Поранешниот напаѓач на Реал Мадрид, Предраг Мијатовиќ денеска изјави дека раководството на клубот треба да го продолжи договорот со хрватскиот фудбалер Лука Модриќ поради, како што наведе, неговото однесување и „спектакуларната игра“.

„Би го продолжил на уште една година, не само поради фудбалски причини, туку и поради неговото однесување. Тој е играч кој никогаш не правел проблеми и неговиот настап е спектакуларен, би се обидел да го натерам да се пензионира во Реал Мадрид“, изјави Мијатовиќ за шпанското радио „Кадена СЕР“.

Модриќ, 38-годишниот капитен на хрватската репрезентација, сезонава за Реал одигра 19 натпревари во стартниот тим, а во 19 влезе од резервната клупа.

Иако Пари Сен Жермен допрва треба да ја обезбеди титулата во Лига 1, францускиот гигант продолжува да испишува историја во својата домашна лига. Парижаните со победата против тимот на Лориент со 4:1, ја продолжија низата без пораз на гостински терен на 22 последователни натпревари, што до сега не го направила ниту една екипа од шампионат на Франција.

Пари Сен Жермен последен пат загуби на гостински терен на 11 февруари 2023 година во натпреварот од 23. коло на Лига 1 минатата сезона, кога загуби со 1-3 од Монако. Претходниот подвиг му припагаше на Лион, кој беше непоразен на гостувањата од март 2005 до април 2006 година.

Големата ѕвезда на тимот, Килијан Мбапе, исто така постигна гол и асистираше на натпреварот против Лориент, со што се искачи на 43 во сезоната и го подобри својот личен максимум во однос на постигнувањата во една сезона.

Парижаните во моментов имаат 11 бода предност пред второпласираниот Монако, а доколку победат на претстојниот меч против тимот од Ле Авр на 27 април ќе ја обезбедат и титулата.

Арне Слот фаворит за тренерското место во Ливерпул

Ливерпул ја испратил првата понуда до тренерот на фудбалерите на Феенорд, Арне Слот но, истата била веднаш одбиена од челниците на холандскиот фудбалски состав, објавија поголем дел од медиумите во Англија.

„Црвените“ интензивно се обидуваат да пронајдат замена за Јирген Клоп, кој на крајот на сезоната ќе си замине од стадионот „Енфилд“. Според објавите, Ливерпул понудил 9 милиони евра за раскинување на договорот на Арне Слот.

Тој во претходната сезона ја освои шампионската титлуа во земјата на „лалињата“. Тренерот е на чело на Феенорд од 2021 година.

Хозе Луис Хоселу кој игра како позајмен во Реал Мадрид од екипата на Еспањол, во текот на летото ќе ги напушти „кралевите“.

Тој има извонредна сезона, постигна 13 гола на 42 натпревари во сите конкуренции и тоа главно како фудбалер кој влегуваше од клупата. За потписот на Хоселу се заинтересирани неколку екипи од од Саудиска Арабија.

Се претпоставува дека Еспоњол нема да има ништо против Хоселу да направи трансфер во друг клуб бидејќи „кралевите“ веројатно нема да му го откупат договорот.

Капитенот на Атлетик Билбао, Икер Муниаин ќе го напушти Сан Мамес како слободен фудбалер на крајот на сезоната, соопштија од клубот.

Договорот на офанзивниот играч за врска нема да биде обновен. Тој во шпанскиот состав помина 15 години во кои има 557 натпревари со 75 гола и 70 асистенции во сите конкуренции.

31-годишниот стопер освои два шпански Суперкупа, како и еден Куп на Кралот токму во тековнава сезона. Тимот од  „Сан Мамеш“ на крајот на сезоната ќе му приреди свечено испраќање.

Претендентот за титулата во англиското првенство Ливерпул во следните две недели ќе биде без напаѓачот Диого Жота, кој ќе отсуствува од теренот поради контузија.

Ова денеска го соопшти тренерот на Ливерпул, Јирген Клоп, на прес-конференцијата пред претстојното градско дерби против Евертон.

Португалскиот репрезентативец изминатиот викенд забележа гол и асистенција во победата над Фулам од 3-1.

Жота пропушти поголем дел од сезоната поради различни повреди, а пред неполни две недели се врати во игра по долготраен третман од контузија на коленото.

По 33 одиграни натпревари, Ливерпул со по 74 бодови го дели првото место на табелата со Арсенал. Актуелниот шампион Манчестер Сити е трет со 73 бода, но и натпревар помалку.

УЕФА ги одреди судиите за претстојното Европското фудбалско првенство во Германија кое започнува за помалку од два месеци.

На листата на УЕФА се најдоа 16 европски судии, како и аргентински судиски тим предводен од Аргентинецот Факундо Тељо.

Делегирани судии за Европското фудбалско првенство во Германија:

Артур Соареш Диас (Португалија)

Хесус Гил Манцано (Шпанија)

Марко Гуида (Италија)

Иштван Ковач (Романија)

Иван Крузлиак (Словачка)

Франсоа Летексиер (Франција)

Дени Макели (Холандија)

Шимон Марчинијак (Полска)

Халил Умут Мелер (Турција)

Глен Ниберг (Шведска)

Мајкл Оливер (Англија)

Даниеле Орсато (Италија)

Сандро Шерер (Швајцарија)

Даниел Зиберт (Германија)

Ентони Тејлор (Англија)

Клемент Турпен (Франција)

Славко Винчиќ (Словенија)

Феликс Цвајер (Германија)

Факундо Тељо (Аргентина)