Македонија остана без еден од ракометарите на бековската позиција за квалификациите за ЕП 2026, затоа што се повреди Мартин Велковски.

Десниот бек не настапи на последниот дуел за Алкалоид против Вардар 1961, па утврдено е дека поради повреда нема да може да и помогне и на репрезентацијата.

Македонија во последните два меча од циклусот игра на гости со Естонија и на домашен терен со Литванију, а потребни ни се две победи за да останеме во игра за место на собирот.

Еден новитет во пресрет на следните натпревари на македонската машка ракометна репрезентација е враќањето на легендата Стојанче Стоилов.

Поранешниот репрезентативен кружен напаѓач е за силување за Македонија во стручниот штаб, каде што ќе работи со Кирил Лазаров и останатите.

Стоилов, кој по завршувањето на играчката кариера остана во Вардар 1961 и е еден од помошниците на Владо Недановски и Гиљермо Милано.

Сега тој ќе биде уште еден во низата поранешни репрезентативци на Македонија кој ќе биде дел од стручниот штаб на Лазаров. Претходно, помошници на селекторот беа Ангеловски, Миркуловски и Јоновски…

Се одржа и ждрепката за главниот настан во „Ланксес Арената“ во Келн , а тоа е за завршницата на машкиот ракометна Лига на Шампиони.

Денешната ждрепка ги одреди полуфиналните натпревари кои ги сочинуваат Фуксе Берлин и Нант и Барселона против Магдебург.

Завршниот турнир во Келн е закажан за на 14 и 15 јуни.

Ракометниот клуб Вецлар им врачи откази на Франк Карстенс и неговиот помошник Филип Миркуловски.

Клубот се реши за ваков потег поради лошите резултати, Вецлар доживеа осум порази на последните девет натпревари. Синоќа, Вецлар загуби од Лајпциг.

Планот на клибот бил во летниот преоден рок да извршат смена на тренерската позиција, но новиот пораз ги натера да реагираат со откази.

Новиот тренер беше избран уште претходно, но тој порано од планираното ќе ја преземе функцијата.

Нов тренер на Вецлар е поранешниот српски репрезентативец и тренер на Веспрем, Момир Илиќ. Тој е без работа откако по три години се раздели со Веспрем. Илиќ ќе го одржи првиот тренинг со својот нов тим во понеделник.

На Еурофарм Пелистер му требаше едно полувреме за да ги„запали моторите“ и да одигра според она како што знае и се очекува. Како „ладен дизелски мотор“ се загреа дури после 40 минути, за да може на крајот од средбата да каже дека е завршена работата, и победиле. Битолчани со 29-25 (12-11) триумфираа, но Тиквеш се покажа во одлично светло.

Во првиот дел, Еурофарм Пелистер и Тиквеш цело време беа рамо до рамо. Првакот во еден наврат избега на плус од два гола, кога беше 9-7, меѓутоа Тиквеш израмни на 9-9, а до паузата успеа да дојде и до гол позитива (11-12). Се играше во ист ритам до 19-18, кога Еурофарм Пелистер ги презеде работите во свои раце. Кога Дејан Манасков во 51 минута го постигна својот седми гол на средбата, а Еурофарм Пелистер поведе со 24-20 стануваше јасно дека бодовите ќе останат во Битола.

Дејан Манасков со десет гола беше прво име во таборот на победникот, додека кај поразените Славчо Шулески постигна шест гола.

Во следното седмо коло Еурофарм Пелистер пред своите гледачи ќе го пречека Охрид.

Јуниорскиот состав на Еурофарм Пелистер како што е познато ќе ја претставуа Македонија на завршниот турнир од Лигата на шампионите во јуни во германскиот Келн.

Ждрепката која денеска се одржа во седиштето на ЕХФ го спои битолскиот состав со данскиот тим ГОГ Гудме во првото полуфинале. За момците од Еурофарм Пелистер ова ќе биде прво учество на елитниот младински собир. До оваа фаза, македонскиот тим стигна со две импресивни победи во квалификацискиот турнир во Букурешт, каде што ги совладаа Киелце и домаќинот Динамо.

Во второто полуфинале силите ќе ги одмерат европските гиганти Веспрем и Барселона.

Термините за натпреварите се 14 и 15 јуни, а ЕХФ дополнително ќе ги потврди саатниците за натпреварите.

Македонската машка ракометна репрезентација ја очекува завршница на квалификациите за Европското првенство, дуели со Естонија и Литванија од кои овој вториот се игра во Скопје во во СЦ „Јане Сандански“.

Истиот е закажан за 11 мај од 18 часот, а Ракометната федерација на Македонија (РФМ) ја одреди цената на билетите за тој натпревар. Продажбата на влезницици започнува во петок, а истите се со цена од 200 и 300 денари.

Ќе можат да се набават на сите продажни места на МК Тикетс низ државата и на online на интернет-страницата на МК Тикетс (https://mktickets.mk)

Алкалоид без проблеми обезбеди место на завршницата од ракометниот Куп на Македонија на која ќе го брани трофејот. Во финалниот дуел од својата група, Алкалоид беше подобар од Пролет со 42-20.

На Фајнал-форот турнирот покрај Алкалоид ќе настапат и Еурофарм Пелистер, Вардар 1961 и ГРК Охрид со што се комплетираат се четирите најдобри екипи во Македонија додека дуелите ќе бидат многу интересни.

Тренерот на Алкалоид, Кирил Лазаров го пофали тимот по пласманот во финалето на ЕХФ Европскиот Куп. На двомечот со норвешкиот претставник Рунар Сандефјорд, Алкалоид иако ослабен поради неколку повредени играчи, демонстрираше истрајност, борбеност, трпеливост и сосема заслужено се избори за историски успех.

„Горд сум на тимот за тоа како ги одигра овие два натпревари со сериозно квалитетен противник. Во отсуство на нашите носители на играта покажавме дека колективот, доколку дејствува тимски може да покрие многу недостатоци и да направи успех.

Со оглед на ситуацијата, нѐ очекува пеколна завршница на сезоната. Ќе внимаваме на сѐ за на важните натпревари бидеме на потребното ниво.

Пласманот во финалето на Алкалоид е голем успех за клубот, но и за целиот македонски ракомет. Очекуваме поддршка во финалето од љубителите на ракометот во Македонија, ќе ни биде многу потребна“, изјави Лазаров.

Во финалето на ЕХФ Европскиот Куп, РК Алкалоид ќе игра со грчкиот претставник АЕК Атина. Првата средба ќе се игра на 17/18 мај, реваншот е на 24/25 мај. Кој ќе ја има предноста реваншот да го игра на домашен терен ќе биде одредено со ждрепка.

Селекторот на машката ракометна репрезентација , Кирил Лазаров го објави поширокиот список на играчи за претстојните натпревари во квалификациите за пласман на Европското првенство во јануари 2026 година.

Во рамките на машката ЕХФ недела, машката сениорска селекција ќе ги оддигра натпреварите од петтото и шестото коло во квалификацискиот циклус против репрезентациите на Естонија на гости и против Литванија на домашен терен.

Македонија има една победа и три порази по првите четири кола од групата.