Американката Валери Олман е новата светска шампионка во фрлање диск. Нејзиниот триумф дојде со фрлање од 69,48 метри во петтата серија, иако и фрлањето од 67,63 метри од нејзиниот прв обид ќе беше доволно за златниот медал.

Холанѓанката Јоринде Ван Клинкен го освои среброто со време од 67,50, додека Кубанката Силинда Моралес, која имаше најголема поддршка од трибините, го освои бронзениот медал со време од 67,25.

Сандра Елкасовиќ, двократната олимписка и светска шампионка и седумкратна европска шампионка, заврши на петтото место.

Перез Џепчирчир од Кенија го освои златниот медал во маратонот на Светското првенство во атлетика во 2025 година. 31-годишната атлетичарка патеката во Токио ја помина за 2 часа 24 минути и 43 секунди.

Маратонката од Кенија, во последните метри ја престигна Тигст Асефа од Етиопија (2,24.45). Бронзениот медал го освои Јулија Патернане од Уругвај (2,27.23).

За олимписката шампионка од на истото место во 2021 година ова е прва светска титула.

Репрезентативката на Македонија, Адријана Поп Арсова Рашиќ, маратонот го заврши на 62. место со време 3 часа, една минута и 48 секунди.

Двајцата македонски атлетичари се учесници на денеска започнатото Светското првенство во атлетика. Дарио Ивановски и Адријана Поп Арсова веќе го знаат и официјалниот термин на своите трки во маратонска конкуренција.

Прва на програмата ќе настапи Адријана Поп Арсова и тоа утре ( недела ) 14-ти септемвери во нејзината дисциплина маратон со почеток во 7:30ч. , односно 00:30ч. (македонско време).

Дарио Ивановски својот настап ќе го има на 15-ти септемвери ( понеделник ) во неговата дисциплина маратон, со почеток во 7:30ч., односно 00:30ч. (македонско време).

Мото ГП шампионатот и досега имаше посебно место за своите легенди, а од четврток има и официјална Куќа на славните, која беше откриена во пресрет на Големата награда на Сан Марино во Римини оваа недела.

На посебен настан во Римини, се собраа најголемите ѕвезди на мотоциклизмот кои повеќе не се активни, а кои меѓусебно имаат 23 титули и повеќе од 300 победи. Легендите кои повеќе не се со нас: Умберто Масети, Џеф Дјук, Џон Сартис, Мајк Хејлвуд, Фил Рид и Бери Шин, први беа примени во Куќата на славните.

Присутните ги предводеше најтрофејниот возач во историјата – Џакомо Агостини, кој во текот на својата кариера освои неверојатни 15 титули и забележа рекордни 122 победи.

По него следеа Кени Робертс, Фреди Спенсер, Еди Лосон, Вејн Рејни, Мик Дуан, Кејси Стонер, Дани Педроса и човекот кој е најзаслужен за најголемата популарност на Мото ГП шампионатот, Валентино Роси.

Сите тие добија медали во чест на влегувањето во Куќата на славните, но и плакети што одат во Кулата на шампионите, која му се доделува на шампионот од кралската класа.

Кулата на шампионите, патем, претрпе измени во однос на оригиналната верзија, во согласност со новиот идентитет на најспектакуларниот спорт во светот, како што го промовираат оние што го водат.

Секако, првиот сопственик на новиот трофеј ќе биде Марк Маркез, кој не може да ја обезбеди титулата овој викенд, но ќе ја има својата прва шанса за две недели, во Јапонија.

Вниманието сега е насочено кон самата патека, бидејќи акцијата за Големата награда на Сан Марино и Римини започна во Мизано и продолжува до недела.

Светската атлетска федерација останува конзистентна на својата политика за суспензија на спортисти од Русија и Белорусија од меѓународните натпревари, што го вклучува и Светското првенство што започнува в сабота во Токио, јави денеска агенцијата ДПА.

„Потребно ни е мирно решение“, изјави претседателот на Светската атлетска федерација Себастијан Коу, осврнувајќи се на војната што Русија ја води во Украина од 2022 година. Ништо не се променило, но искрено се надевам дека ќе се промени, и не само за спортистите, бидејќи ситуацијата е незамислива“, додаде Коу.

Русија беше казнета во ноември 2015 година за систематско допингување на своите атлетичари и оттогаш, Светската федерација им дозволи само на одредени руски спортисти да се натпреваруваат на атлетските турнири под неутрално знаме. Целосната забрана за настап на руските и белоруските атлетичари беше воведена откако почна војната во Украина пред три и пол години.

Македонецот Христијан Бузалковски го освои третото место во генералниот пласман на Европскиот шампионат во моторциклизам.

Бузалковски беше го 5. место на саботната трка а поради дефект неделната трка на патеката „СловакиаРинг“ во Словачка не ја заврши.Ја извозевме нашата најдобра сезона до сега. Речиси секоја трка бевме на подиумот на Европскиот шампионат или во борба за истиот. Покажавме дека можеме да се бориме рамо до рамо со европските тимови. Среќен сум што и оваа година го повторивме и подобривме успехот од 2023 и освоивме бронзен медал повторно но овој пат бевме во тесна трка за второто место во генералниот шампионат но поради дефект во неделата не бевме во позиција да се бориме за втората позиција. Нашата цел за следната сезона е јасна и едвај чекаме да почне, информираат од тимот на Бузалковски.

Оваа година Бузалковски освои рекордни осум подиуми на ФИМ Европскиот шампионат од извозени 12 трки.

Кошаркарите на турската екипа Пинар Каршиака триумфираа на Меморијалниот турнир „Боби Петковски“ во Гевгелија.

Во финалниот натпревар екипата од Измир убедливо го совлада косовскиот прволигаш Бора со 78-59.

Во натпреварот за третото место, кошаркарите на скопски Работнички со совладаа домаќинот на турнирот Кожув со 85-71.

Поранешниот селектор на кошаркарската репрезентација на Македонија, Александар Џикиќ, откако со Грузија се пласира во четвртфиналето на Европското првенство го доби Орденот на честа по предлог на премиерот и претседателот на Парламентот на Грузија.

Селекторот и играчите се наградени со 1.000.000 евра.

Премиерот на Грузија, Иракли Кобахидзе, објави дека владата ќе издвои три милиони лари (околу еден милион евра) за моменталниот резултат, а истата сума ќе биде обезбедена за секој следен чекор на првенството.

„Бидејќи испишавме историја, сакаме да ја одбележиме на вистински начин. Владата ќе ја награди репрезентацијата и за сегашниот и за секој следен успех на Европското првенство“, рече Кобахидзе на состанокот на владата.

За потсетување, Грузија ја победи Франција со 80:70 во осминафиналето, а ќе игра против Финска во четвртфиналето. Натпреварот е закажан за 10 септември, со почеток во 16 часот.

Холанѓанецот Макс Верстапен, четирикратен последователен светски шампион, убедливо триумфираше во трката за Големата награда на Италија по 53 круга на патеката во Монца.

Возачот на Ред Бул водеше од почетокот до крајот, откако ја започна трката од пол-позицијата, и ја забележа 66-тата победа во својата кариера и третата во оваа сезона.

Подиумот го пополнија возачите на Мекларен, Британецот Ландо Норис ја помина целта втор, а Австралиецот Оскар Пјастри трет.

Кулминацијата на нивниот дуел се случи помеѓу 47-от и 49-от круг – Пјастри го престигна Норис кој изгуби многу време во префрлањето на меки гуми, дури 5,9 секунди, што не беше план на тимот од Вокинг.

Пјастри, лидерот во генералниот пласман, направи предност од речиси две секунди, по што дојде наредба од тимот да го пропушти Норис.

Во целта и Шарл Леклер односни=о Џорџ расел ги задржаа позициите што ги имаа на стартот, четврти и петти. Зад нив следуваа Луис Хамилтон, Алекс Албон, Габриел Бортолето, Кими Антонели и Исак Хаџар.

Најбрзиот циркус во светот се сели во Азербејџан за две недели, а пред возачите во светското првенство е градска трка низ улиците на Баку.

Репрезентациите на Италија и на Турција ќе играат во финалето на Светското првенство во одбојка за жени. Во драматично полуфинале кое тареше повеќе од 2,5 часа олимпискиот шампион Италија со 3-2 во сетови (22-25; 25-22; 28-30; 25-22 и 15-13). Во решавачкиот сет двете репрезентации се менуваа во водството, а победата им припадна на одбојкарките на Италија.

Во првото полуфинале Турција ја победи Јапонија со 3:1 (16:25; 25:17; 25:18 и 27:25). Првиот сет го добија одбојкарките на Јапонија, но тоа не беше пречка за турските одбојкарки да направат пресврт и четвртиот сет да го добијат на разлика.

Утре во малото финале ќе играат Јапонија – Бразил, а во дуелот за златото Турција – Италија.