Челниците на шпанскиот фудбалски клуб, Атлетико Мадрид, се подготвени да го испратат на позајмица еден од своите најдобри фудбалери, Жоао Феликс.

Атлетико не сака да го продаде португалскиот репрезентативец за сума под 100 милиони евра, но од клубот се свесни дека малку клубови можат да издвојат толку висока сума поради што отворена е опцијата за испраќање на Феликс на позајмица до крајот на сезоната. Позајмицата би била без право на откуп,и тоа за сума од девет милиони евра, притоа клубот кој ќе го доведе да ја преземе и обврската за исплаќање на неговата целосна плата.

Според медиумите најголемата причина за Феликс да го напушти Атлетико Мадрид е неговото недоразбирање со тренерот Диего Симеоне.

23-годишниот Жоао Феликс е пристигна во Атлетико од Бенфика во 2019.година, и досега за клубот има одиграно 129 натпревари.

Фудбалскиот клуб Јувентус е заинтересиран за играчот од средината на теренот на премиерлигашот Лестер, Јури Тилеманс.

Јувентус сака да го доведе белгискиот фудбалер бидејќи бара замена за Адриен Рабио на кого на крајот од сезоната му истекува договорот со „бјанконерите“, и најверојатно ќе го напушти клубот.

Договорот на Тилеманс со Лестер истекува на лето и веќе од јануари ќе биде слободен да преговара со други клубови за негов евентуален трансфер. Тилеманс е член на Лестер од 2019.година, и за клубот има одиграно 176 натпревари, со постигнати 28 гола.

Спортскиот директор на Баерн Минхен, Хасан Салихамиџиќ, потврди дека францускиот фудбалски дефанзивец, Лукас Хернандез,  ќе го продолжи договорот кој му истекува во 2024 година.

„Разговорите со агентите на Лукас се во напредна фаза. Неговата иднина е во Баерн, нема сомнеж во тоа“ –  изјави Хасан Салихамиџиќ.

26-годишниот играч настапи на Светското првенство за Франција но, поради потешка повреда уште на првиот меч мораше да прекине со активностите.

Голманот на Аргентина и Виљареал, Џеронимо Рули би можел да се пресели во Ајакс, објави новинарот Фабрицио Романо на Твитер.

Според изворот, клубот од Холандија планира да потпише со нов голман во јануари, а Рули е кандидат број еден на листата на нивни желби.

Аргентинскиот голман е клучен играч на Виљареал, но Ајакс веќе започнал разговори со играчот.

Рули стана победник на Светското првенство како дел од репрезентацијата на Аргентина, но не учествуваше на натпреварите на турнирот.

Оваа сезона 30-годишниот голман одигра 14 натпревари за Виљареал и седум пати ја чуваше неговата мреже недопрена. Трансфермаркт го вреднува голманот со 10 милиони евра.

Интер е силно заинтересиран за плејмејкерот на Реал Мадрид, Дани Себаљос, пренесуваат италијанските медиуми.

За Себаљос повеќе нема место во Реал Мадрид, па јасно е дека на крајот на сезоната ќе го напушти „кралскиот“ клуб. Неговиот договор со Реал истекува на крајот на сезоната и ќе замине како слободен агент, а може да преговара со заинтересираните клубови уште во јануари.

Интер сака да го засили средниот ред, а Инзаги верува дека Шпанецот би можел да биде идеална алтернатива за Брозовиќ.

„Нероаѕурите“ наскоро ќе стапат во контакт со агентот на Себаљос и сакаат да го донесат на лето без обештетување.

Германските медиуми пренесуваат дека фудбалерот Јусуфа Мукоко одбил да го продолжи договорот со Борусија Дортмунд, бидејќи играчот барал плата од седум милиони евра по сезона.

18-годишниот Мукоко има договор со Борусија до крајот на сезоната, а годишно заработува 1,8 милиони евра. Според информациите, челниците на клубот од Дортмунд му понудиле на младиот фудбалер нов договор по кој ќе заработува шест милиони евра по сезона, меѓутоа Мукоко барал еден милион повеќе.

Според Трансфермаркт, вредноста на Мукоко на фудбалскиот пазар вреди околу 30 милиони евра.

Голманот на Манчестер Јунајтед, Давид де Геа, по цели 12 сезони ќе си замине од стадионот – „Олд Трафорд“ , најавија медиумите во Англија.

Тренерот, Тен Хаг, има намера да го врати Дин Хендерсон, кој брани како позајмен за Нотингем Форест а во опција влегува и чуварот на мрежата на Борусија Дортмунд, Зомер.

Актуелниот договор на Давид Де Геа со „црвените ѓаволи“ ќе истече на крајот на сезонава.

Португалскиот репрезентативец Жоао Феликс, сака да си замине од Атлетико Мадрид и да се пресели во Премиер лигата, пишуваат француските медиуми.

Откако извршниот директор на Атлетико, Анхел хил Марин призна дека имало конгфликт помеѓу Феликс и тренерот Симеоне, јасно е дека Португалецот ќе го напушти клубот. Порталот „Ле 10 спорт“ пишува дека ПСЖ нема намера да го купува Феликс бидејќи во нападот ги има Мбаше, Меси и Нејмар и дека Португалецот ќе избира меѓу Арсенал и Манчестер јунајтед.

Во Арсенал сакаат да го ангажираат Португалецот уште во зимскиот преоден рок како замена за повредениот Габриел Жесус, додека Манчестер јунајтед го гледа како идеален наследник на Кристијано Роналдо.