Дејан Кулушевски е прогласен за најдобар фудбалер во Шведска за
2022 година.
Од јануари, 22-годишниот крилен напаѓач на Јувентус настапува за
Тотенхем како позајмен до јуни 2023 година.
Кулушевски во изминатата година одигра 7 натпревари за шведската
репрезентација во квалификациите за Лигата на нации и СП 2022, при
што постигна 1 гол и 3 асистенции.
На 10 натпревари во Премиер лигата оваа сезона има 1 гол и 5
асистенции.
Тренерот на Милан, Стефано Пиоли се уште верува дека тимот може
да ја одбрани титулата во Серија А и покрај тоа што има осум бода
помалку од водечкиот Наполи. „Росонерите“минатата сезона го
осбоија Скудетото за првпат од сезоната 2010/11 година.
„Мора да продолжиме да веруваме дека можеме да станеме шампиони
оваа сезона, тоа е вистинскиот пат. Ако Наполи продолжи во исто
темпо, тогаш може да стигне и до 100 бода и секако тогаш ќе им
честитаме, но мора да размислуваме за освојување многу бодови во
продолжението на сезоната. Минатата година ни требаа 86 за титула,
можеби ќе треба повеќе оваа година. Имаме уште 69 бода на
располагање. Тоа се многу шанси, но мора сериозно да почнеме да
притискаме на педалата за гас и секако мораме да веруваме во тоа“,
вели Пиоли.
Репрезентативецот на Холандија и фудбалер на Ајакс, Дејли Блинд, го раскина договорот со
клубот од Амстердам. Блинд имаше договор со Ајакс до крајот на сезоната.
Спортскиот директор на Ајакс, Едвин ван дер Сар, соопшти дека во последните неколку денови е
постигната заедничка согласност за раскин на договорот до Блинд. Од Ајакс се надеваат дека
фудбалерот ќе пронајде нов клуб во кој успешно ќе ја заврши играчката кариера.
32-годишниот Дејли Блинд е член на Ајакс од 8 годишна возраст. Четири години настапуваше за
Манчестер Јунајтед, но во 2018. година повторно се врати во Ајакс со кој има освоено 11 трофеи.
Португалските медиуми пренесуваат дека фудбалскиот клуб Бенфика добил две понуди од по 127
милиони евра за аргентинскиот репрезентативец Енцо Фернандез.
Фернандез неодамна со Аргентина ја освои титулата на Мундијалот во Катар, а тој според
многумина беше издвоен како еден од најдобрите фудбалери на гаучосите.
Фернандез е член на Бенфика од Лисабон каде пристигна во јуни оваа година од Ривер Плата за
околу 10 милиони евра плус бонуси. Според медиумите Аргентинецот во договорот со Бенфика
има откупна клаузула од 127 милиони евра, и наводно клубот веќе добил две понуди во висина на
оваа сума и можно е веќе во јануари Фернандез да го напушти Лисабон.
Доколку овај трансфер се реализира, тогаш Бенфика за шест месеци ќе заработи извонредни 115
милиони евра, а Ривер Плата има право на 25% од тој трансфер.
Словенечкиот кошаркар и член на Далас Маверикс, Лука Дончиќ продолжува со своите
извонредни настапи за својот клуб, со што ги руши историските рекорди во НБА лигата.
Далас Маверикс славеше победа издвоена после продолженија со резултат 126:121 против тимот
на Њујорк Никс, а на средбата Лука Дончиќ забележа скор од 60 поени, 21 скок и 10 асистенции.
На овај начин Дончиќ стана првиот играч во историјата на НБА лигата кој до трипл-дабл стигна со
60 или повеќе поени, 20 или повеќе скока, и 10 или повеќе асистенции. Словенецот го собори и
клубскиот рекорд на Далас Маверикс со постигнати 60 поени.
Англискиот фудбалски клуб Арсенал е сериозно заинтересиран за доведување на крилниот
напаѓач од Шахтјор, Михаило Мудрик.
Лондончани веќе ја испратија и првата официјална понуда во обид за ангажман на младата
украинска звезда. Според информациите од медиумите понудата на Арсенал е во висина од 45
милиони евра плус дополнителни бонуси од 25 милиони евра.
Челниците на украинскиот клуб Шахтјор каде настапува 21-годишниот Мудрик, наводно не биле
задоволни од понудата и бараат зголемување на истата за 30 милиони евра.
По се изгледа дека на крајот двете страни ќе дојдат до прифатливо решение и се очекува Мудрик
да го облече дресот на Арсенал и да настапува во Премиер лигата.
Џуд Белингам е еден од најбараните фудбалери на трансфер пазарот и
на лето се очекува голема битка за неговиот потпис.
Неколку европски гиганти се силно заинтересирани за неговиот
потпис, а Борусија за неговата слобода ќе бара најмалку 100 милиони
евра. Шпанска „Марка“ пренесува дека Реал е во пол-позиција за
неговиот потпис, па поради тоа Ливерпул се откажал од
Англичанецот и се насочил кон Енцо Фернандез од Бенфика.
Белингам сака да ја продолжи кариерата во Реал Мадрид и веќе го
известил својот агент за одлуката. „Кралевит“ спремаат договор на 5
години и плата од 12 милиони евра по сезона.
Како што пренесуваат шпанските медиуми на крајот на сезоната Лука
Модриќ и Тони Крос ќе го напуштат Реал Мадрид.
Тоа ќе значи и крај на една ера, бидејќи Модриќ и Крос заедно со
Каземиро го сочинуваа „јадрото“ на Реал долги години и беа
најзаслужни за големите успеси. Договорите на двајцата ветерани
истекуваат на крајот на сезоната, а Реал Мадрид веќе размислува за
нивни замени.
Реал сака да го продолжи договорот со Крос и веќе испратил понуда
до неговиот агент, но Германецот сериозно размислува за крај на
кариерата.
„АС“ пренесува дека Крос наскоро ќе донесе конечна одлука, но тоа
најверојатно ќе биде повлекување од фудбалот.
Првите луѓе на Манчестер Јунајтед планираат да испрата понуда за
фудбалерот на Наполи, Виктор Осимен.
23-годишниот напаѓач во тековнава сезона одигра 14 мечеви со ефект
од 10 голови и три асистенции. Неговата вредност е околу 70 милиони евра.
Нигерискиот голгетер се претвори во значајна фигура во тимот кој се
бори за шампионската титула во Серија „А“. Наполи по 15 кола е
лидер на табелата со 41 бод пред Милан кој има 33.
Барселона се вклучи во трката за ѕвездата на Јувентус и француската репрезентација, Адриен Рабио, пренесуваат италијанските медиуми.
Рабио влезе во последната година од договорот и нема најави за продолжување на соработката, па на лето ќе замине како слободен агент. Челзи, Тотенхем и Ливерпул покажуваат силен интерес за Французинот, а сега и Барселона се вклучи во трката.
Барселона е во потрага по квалитетен играч за врска, бидејќи Кеси се покажа како промашување, а Де Јонг може да си замине на лето.
Поради тоа Каталонците наскоро ќе стапат во контакт со агентот на Рабио, особено поради фактот што можат да го доведат без обештетување.
Чави останал импресиониран од настапите на Французинот на Мундијалот и го сака во својот тим.
