Екипата на Еурофарм Пелистер утре во Франција ќе се сретне со тимот на Ним, во рамките на ЕХФ Европа лигата.

Тренерот на битолчани, Жељко Бабиќ, очекува подобро издание на неговиот тим, од првиот дуел со Ним кој се играше во Битола и во кој Еурофарм Пелистер доживеа убедлив пораз.

„Ним е физички јака екипа, играат многу „еден на еден“ и многу трчаат. Впрочем, играат во француското првенство, кое има свои карактеристики. Ние можеби го одигравме најлошиот натпревар против нив во првиот дел на Европската лига. Имаа изразито расположен голман, кој ни даде и три гола, и собра десет одбрани во првиот дел. Со една таква моќна екипа ние немавме шанси. Мислам дека ќе биде овојпат поинаку. Ние сме ментално многу цврсти, спремни и имаме наши шанси. Сакаме и верувам дека можеме да извлечеме позитивен резултат“, порачува Бабиќ.

Битолски Еурофарм Пелистер веќе носи засилувања за идната сезона 2022/2023. Денес битолчани објавија дека потпиша сле Усма Хусни кој ќе ги засили во сезоната 2022/2023.

Хусни потпишал договор на две години и во Битола доаѓа од француски Истр каде што настапуваше досега. Негов матичен клуб е Африкан од каде во 2017 година се пресели во Франција.

Зад себе Хусни има настапи на три Светски првенства и една африканска титула. За репрезентацијата на Тунис има 102 настапи и 125 гола.

Актуелниот германски шампион екипата на Кил се договори со Австриецот Никола Билик да остане дел од „зебрите“ до летото во 2024 година.

Тој е веќе шест години во клубот и ќе продолжи да работи, а во Кил се задоволни што ракометарот ќе продолжи да игра за тимот.

Билик се одлучи да го носи дресот на селекцијата на Австрија така што со оваа репрезентација веќе забележа настап на неколку големи натпреварувања.

Ракометниот клуб Металург по барање на ЕХФ е суспендиран од настапи во домашното ракометно првенство поради неплатени обврски кон поранешниот играч Александер Шпенде и бившиот тренер на екипата Зоран Кастратовиќ.

Раководството на клубот од Скопје, на неколку пати бил опоменат од надлежните структури во ЕХФ бидејќи веќе подолг период не успеал да ги плати заостанатите обврски кон Шпенде и Кастратовиќ. 

Доколку Металург не ги исплати посочените обврски тогаш се соочува со исклучување од натпреварите на национално и европско ниво. 

После завршувањето на Европското ракометно првенство на кое со шампионската титула се закити репрезентацијата на Шведска, а позади неа останаа великаните Шпанија, Данска и Франција, порталот „Тоталспорт“ објави листа со вкупна годишна заработка на најдобрите светски ракометари.

На врвот е најдобриот дански ракометар Микел Хансен со годишна заработка од 1,5 милиони евра, втор е Французинот Никола Карабатиќ со еден милион евра, додека на третата позиција се најде ветеранот Ханс Линдберг кој заработува 850 илјади евра.

Чешка ќе биде финалната пречка на Македонија на патот до Светското првенство во Полска и Шведска во 2023 година, доколку нашите ракометари во првиот бараж дуел успеат да ја елиминираат Романија.

Првиот меч од оваа втора рунда од баражот ќе се игра на 11 април, а конечната одлука околу патникот на СП ќе биде донесена на реваншот закажан за 17 април.

Плеј-оф за СП 2023 – втора фаза:

Русија – Словачка/Белгија

Украина/Финска – Хрватска

Грција/БиХ – Црна Гора

Португалија/Швајцарија – Холандија

Италија/Словенија – Србија

Германија – Фарски Острови/Белорусија

Чешка – Македонија/Романија

Австрија/Естонија – Исланд

Израел/Литванија – Унгарија

Прв противник на Македонија во првата фаза од баражот е романската ракометна репрезентација.

Најдобрите македонски ракометни судии, Ѓорѓи Начевски и Славе Николов,ќе ја делат правдата на првото полуфинале на Европското првенство, помеѓу актуелниот светски првак Данска, и бранителот на титулата, Шпанија.

Полуфиналниот дуел на двата европски гиганти се игра во Петок со почеток во 18 часот.

Регионалната СЕХА лига го објави распоредот за новата сезона која ќе стартува во почетокот на наредниот месец а ќе заврши со Ф4 турнирот од 2 до 4 септември. Еве го распоредот на нашите претставници Еурофарм Пелистер и Вардар.

ГРУПА А

07.02.2022 – Партизан – Еурофарм Пелистер

10.03.2022 – Еурофарм Пелистер – Татран Прешов

22.03.2022 – Загреб – Еурофарм Пелистер

24.04.2022 – Еурофарм Пелистер- Партизан

20.04.2022 – Татран Прешов – Еурофарм Пелистер

17.05.2022 – Еурофарм Пелистер – Загреб

ГРУПА Б

06.02.2022 – Вардар – Нексе Нашице

08.02.2022 – Војводина – Вардар

02.04.2022 – Мотор – Вардар

18.02.2022 – Нексе Нашице – Вардар

22.03.2022 – Вардар – Војводина

17.05.2022 – Вардар – Мотор

По 6 кола од групната фаза ќе одигра првата елиминациска рунда а потоа во четвртфиналето ќе се приклучат Веспрем и Мешков Брест.

Најдобриот македонски ракометар и селектор на репрезентацијата, Кирил Лазаров, во интервју за хрватскиот портал „Индекс“, даде краток осврт за националниот тим и текот на Европското првенство во ракомет.

Лазаров во разговорот потенцира дека Македонија на турнирот се најде во слична ситуација како и Хрватска во поглед на подмладување на репрезентацијата и проблемите со Корона вирусот.

„Македонија исто како и Хрватска влезе во процес на подмладување на репрезентацијата. На последното тестирање пред поаѓањето на Еуро, дури седум играчи имаа позитивен Ковид тест, а поради повреда останавме и без три битни играчи во тимот, Манасков, Марковски вклучувајќи ме и мене. Така да таквата ситуација не принуди да играме со многу млади играчи.

Во тимот имав шест играчи со по 20 години, но сепак успеавме рамноправно да се носиме со Словенија и Црна Гора. Но не вреди да плачеме и кукаме, денес секој ги толкува ситуациите како што му одговара и спрема неговиот интерес. Најважно е да не ја загубиме главата во овој хаос. Мора да ја прифатиме ситуацијата и да гледаме само напред.

Според мене данската репрезентација од самиот старт прикажува одлични игри и неа ја гледам како најсериозен кандидат за освојување на титулата.

Хрватскот ракометен репрезентативец и поранешен член на Вардар, Лука Циндриќ, излезе со мислење дека тековното Европско првенство требаше да биде одложено.

Скоро сите репрезентации кои учествуваат на првенството се соочија со голем проблем со заразени играчи со Ковид-19 и тимовите не можат да состават комплетнми екипи.

И самиот Циндриќ имаше позитивен тест пред почетокот на првенството, но после карантинот тој му се приклучи на Хрватската репрезентација.

„Направив се што можев да се вратам во тимот, но се осеќав заморено и немав сила за цел натпревар. Ние не сме голема репрезентација како на пример Франција или Данска кои имаат голем број на играчи, и тоа многу не чинеше во текот на турнирот.

Челниците од ЕХФ би требало да водат поголема сметка за здравјето на играчите, и според мене овај турнир во ваква ситуација не требаше ни да се одржи“, изјавува Циндриќ.

Хрватска на овој турнир поради проблемите со играчкиот кадар прикажа слаби ракометни партии и не успеа да се пласира во полуфиналето на првенството.