Навивачите на Ред Бул деновиве одново беа потресени од веста дека Адријан Њуи го напушта тимот по 19 години, а тоа ги подгреа шпекулациите дека тој би можел да се пресели во редовите на Ферари.

Веќе неколку недели секогаш се шпекулираше дека Ферари со сите сили се обидува да го убеди Њуи да го напушти Ред Бул на крајот од сезоната и да се пресели во италијанскиот тим, а оваа вест шокираше многумина.

Њуи е секако еден од најдобрите инженери кои Формула 1 некогаш ги имала, а неговата одлука навистина ги шокираше фановите на Ред Бул.

Тој официјално ќе ја напушти функцијата шеф на техничкиот тим на Ред Бул, на почетокот на 2025 година, но од австрискиот тим наведуваат дека тоа не значи дека ќе го напушти овој тим, туку дека добил нова функција.

Ред Бул наведува дека Њуи ќе работи на проектот за хиперавтомобилот РБ17, кој ќе биде претставен кон средината на оваа година.

Шарл Леклер и Карлос Саинц, возачи на Ферари, на трката во Мајами ќе возат визуелно малку поинакви автомобили на италијанскиот производител. Двајцата ќе седат со сини комбинезони, во болиди кои ќе имаат детали во иста нијанса.

Со ова ќе и се оддаде почит на „Скудерија“ со оглед на тоа што ова беше оригиналната боја на тој тим пред да се префрли на препознатливата црвена боја.

Автомобилот ќе има две нијанси – „Плата“ и „Дино“. Првата е поврзана со Алберто Аскари, светски шампион во 1952 и 1953 година, а втората со униформите на неколку возачи, меѓу кои Клеј Рагазони и Ники Лауда. Во 1974 година, двајцата заедно се искачија на подиумот на Холандското Гран При. Тие униформи ги сакаше и Енцо Ферари.

Ова не е прв пат да се оддава ваква почит. Пред две години во Монца имаа „Модена жолта“ на своите болиди, по повод 100-годишнината од таа патека.

Турскиот министер за култура и туризам Мехмет Нури Ерсој изјави дека земјата повторно може да биде домаќин на трка во Формула 1. Според него, тоа ќе се случи во 2026 година.

Последен пат турско Гран при се одржа како дел од Светскиот шампионат во кружни трки во сезоната 2021 година.

„Тендерот за управување на патеката Формула 1 во Истанбул се одржа на почетокот на април и беше успешно завршен. Сега преминавме на втората фаза. Претходниот закупец мора да го ослободи просторот и да го предаде на победникот. По ова, процесот на склучување договор за одржување на Гран при во Истанбул од 2026 година ќе продолжи брзо“, изјави Ерсој за „Milliyet“.

Се истакнува дека тендерот за изнајмување и контрола на објектот „Истанбул Парк“, во кој е вклучена и тркачката патека, се одржал на 2 април. Го освои Кан Билим Егитим Курумлар А.С., чиј партнер е шефот на управниот одбор на турскиот огранок на Пирели, Лале Џандер.

Првата етапа во Турција во рамките на Формула 1 се одржа во 2005 година. Во 2021 година се одржа од 8 до 10 октомври. Победи Валтери Ботас со Мерцедес, Макс Верстапен во Ред Бул беше втор, а Серхио Перез трет.

Фановите на боксот со нетрпение го очекуваат соочувањето во рингот на Тајсон Фјури и Александер Усик, а нивниот ривал Ентони Џошуа решил да го прогнозира победникот во овој блокбастер дуел.

Еден од двајцата боксери ќе ги обедини појасите во тешка категорија и ќе стане апсолутен шампион по борбата закажана за 18 мај, а Џошуа смета дека победник ќе биде Усик.

„Боксував против Усик и добро знам што искусив во тој дуел. Тој е феноменален борец и мислам дека ќе заврши одлична работа. Не сум имал дуел со Фјури и немам искуство од тоа соочување, но од она што го знам, велам дека верувам во победа на Усик“, рекол британскиот боксер.

Тајланд сака да биде домаќин на трка во Формула 1, изјави тајландскиот премиер Срета Тависин, кој денеска оствари средба со шефот на Ф1, Стефано Доменикали.

„Тајланд има капацитет да биде домаќин на Формула 1 во Бангкок“, напиша шефот на владата на социјалната мреќа Икс, по разговорите во Бангкок.

„Ако го направиме тоа, сигурен сум дека нашата земја ќе остави неверојатни спомени за другите, бидејќи имаме добар потенцијал, капацитет и гостопримство“, наведе Тависин.

Владиниот портпарол, цитиран од локалните медиуми, рече дека трката би се организира низ улиците на стариот дел на Бангкок, познат по големиот сообраќаен метеж и проблемите со инфраструктурата.

Тајланд е домаќин на трка во Светскиот шампионат во Мото ГП која секоја година се одржува во Бурирам, сиромашен, рурален регион на повеќе од пет часа возење од главниот град.

Британскиот пилот, Луис Хамилтон најави учество во трките во Формула 1 уште неколку сезони откако ќе наполни 40 години.

Во пресрет на кинеското Гран при, возачот на Мерцедес, Луис Хамилтон, изјави дека не е загрижен за коментарите за неговиот „доцен“ трансфер во Ферари во 2025 година.

„Мислам дека мојата одлука не треба да биде оправдана. Знам дека ова е вистинскиот избор за мене и откако ја донесов одлуката, ситуацијата не се промени. Никогаш немало момент да се посомневам, а туѓите коментари не ме тераат да се двоумам. И денес има луѓе кои се уште зборуваат глупости и тоа ќе продолжи до крајот на годината. И само ќе треба да го направам она што го направив минатиот пат. Ме чекаат возбудливи времиња. Ќе се тркам добро откако ќе наполнам 40 години. Ферари не е нешто краткорочно. Јас не сум најстариот пилот. Ќе се тркам подолго време и прекрасно е што Алонсо е сè уште тука“, рече седумкратниот шампион во Формула 1.

Ф1 трката во Кина ќе се вози в недела (21 април).

Фернандо Алонсо ќе продолжи да се трка за Формула 1 тимот на
Астон Мартин во наредните години откако потпиша нов
повеќегодишен договор со британскиот тим.
Двократниот светски шампион е најискусниот возач во историјата на
Формула 1 и зад себе веќе има 381 старт и се очекува оваа сезона да ја
мине границата од 400. Шпанецот дебитираше во 2001 година со тимот на Минарди, по што тој возеше за тимовите на Рено, Мекларен,
повторно Рено, Ферари, повторно Мекларен, потоа имаше пауза од
две години пред уште едно враќање со Рено, сега како Алпин и
последователниот трансфер во Астон Мартин на почетокот на 2022
година.
Овој трансфер донекаде го врати Алонсо години наназад и тој
доживува уште една младост. Минатата сезона тој забележа вкупно
осум подиуми и му помогна на Астон Мартин да заврши на петтото
место во шампионатот за конструктори. Самиот Алонсо ја заврши
годината на четвртото место, негов најдобар финиш откако беше во
Ферари пред повеќе од една деценија.
Фактот што Шпанецот го продолжува договорот со Астон Мартин
значи дека уште еден важен дел од возачката сложувалка за сезоната
2025 доаѓа на своето место. Како што е познато, повеќе од половина
од актуелните возачи моментално се без договори за следната година
и се очекува да има уште големи промени покрај преселбата на Луис
Хамилтон во Ферари.
Алонсо беше меѓу претендентите за позицијата во Мерцедес, а се
сметаше и за можен наследник на Серхио Перез во Ред Бул. Тимскиот
колега на Алонсо следната година речиси сигурно ќе биде Ленс
Строл, кој е син на сопственикот на тимот Лоренс Строл, што
практично му гарантира доживотно возачко место.

Франција соопшти дека упатила барање до многу земји да испратат повеќе од 2.000 полицајци за да помогнат во обезбедувањето на Олимпијадата во Париз ова лето. Министерството за внатрешни работи денеска соопшти дека барањето за странска безбедносна помош е поднесено во јануари, за распоредување на 2.185 полицајци.

Се бара од полициските службеници да помогнат во осигурување на безбедноста на Игрите и зајакнување на меѓународната соработка, соопшти Министерството.

Ова е класичен пристап на земјите домаќини за организација на големи меѓународни настани, додаваат од Министерството.

Така Французите испратија 200 жандарми на Светското првенство во Катар во 2022 година. Франција, исто така, минатата година беше домаќин на припадниците на европските безбедносни сили на Светското првенство во рагби.

Франција соопшти дека упатила барање до многу земји да испратат повеќе од 2.000 полицајци за да помогнат во обезбедувањето на Олимпијадата во Париз ова лето. Министерството за внатрешни работи денеска соопшти дека барањето за странска безбедносна помош е поднесено во јануари, за распоредување на 2.185 полицајци.

Се бара од полициските службеници да помогнат во осигурување на безбедноста на Игрите и зајакнување на меѓународната соработка, соопшти Министерството.

Ова е класичен пристап на земјите домаќини за организација на големи меѓународни настани, додаваат од Министерството.

Така Французите испратија 200 жандарми на Светското првенство во Катар во 2022 година. Франција, исто така, минатата година беше домаќин на припадниците на европските безбедносни сили на Светското првенство во рагби.

И покрај низата несфатливи ограничувања кои ги добија руските
спортисти за настап на ЛОИ во Париз, Русија нема да ги „бојкотира“
Олимписките игри, изјави рускиот министер за спорт, Олег Матицин .
„Не смееме да се свртиме, да го затвориме, да го бојкотираме ова
движење“, рече министерот, мислејќи на Олимписките игри.

Изјавата ги отфрли повеќемесечните шпекулации за одговорот на
Русија на драстичните услови поставени од ИОК за учество на Русите
и Белорусите на Летните игри.
Не само што ИОК бара од спортистите од двете земји да се
натпреваруваат под неутрално знаме, туку додаде и невиден сет на
критериуми.

Така, руските и белоруските спортисти ќе можат да се натпреваруваат
само како поединци и само ако активно не ја поддржуваат руската
офанзива во Украина. Дополнително ќе треба да поминат и
квалификации.