Ракометната репрезентација на Македонија се радуваше на минимална победа од 27-26 на последниот натпревар пред Светското првенство кој го игравме против селекцијата на Зеленортски Острови.

Во изедначен натпревар Македонија беше подобра во клучните моменти и така стигна до победата. По првото полувреме предноста беше на страна на африканската репрезентација со 14-15, но во вториот дел успеавме да направиме пресврт.

Мундијалот Македонија го започнува в среда против Унгарија во терминот од 20:30 часот.

Претходно избраниците на Лазарово одиграа два теста со Хрватска од која загубивме и тимот на Сесвете кој го победивме убедливо.

Норвежанецот Бент Дал ќе биде новиот селектор на женската ракометна репрезентација на Србија. Ангажманот на Дал ќе биде официјализиран утре на седницата на Управниот одбор на Ракометниот сојуз на Србија.

Бент Дал со Ракометниот сојуз на Србија договорил соработка до крајот на квалификациите, со можност договоорт да му биде продолжен.

Српската репрезентација во плеј-офот за пласман на Светското првенство ќе игра против Словенија.

Дал важи за одличен експерт, професионалец со долгогодишно искуство.

Норвежанецот ги предводеше Опсал, Скрим, италијанската репрезентација и Халвард. Дал беше на клупата на унгарскиот Сиофок со кој имаше големи успеси, а потоа три години ја водеше и романската Влчеа, а последен ангажман му беше на клупата на чешката репрезентација која ја совлада репрезентацијата на Србија на неодамнешното Европско првенство.

Ракометната репрезентација на Македонија славеше на денешниот пријателски натпревар одигран против хрватскиот тим Сесвете со 28-42, во претпоследната контрола што избраниците на Кирил Лазаров ја имаа пред официјалниот старт на СП 2025 закажан за 15 јануари.

Овој меч дојде по оној со селекцијата на Хрватска во кој одигравме одлично и покрај поразот. Денеска на дуелот со Сесвете предводен од некогашниот репрезентативец на Хрватска, Игор Вори, на полувремето имавме водство од +6, кое подоцна успеавме и да го зголемиме.

Македонската репрезентација својата генералка пред стартот на ракометниот Мундијал ќе го има на 12 јануари, кога за противник ќе ја има селекцијата на Зеленортските острови.

„Црвено-жолтите“ првиот меч на СП 2025 ќе го играат на 15 јануари во 20:30 часот против Унгарија.

Хрватскиот Ракометен Сојуз во соработка со „Спортске Новости“ ги прогласија најдобрите во ракометот за 2024 година.

Свеченоста се одржа на полувремето од натпреварот меѓу Македонија и Хрватска што се одигра во Вараждин.

За најдобар ракометар беше избран Доминик Кузмановиќ од Гумерсбах, додека најдобра ракометарка за 2024 е Катарина Јежиќ од Дунареа Браила.

Најдобар хрватски стратег за минатата година е прогласен Андрија Николиќ, додека најдобар судиски пар се Јуриновиќ и Мрвица.

Според пишувањата на рускиот „Брз Центар“, левиот бек Иман Џамали, најверојатно својата кариера ќе ја продолжи во Русија.

Поранешниот унгарски репрезентативец со иранско потекло ќе ги засили редовите на СКИФ Краснодар, а во рускиот клуб ќе се пресели од Ал Сафа.

Искусниот лев настапуваше и за екипите на Кристијанштад, Мешков Брест, Динамо Букурешт, Чеглед и Татабања.

Ракометната репрезентација на Македонија прикажа добра игра, но загуби во последниот натпревар пред Светското првенство вечерва против Хрватска со 27-25 (13-14). Момците на Лазаров одиграа квалитетен натпревар и одлично парираа на силниот ривал, а во првите 30 минути имавме и предност. Хрватска во самиот финиш успеа да се „одлепи“ и да стигне до победата.

Клучни во последните моменти беа одбраните на голманот Пешиќ, но имаше и неколку исклучувања во нашите редови.

Вечерва најефикасен во нашите редови беше Атанасијевиќ со пет гола, Костески постигна четири, а Кузмановски и Серафимов по три.

Ваквиот настап на Македонија може да ни даde надеж за добро издание на Мундијалот, кој го стартуваме против Унгарија на 15 јануари.

Норвешката ракометна репрезентација ќе биде ослабена за едно големо име на престојното ракометно СП откако репрезентативниот повик го одби искусниот Александар Блонц, најдобриот стрелец на Норвежаните на последните две големи првенства.

Причината е повреда на коленото и други потешки околности поради која стрелецот на 29 голови на Олимписките игри и 37 голови на последното Европско првенство, овој пат нема да настапи во репрезентативниот дрес.

„Нема да можам да играм на Светското првенство, тоа е јасно. Жал ми е, но се случија разни работи“, изјави Блонц кој не сакаше да ја откри конкретната причина за одлуката, најавувајќи дека во иднина сака да остане дел од најголемите собири.

Иван Галевски заедно со Никола Митревски и Марко Кизиќ ќе го сочинува триото голмани на македонската машка ракометна репрезентација на Светското првенство кое се игра месецов, а за 20-годишниот чувар на мрежата на Алкалоид, ова ќе биде деби на големите натпреварувања.

„Чест, задоволство, и привилегија е што сум дел од националниот тим, сон на секое дете е да игра за репрезентацијата. Годинава ми се освтари сонот, ова ќе ми биде прво големо натпреварување, се борам за секоја минута на теренот и ќе се потрудам да ја оправдам довербата на најдобар начин“, вели Галевски.

„Ова е спорт, топката е тркалезна, ако проработи македонскиот инает и македонското срце што го имаме, зашто да не се надеваме на позитивен резултат. Најбитно е што ќе имаме навивачи, Фалангата е дополнителен мотив за нас, ветер во грб, осми играч, тие секогаш се тука за нас, несебично ни даваат поддршка кога играме и во странство и на домашен терен. Сигурен сум дека ќе придонесат за добри резултати на репрезентацијата“, додава еден од најмладите поединци во составот на селекторот Кирил Лазаров.

Македонската ракометна репрезентација влегува во завршна фаза од подготовките за настап на Светското првенство кое ќе се одржи во три земји. Нашите ракометари ќе играат во Варждин, а во групната фаза ќе ги одмерат силите со Унгарија, Холандија и Гвинеја. Првите три селекции одат во главната рунда, што пак е главна цел на „црвено-жолтите“.

„Веќе сме во завршна фаза од подготовките, можам да кажам дека целиот тим е спремен за предизвиците кои не очекуваат на Светското првенство. Одиме да се бориме, нашата цел е да се пласираме во главната рунда, а потоа ќе одиме чекор по чекор.

Унгарија и Холандија имаат различен стил на игра за разлика од Гвинеја. Играта на Унгарците повеќе се темели преку пивотите и со шутеви, додека Холандија на игра „еден на еден“, станува збор за побрза репрезентација. Треба да бидеме максимално сконцентрирани на двете средби, да не губиме надеж, секогаш има шанса.

Јас верувам дека можеме да пласираме во главната рунда, одиме на победа на секој натпревар, ќе оставиме срцето на терен и па што биде нека биде“, вели Марко Митев од кого се очекува да биде еден од главните лидери во нашата нова генерација.

Главна желба на сите во тимот е да има голем број македонски фанови во Вараждин Арената, дел во 2018 година на ЕП ја почувствуваа таа амтосфера.

„Се надевам дека во Вараждин атмосферата ќе биде како на Европското првенство во 2018 година и фановите ќе дојдат во голем број, а ние ќе се чувствуваме како да играме на домашен терен, тие се нашиот осми играч и најважна поддршка на теренот. Знаат како да не понесат на секој натпревар“.

Нашите ракометари добија два дена одмор, по што на 8. јануари заминуват за Хрватска. Истиот ден ќе одиграат пријателски натпревар против истоимената репрезентација.

Претседателот на македонската влада, Христијан Мицкоски и министерот за спорт, Борко Ристовски, присуствуваа на подготовките на машката сениорска ракометна репрезентација. На ракометарите и стручниот штаб им ги честитаа празниците и им посакаа успех на претстојното Светско првенство.

Во знак на благодарност за поддршката, селекторот Лазаров на премиерот Мицкоски му подари персонализиран дрес.

Македонија на СП 2025 ќе игра во групата со Холандија, Унгарија и Гвинеја, а трите најдобри селекции во групата одат во главната фаза.