Челзи имаше амбиции да го ангажира Кенан Јилдиз, но ЈУвентус ја одби понудата од „Стенфорд Бриџ“.

Клубот од Лондон беше активен во преодниот рок, не штедеше пари, а Кенан Јилдиз исто така беше во плановите на „сините“.

Еден од најдобрите играчи на Јувентус беше мета на Челзи, во Торино стигнала понуда од 70.000.000 евра, пишува „Калкомеркато“.

„Старата дама“, ги одби тие пари и покажа дека смета на турскиот ас на долг рок, а извештајот го покажува и планот за продолжување на неговиот договор до 2030 година, со зголемување на платата.

Откако беше промовиран во првиот тим на Јувентус, Јилдиз брзо се етаблираше и стана незаменлив член на стартната постава.

Квалификацискиот натпревар за пласман на Светското првенство 2026 меѓу Србија и Албанија ќе се игра во Лесковац, објавено е на веб-страницата на Европската фудбалска унија (УЕФА).

Како што е наведено, натпреварот од седмото коло од Групата К помеѓу Србија и Албанија ќе се игра на 11 октомври во 20:45 часот на стадионот „Дубочица“ во Лесковац.

Првично беше планирано натпреварот да се игра во Белград, но Фудбалскиот сојуз на Србија побара од Европската куќа на фудбалот домаќин да биде Лесковац.
На табелата од Групата К, Англија е прва со сите 15 бодови од пет натпревари, а Албанија е втора со осум бодови. Србија е третопласирана со седум бодови

Борусија Менхенгладбах се раздели со главниот тренер Херардо Сеоане по само три натпревари од новата сезона, а одлуката стапи на сила веднаш, објави клубот.

Тренерот на тимот под 23 години, Еуген Полански, првично ќе ја преземе функцијата главен тренер во Борусија Менхенгладбах.

„По интензивна анализа на почетокот на нашата сезона, дојдовме до заклучок дека треба да направиме промена на позицијата главен тренер“, рече спортскиот директор Роланд Виркус, додавајќи: „Нашето верување дека Херардо може да ги сврти работите се намали по 10 натпревари без победа во Бундеслигата“.

39-годишниот Полански претходно беше задолжен за тимот под 23 години. Тој играше професионално за Менхенгладбах и доаѓаше од младинскиот систем на клубот.

Карло Анчелоти не ја затвори вратата за враќање на клупата на Реал Мадрид. Иако неодамна ја презеде селекцијата на Бразил, искусниот стратег не ја исклучува можноста за трет мандат на „Сантијаго Бернабеу“ по завршувањето на Светското првенство во 2026 година.

Анчелоти веќе двапати го водеше Реал и стана најтрофејниот тренер во историјата на клубот со освоени 15 трофеи. „Реал Мадрид е единствениот клуб што би го прифатил да го тренирам по Бразил“, изјави Анчелоти за Л’Екип.

Иако претходно најави крај на клупската кариера, Италијанецот остави отворена врата за ново враќање во клубот каде што ужива легендарен статус.

Сепак, Анчелоти исто така потврди дека би го продолжил договорот со Бразилците за уште еден четиригодишен мандат доколку во сојузот се задоволни од работата.

Поранешниот капитен на Манчестер Јунајтед, Рој Кин, е немилосрден во критиките кон сегашниот состав и нивниот менаџер, Рубен Аморим. Тимот од „Олд Трафорд“ беше целосно надигран од Манчестер Сити во текот на викендот.

„Тие се само просечен тим во првенството. Нема знаци дека работите ќе се подобрат. Јунајтед фрла пари само на тренери.

Лук Шо на првиот гол… тој е англиски репрезентативец. Мислам дека со години ја избегнува одговорноста. Има стотици натпревари а нема ниту правилна положба на телото“, рече Кин.

Манчестер Јунајтед и понатаму го следи Карлос Балеба од Брајтон како дел од своите долгорочни планови за зајакнување на средниот ред. Клубот се обиде да го донесе 21-годишниот Камерунец ова лето, но трансферот не се реализираше. Сепак, интересот не стивнува. 

Јунајтед гледа потенцијал во Балеба и верува дека тој може да се развие во врвен играч. Иако неговата адаптација во Премиер Лигата се одвива со некои предизвици, скаутите на клубот и натаму го следат неговиот напредок и сметаат дека би напредувал во соодветна средина. 

Од друга страна, Брајтон е фокусиран на неговиот развој и на негово подобро вклопување во тимот. Клубот не брза со никакви одлуки околу продажба, туку му дава време и простор да созрее. 

Ситуацијата останува отворена пред наредните трансфер периоди, а интересот на Јунајтед е во согласност со нивната стратегија да инвестираат во млади фудбалери со голем потенцијал за иднината.