Хрватската скијачка Зринка Љутиќ направи уште едно изненадување освојувајќи го освои второто место на слаломот што денеска се возеше во Оре, Шведска.
Единствената која беше подобра од Љутиќ е Американкаа Микела Шифрин, која беше надвор од терените шест недели поради повреда, но се врати со триумф во Шведска. Швајцарката Мишел Гисин денеска беше трета со 1,34 секунди заостанување зад Американката.
Со денешната победа Шифрин го обезбеди малиот Кристален глобус, осми пат во кариерата.
Мануел Фелер го освои малиот кристален глобус во слалом
Австриецот Мануел Фелер ќе го освои малиот кристален глобус во слалом, откако последните планирани трки во оваа дисциплина беа откажани поради лошите временски услови во Крањска Гора.
„Поради обилните дождови во последните 24 часа, кои целосно ја уништија патеката, откажан е и слаломот од Светскиот куп за мажи во Крањска Гора“, соопшти ФИС.
Организаторите на Светскиот куп се обидоа да најдат алтернативна патека за домаќин на овој слалом кој беше закажан за в сабота, но за кратко време не успеаја да најдат решение.
Брињоне победи на супервелеслаломот во Квитфјел
Италијанката Федерика Брињоне ја оствари 25 победа во Светскиот куп по денешниот триумф на супервелеслаломот во Квитфјел, Норвешка. Брињоне оствари време од 1:37.30 минути, доволно за да заврши пред Лара Гут Бехрами од Швајцарија и Естер Ледецка од Чешка.
Тоа е нејзина 10-та победа во супервелеслаломот во СК и четврта оваа сезона. Ледецка е прв пат на подиумот по речиси четири години.Вчера во супервелеслаломот во Квитфјел победи Лара Гут Бехрами.
Следните натпревари се во шведскиот Оре на 9 март и 10 март.Во генералниот пласман води Гут Бехрами со 1594 бодови, пред Брињоне со 1268 бодови и Микаела Шифрин со 1209.
Холанѓанката Бол го подобри сопствениот светски рекорд на 400 метри
Фемке Бол ја продолжува својата игра со светскиот рекорд на 400 метри во сала. Холанѓанката го освои златото на Светското првенство во Глазгов време 49,17 секунди.
Пред само две недели Бол на холандскиот шампионат истрча време од 49.24.
Втора беше нејзината сонародничка Лика Клавер со 50,16, додека бронзата и припадна на Американката Холмс со 50,24.
Се спрема голема промена во правилата во скок во далечина
Светската атлетика (СА) размислува да воведе нов формат за мерење во дисциплината скок во далечина. Во иднина скокот би се мерел од т.н.„зона за полетување“, односно од местото каде што е предното стапало на спортистот при отскокот, па до местото каде што ќе слета во песочната јама. Традиционалната дрвена табла би заминала во историјата.
„Тоа значи дека секој скок ќе биде важечки со што ќе се зголемат возбудувањата и драматичноста на натпреварите, изјави извршниот директор на СА, Џон Риџон.
Целта на промените на скокот во далечина е да се намали и бројката на неважечки скокови. Риџон рече дека една третина од сите скокови на Светското првенство (СП) 2023 година во Будимпешта не се мереле бидејќи спортистите направиле престап.
Не е лесно да направите промени во спортот кој во основа бил измислен пред 150 години. Годинава ќе направиме тестови во реални околности со многу добри спортисти и доколку не мине добро тестирањето, нема да ги воведеме промените.
Во истовреме се обидуваме да најдеме и начини побрзо да ги добиваме резултатите и да не мора да чекаме 20 или 30 секунди пред да се појават“, додава Риџон.
Ферари ги претстави тркачките бои
Победникот на последното издание на трката за издржливост „24 часа Ле Ман“, Ферари, ги претстави боите со кои прототипите 499P ќе се тркаат во Светскиот шампионат во издржливост (ВЕЦ) следната сезона.
Презентацијата беше на 126-тиот роденден на основачот на компанијата – Енцо Ферари.
Скудерија се врати минатата година со два прототипа во класата „хајперкар“, победувајќи на Ле Ман со бр.51, пилотиран од Алесандро Пјер Гуиди, Џејмс Каладо и Антонио Џовинаци. Ферари оваа година повторно ќе влезе на ВЕЦ со истите екипажи, а Антонио Фуоко, Мигел Молина и Никлас Нилсен ќе се натпреваруваат со бр.50.
При откривањето на шемата на бои на 499P за сезоната 2024, Ферари објасни дека ги комбинира боите на 312 RV – последниот ВЕЦ прототип на Скудерија пред 499P – и Ф1 болидот од 2007 година што ја освои последната светска титула на Кими Раиконен меѓу пилотите во светскиот шампионат.
За оваа сезона е зголемено присуството на жолта во шемата на бои, со што се нагласени „трупот и кокпитот“, велат од тимот, а благодарение на новата шема на бои, прототипите подобро ќе се гледаат при слаба осветленост.
ВЕЦ сезоната започнува на 2 март со трката во Катар на 1.812 километри и „24 часа Ле Ман“ на 15-16 јуни.
Ивановски го подобри македонскиот рекорд во маратон
Македонскиот маратонец Дарио Ивановски денеска уште еднаш испиша историја во македонската атлетика!
На денешниот маратон во Севиља (Шпанија) на кој на стартната линија се појавија преку 250 елитни маратонци од целиот свет, со цел да исполнат норма или што подобар резултат за учество на Олимписките Игри во Париз и Европското првенство во атлетика во Рим, меѓу нив беше и најдобар наш маратонец кој оствари извонреден резултат од 2:08:25, што беше на само 15 секунди до обезбедување олимписката норма за ЛОИ во Париз.
Овој резултат претставува нов македонски рекорд и исполнета норма за учество на Европско првенство во атлетика во Рим. Со овој резултат Дарио ќе скокне на ранг листата за учество на Олимписките Игри во Париз, со што би требало да значи и обезбедено место за олимпискиот маратон во Париз.
Хрватска по третпат е светски првак во ватерполо
Хрватска по третпат во својата историја е светски шампион во ватерполо.
Хрватска во финалето ја победи Италија со 15-13 по мечот пет репрезентативци и со тоа го освои светското злато. Најефикасен во хрватскиот тим беше Константин Харков со четири гола, Јерко Мариниќ Крагиќ додаде три, Рино Буриќ два, а Јосип Врлиќ и Матиас Биљака по еден.
Андреа Фондели постигна пет гола за Италија, Франческо Ди Фулвио и Николас Прешути додадоа по два, а Лука Марцијали и Франческо Кондеми по еден.
За Хрватска ова е трета титула светски шампион, по Мелбурн во 2007 година и Будимпешта во 2017 година.
Кик-бокс клубот “Самурај“ продолжува да нижи успеси
На ден 11.02.2024 година во Спортската сала Јане Сандански во Скопје, се одржа Државно Првенство во Кик бокс, на кое учествуваа 417 натпреварувачи од 27 клубови од Македонија.
На ова натпреварување Кикбоксерите од битолскиот Кик-бокс Клуб “Самурај“ освоија 10 медали од кои 5 златни и 5 сребрени:
На ова натпреварување од Самурај исто така настапија Филип Стојковски и Енес Баталоски, кои имаа одлични настапи, па во следни натпревари очекуваме и од нив да освојат медали.
Тренерите на Самурај Тони Бошевски и Гордана Цветковска Бошевска се презадоволни од своите натпреварувачи, и ни изјавија дека продолжуваат со тренинзи уште посилно, бидејќи за брзо следат и повеќе меѓународни натпреварувања.
МекГрегор и Чендлер избраа термин за меѓусебен дуел
Претседателот на УФЦ, Дејна Вајт, потврди дела борбата меѓу Ирецот Конор Мек Грегор и Американецот Мајкл Чендлер ќе биде организирана во текот на оваа година.
„Тоа ќе се случи со текот на времето. Се надеваме оваа година. Се уште нема датум. Но, се надевам дека ќе можеме да организираме сè на есен“, рече Вајт.
Претходно и самиот Мекгрегор изјави дека неговата прва борба по паузата ќе биде со Американецот Мајкл Чендлер.
