а Манчестер Јунајтед е
јасно дека се враќа. Тотенхем секогаш се бори до крај, а Челзи е се
уште тука.
Ќе биде тешко, треба да играме специјално во вториот дел од сезоната
за да имаме шанса да се пласираме во Лигата на шампионите, што е и
наша цел“, изјави Јирген Клоп.

Трансферот на Бразилецот Антони од Ајакс во Манчестер Јунајтед кој изнесуваше вкупно 95 милиони евра е најскапиот во 2022 година. 22-годишниот фудбалер потпиша петгодишен договор со тимот од Олд Трафорд.

За одбележување е фактот дека седум од топ 10 трансферите се на англиски клубови, а листата според сајтот Трансфермаркт е следната:

1. Антони – трансфер од Ајакс во Манчестер Јунајтед – 95 милиони евра
2. Душан Влаховиќ – трансфер од Фиорентина во Јувентус – 81,6 милиони евра
3. Весли Фофана – трансфер од Лестер во Челзи – 80,4 милиони евра
4. Орелиен Чуамени – трансфер од Монако во Реал Мадрид – 80 милиони евра
5. Дарвин Нуњес – трансфер од Бенфика во Ливерпул – 80 милиони евра
6. Каземиро – трансфер од Реал Мадрид во Манчестер Јунајтед – 70,65 милиони евра
7. Александар Исак – трансфер од Реал Сосиедад во Њукасл – 70 милиони евра
8. Матијс де Лихт – трансфер од Јувентус во Барн Минхен – 67 милиони евра
9. Марк Кукурела – трансфер од Брајтон во Челзи – 65,3 милиони евра
10. Ерлинг Халанд – трансфер од Борусија Дортмунд во Манчестер Сити – 60 милиони евра

Аргентинскиот фудбалер Лионел Меси и неговата шпанска колешка Алекси Путељас се прогласени за најдобри спортисти во 2022 година, а фудбалската репрезентација на Аргентина за најдобра екипа во изборот на Меѓународното здружение на спортски новинари (AIPS).

Во машка конкуренција славеше аргентинскиот капитен и член на ПСЖ, Меси, со 962 гласови, пред светскиот рекордер во скок со стап, Швеѓанецот Арманд Дуплантис (373) и францускиот фудбалер Килијан Мбапе (366).

Шпанската фудбалска ѕвезда Путељас ја освои наградата во женска конкуренција со 452 гласови, пред американската пливачка Кејти Ледецки (295) и светската рекордерка во трискок Јулимар Рохас (243) од Венецуела.

Во изборот за екипа на годината триумфираа новите светски фудбалски шампиони, Аргентинците, со 1.399 гласови, пред фудбалската репрезентација на Мароко (381) и фудбалската репрезентација на Франција (252).

Во гласањето учествуваа 420 спортски новинари од 113 држави.

Легендата на Манчестер Јунајтед, Гери Невил, се осврна на заминувањето на Кристијано Роанлдо во шампионатот на Саудиска Арабија.

Португалецот сега ќе го носи дресот на Ал Насер. Неговиот договор ќе биде наредните две години.

„Имав чувство дека тој би сакал да остане во Европа но, големите клубови не дадоа понуда. Неговиот крај требаше да биде на „Олд Трафорд“ . Изгледа дека Роналдо ќе ја заврши кариерата во Саудиска Арабија“, нагласи Невил.

Луис Суарез и официјално го реши прашањето околу тоа за кој клуб ќе настапува во 2023 година.

Суарез во изминативе месеци беше дел од неговиот матичен тим Насионал, но од претходно беше познато дека ова ќе биде кратка приказна. Голгетерот се повржуваше со враќање во Европа, имаше понуди на маса од МЛС лигата и од Саудиска Арабија, меѓутоа реши да остане во Јужна Америка со тоа што новата средина е во Бразил.

Некогашниот ас на Барселона, Атлетико Мадрид, Ливерпул и Ајакс договори двегодишна соработка со Гремио. Ова за ветеранот ќе биде нов предизвик каде се надева дека со своите партии ќе може да донесе радост за многубројните фанови на тимот од Порто Алегре.