Поранешниот трет тенисер во светот и освојувач на Ју Ес опен 2020 Доминик Тим со специјалната покана од организаторите ќе настапи на првиот календарски грен – слем турнир Австралија опен во Мелбурн. Австрискиот тенисер поради повреда не настапи на последното издание на Австралија опен, додека во 2020. во Мелбурн парк играше во финалето во кое загуби од Србинот Новак Ѓоковиќ во пет сетови.
Како последица на повредата Тием лани испадна од Топ 300, но во втората половина од годината победи на 22 од последните 33 натпревари и се врати меѓу најдобрите 100. Тием во моментов е на 102. место на АТП листата.
Квалификациите за првиот голем турнир во 2023 година почнуваат на 11 јануари, а главната фаза пет денови подоцна.
Гвардиола: Ако се заситиме, нема да го исполнам договорот и ќе си заминам
Менаџерот на Манчестер Сити, Пеп Гвардиола, откри кога ќе го напушти клубот.
Шпанецот неодамна потпиша нов договор до 2025 година, а до тогаш ќе исполни точно девет години на „Етихад“.
„Во моментот кога ќе почувствувам дека нешто е скршено, ќе си заминам или нема да потпишам повторно. Постојано велам дека нема да останам како Алекс Фергусон или Арсен Венгер. Договорот е само на хартија. Повторно потпишав бидејќи јас чувствувам дека се уште можеме да играме добар фудбал. Но, на крајот резултатите се важни. Ако се заситиме едни од други, нема да го исполнам мојот договор”, изјави Гвардиола.
ИЗБРАНИ НАЈДОБРИТЕ ВРАБОТЕНИ ВО КС ГРУПАЦИЈАТА
КС Групацијата ја одбележа 2022 година со голем број на успешно реализирани проекти, настани, промоции, родендени и организирани тим билдинзи. КС Групацијата е составена од Евротип Спортски обложувалници, Голд Слот Клуб, Агро Брод , Голд Фелициа и најновата и најмлада фирма КС Сервис која започна со работа оваа година и резултираше со огромен успех.
За најдобри вработени се избрани Александар Попчевски (Евротип Спортски обложувалници), Анета Бошкова (Голд Слот Клуб), Стеван Наумовски (Голд Фелициа) и Илија Цветановски (од дирекцијата на КС Групацијата).
Покрај наградите за најдобри вработени беа доделени и признанија за лојалност кон групацијата на Марина Милошевска, Александар Анастасовски, Љубе Биневски, Соња Дојошевска, Владо Стојановски, Иванчо Митровски, Ивона Шурбевска, Марина Николовска и Боро Стојановски.
Доделувањето на наградите за “Најдобар вработен за 2022 година” беше
дел од предновогодишна забава во Голд Фелициа со цел истакнување на вредностите и лојалноста на нашите вработени.
Признание му беше доделено и на адвокатот Милое Божиновски за неговата професионална ангажираност кон групацијата.
Плакета за лојален партнер кон КС Грпацијата му беше доделена на Никола Јошевски – генерален директор на СН Финансии .
Признанија му беа доделени на Кабаре Шоуто за најоригинални изведувачи и на најголемите групациски подржувачи на социјалните мрежи од Кавадарци раководена од менаџерот Дончо Коцев.
Со прогласувањето на „Најдобар вработен на годината“ се стимулира позитивното однесување на вработените, а она е тоа кон што се стреми оваа компанија. Во пресрет на новата 2023 заедно со нашите вработени наздравуваме за сите успеси со желба дека следи година во која сите заедно ќе ги оствариме сите свои лични, професионални, приватни и службени цели.
За добрата атмосфера се погрижи група Фонтана заедно со специјалните гости: Бојан Стојков, Александар Тарабунов, Димитар Андоновски и Татијана Стефановска.
Анчелоти го пофали настапот на Камавинга против Ваљадолид
Реал Мадрид вчера славеше на гостувањето кај Ваљадолид со двата гола на Карим Бензема, но медиумите се едногласни дека играч на мечот беше младиот, Едуардо Камавинга.
Тој со влегувањето во 69-та минута го подигна темпото на „кралевите“ и кумуваше на пресвртот. За тоа доби пофалби и од Карло Анчелоти.
„Камавинга прави поголема разлика кога ќе влезе од клупата. Тој е многу млад и треба да учи за поставеноста на теренот“, изјави Анчелоти.
Сити спремен да понуди 120 милиони за Рафаел Леао
Манчестер Сити нема да жали пари на „Етихад“ да ја донесе ѕвездата на Милан и португалски репрезентативец, Рафаел Леао.
Најголема желба на Гвардиола е најдобриот играч од Серија А и ѕвезда на Милан, Рафаел Леао, па „граѓаните“ веќе спремиле понуда. Англиските медиуми пренесуваат дека Сити испратил понуда од 120 милиони евра за неговиот потпис, а на Португалецот му нуди плата од 12 милиони евра по сезона.
Доколку Леао не стави потпис на нов договор, тогаш Милан е спремен да ја прифати понудата. „Росонерите“ му нудат нов договор и плата од 7 милиони евра по сезона.
Арсенал ќе испрати повисока понуда за Украинецот Мудрик
Англиските медиуми пренесуваат дека лидерот во Премиер лигата, Арсенал, е подготвен да испрати нова, повисока понуда за звездата на Шахтјор, Михаило Мудрик.
Првата понуда која популарните топџии ја испратија за младиот украински фудбалер изнесуваше 45 милиони фунти, но истата беше веднаш одбиена од челниците на Шахтјор.
21-годишниот Мудрик има голема желба да заигра во Арсенал, но украинскиот клуб за негова продажба бара 80 милиони фунти.
Фјури: Јас сум лажго и измамник, спиев со преку 500 жени
Тајсон Фјури за многумина е најдобриот боксер на денешницата, а во минатото имал бурен живот со кој не се гордее премногу. Фјури во овој момент е во брак со Париз од 2008 година и има шест деца, меѓутоа во интервјуто откри дека во животот спиел со над 500 жени, но за него тоа е нешто за кое се кае.
„Јас сум лажго и измамник. Во животот направив многу глупави работи. Сакам да ја избришам таа епизода од мојот живот. Спиев со 500 жени можеби и повеќе…Не знам одамна престанав да бројам. Не сум религиозен, но престанав да бројам, не ги правам тие лоши работи повеќе“, изјави Фјури.
Пред неколку недели Британецот го нокаутираше Чисора и така ја одбрани титулата светски шампион во тешка категорија.
Ѓоковиќ: Никогаш нема да заборавам што ми се случуваше во Австралија
Новак Ѓоковиќ ќе настапи во Австралија на првиот гренслем турнир во сезоната. Настапот на Ѓоковиќ привлекува посебно внимание поради се што му се случуваше во Австралија минатата сезона поради ковид рестрикциите.
Минатата година Ѓоковиќ помина неколку дена во Австралија каде што му се случуваа разни работи, а на крајот беше депортиран.
„Нема да ги заборавам никогаш тие настани, секогаш ќе останат длабоко во мене. Мислам дека никој човек не би можел да ги заборави. Претходно не сум се соочил со такво искуство, се надевам нема да имам повторно. Депортацијата не ја заборавив, но сепак ја сакам Австралија“, изјави Ѓоковиќ.
Меси е најдобар светски спортист по избор на новинарите
Меѓународното здружение на спортски новинари, го избра Лионел Меси за најдобар светски спортист за 2022 година.
Во гласањето од новинарите, во машка конкуренција Меси освои најмногу бодови и се најде пред рекордерот во скок со стап, Швеѓанецот Арманд Дуплантис и францускиот фудбалер Килијан Мбапе.
Во женска конкуренција за најдобра спортистка е избрана шпанската фудбалска звезда Алексија Путељас, пред американската пливачка Кети Ледецки и светската рекордерка во троскок Јулимар Рохас од Венецуела.
Во гласањето учествувале 420 спортски новинари од 113 земји.
Челзи го нуди Зијеч за да го добие Думфрис
Челзи е силно заинтересиран за холандскиот репрезентативец и играч на Интер, Дензел Думфрис.
26-годишниот десен бек минатото лето пристигна во Интер за 12 милиони евра и одигра одлична сезона. Оваа сезона се етаблираше во еден од најдобрите десни бекови, а одигра одлично и на Мундијалот.
Интер има финансиски проблеми, па доколку пристигне понуда повисока од 50 милиони евра е спремен да го продаде.
Италијанските медиуми пренесуваат дека Челзи е спремен покрај пари да го понуди и Хаким Зијеч, кој е на излезна врата од „Стенфорд Бриџ“.
