Македонската ракометна репрезентација денес ги почнува квалификациите за Европското првенство во 2026 година

Прв ривал на „црвено-жолтите“ ќе биде селекцијата на Естонија. Селекторот Кирил Лазаров ја прифаќа фаворитската улога.

„Пред нас се натпревари со Естонија и со Литванија. Не бегаме од фаворитската улога, но исто така и ги респектираме противниците. Секој нов почеток е тежок, па затоа и овие квалификации мораме да ги почнеме со максимално залагање“, истакна Лазаров.

Натпреварот со Естонија ќе се игра во СЦ „Борис Трајковски“ вечер со почеток во 20 часот.

Другиот натпревар од првото коло во групата 1 ќе се игра утре, Словенија ќе ја пречека Литванија.

Ракометарите на Алкалоид двата натпревара од 1/16 финалето во Европскиот куп со Вест Виена ќе ги играат на свој терен.

Тимот предводен од тренерот Кирил Лазаров сезонава игра извонредно. Во домашното првенство има максимални 10 победи, на стартот на сезоната го освои Суперкупот на Македонија, а има и две победи над литванска Клаипеда во 2. коло на Европскиот куп.

Натпреварите Алкалоид – Вест Виена се закажани за 29 и 30 ноември во салата „Автокоманда“.

Селекторот на машката ракометна репрезентација Кирил Лазаров даде одговор за отсуството на овој список пред квалификациите за пласман на ЕП, а тоа се Никола Митревски и Филип Талески.

Искусниот голман и членот на Бенфика не се најдоа на списокот на ракометари за дуелите со Естонија и Литванија закажани за 6 и 10 ноември.

„Ние започнавме еден процес на подмладување на репрезентацијата и истиот мора да се доврши. Мислам дека се појавуваат нови играчи, млади и добри кои во своите клубови покажуваат квалитет и ги носат нивните екипи до добри резултати. Од никого не се откажуваме, напротив имаме потреба од играчи. Сепак радува фактот што имаме можност да бираме. Сите ќе бидат во комбинација за настап за СП кое се игра во јануари.

Што се однесува до Никола Митревски, мислам дека имаме млади, квалитетни голмани кои треба да добијат шанса. Да видиме како ќе се однесуваат кога ќе имаат поголема одговорност и зад нив нема еден голем голман од калибарот на Митревски. Сакам да видам како тоа ќе изгледа на овие два натпревари.

Кога е во прашање Талески, тој е квалитетен, добар играч, но во последно време на Европското и Светско првенство и на другите официјални натпревари мислам дека не покажа доволно квалитет, во доволно квалитетно издание. Затоа се решив во моментов да дадам шанса на други играчи, како што е Павле Атанасијевиќ. Можеби малку ќе го промениме концептот на игра, ама тоа не значи дека во иднина нема да биде повикан. Тоа е моја одлука, идејата е да создадеме квалитетна репрезентација, да пробаме да бидеме компетитивни со најдобрите. Дали ќе успееме…но мислам сме на добар пат“, рече Лазаров кој не ги во ниту еден момент не ги потценува Естонија и Литванија.

ГРК Охрид загуби на гостувањето во Скопје од Вардар 29-26, во дерби натпреварот од 10 коло од Супер лигата.

Охрид одигра променливо прво полувреме во кое имаше и водство во одреден дел но кризата од пет минуту без постигнат гол го чинеше негатива од три разлика на паузата, 14-11.

Во вториот дел Охрид со серија од 4-0 го презеде водствоѕо кое го чуваше до средина на полувремето кога „Гладијаторите“ имаа 18:20. Вардар се врати во игра, се играше гол за гол кога Охрид повторно застана, а домаќинот со серија 6-2 во финишот створи недостижна предност и стигна до победа 29-26.

Вардар со оваа победа го прескокна Охрид на табелата и сега тој е втор со 18 бодови, Охрид има 16, а Пелистер 14 и меч помалку. Води Алкалкоид со максимални 20 бода.

Еурофарм Пелистер во натпревар во кој имаше контрола во најголемиот дел од времето и славеше против Бутел со 24-29. За пелистерци ова беше осмата победа во суперлигашката конкуренција, додека Бутел Скопје го доживеа четвртиот сезонски пораз. Пелистерци во 20 минута за првпат дојдоа до +2, минута подоцна и до 1-:8 и до крајот на првиот дел одржуваше резултатска предност, но без голема комоција во играта. По триесет минути игра, резултатот бепе 11-13 за гостинскиот табор.

Во вториот дел Еурофарм Пелистер имаше целосна контрола врз резултатот, и од минута во минута го зголемуваше водството, за на крај да слави со убедливи 24-29.

Во следното 11. коло Еурофарм Пелистер на домашен терен игра со Прилеп.

Ракометарите на Алкалоид и Тиквеш не дозволија изненадувања и славеа убедливи победи во денешните први натпревари од 10. коло во Суперлигата.

Aлкалоид лесно се справи со Куманово и запиша победа од 40-25, додека Тиквеш со 38-30 беше подобра од Струга. Од самиот почеток домаќинот го наметна своето темпо на игра и предноста многу брзо растеше со што стануваше јасно дека гостите нема да имаат никакви шанси за некакво изненадување.

Во завршницата од првото полувреме Алкалоид за првпат стигна и до двоцифрена предност од десет голови разлика (18-8). На паузата избраниците на Кире Лазаров веќе имаа и водство од 23-11. Ништо не се промени ниту во второто полувреме и Алкалоид продолжи да ја одржува предноста за на крајот да слави и со 15 голови разлика.

Сличен развој на настаните имаше и натпреварот во Кавадарци каде што Струга парираше само во почетните минути, а се во продолжение помина во знакот на домашниот тим.

Звонко Шундовски беше презадоволен од триумфот на неговиот тим, прв за битолчани во Лигата на шампионите. Првакот на Македонија славеше во елитното натпреварување и го проби мразот, па сега со право се надева и на пласман во плејофот.

„Ова не беше натпревар без грешки, особено ги имавме во првото полувреме, но во тој период три пати се вративме од негатива од три гола. Во вториот дел одигравме како тим и затоа уште еднаш сакам да им честитам на момците. Верувам дека овде нема да застанеме“, рече тренерот на Пелистер.

Во Лигата на шампионите следува тринеделна пауза поради репрезентативните настапи, а во следното коло Еурофарм Пелистер повторно ќе се сретне со Фредериција, но сега на домашен терен.