Младите Швајцарци, Алекс Мони и Фрањо фон Алмен, остварија двојна победа на денешниот спуст на патеката во Бормио, Италија, кој се бодува за Светскиот куп во алпско скијање. Веднаш зад нив заврши Канаѓанецот, Камерон Александер.

Швајцарецот, Марко Одермарт, иако остана на петтото место, ја задржа лидерската позиција во рангирањето во најбрзата алпска дисциплина пред Алмен и Муризе. Тој е водечки и во генералниот пласман за Светскиот куп пред Хенрик Кристоферсен и Ли Мекграт.

Утре на истата локација во Бормио ќе биде возен и машкиот супер-велеслалом.

Македонската традиционална карате федерација доцна синоќа ги прогласи најдобрите за 2024 година.

Во сениорска конкуренција првото место го поделија браќата Дејан и Аљоша Недеви, исто како и кај сениорките првото место го поделија Берта Милевска и Јадранка Недева. Дамјан Донев беше прогласен за најдобар младинец а Матеј Мангаровски за најдобар кадет. Во категорија деца најдобри беа: Камелија Недев, Ива Спсеновска, Дамјан Трајковски, Филип Недев, Милан Трајковски и Тадеј Недев.

За посебен придонес во развојот на традиционалното карате и МТКФ беа одликувани: проф. др. Аце Миленковски, др. Венцислав Недев за животно дело, Борко Ристовски, Министер за спорт, Љупчо Миленковски и спортските новинари Владимир Булатовиќ и Зоран Стерјовски.

Македонскиот олимписки комитет (МОК) ги додели наградите „Златна Олимпија“ за 2024 година на најуспешните спортистки, тренерки и спортски работнички.

Најуспешна спортистка за оваа година е Милијана Рељиќ, која стигна до четвртфиналето во таеквондо на Летните Олимписки Игри 2024 во Париз, Франција.

За најнадежна млада спортистка беше прогласена Марија Димовска, која освои прво место во кикбокс маитаи на Светското Првенство во Будимпешта, Унгарија.

Признанието за женски тренер на годината го поделија Ивана Аврамова (карате) и Жаклина Стојановска (кошарка). За најистакната спортска работничка беше прогласена Соња Спасовска од КФСМ.

Федерацијата која покажа посветеност и лидерство во унапредување на родова еднаквост за 2024 година е Фудбалската федерација на Македонија.

Признанието за најуспешно женско судиско дуо за 2024 година го добија Силвана Карбевска и Марија Илиева во ракомет. Кикбокс маитаи тимот на Македонија беше прогласен за федерација со најголеми успеси. Спортски подвиг на годината изведе Радмила Јованова, ултрамаратонка, додека наградата за животно дело ја доби Луиза Гашева.

Ребека Јанковска Ристески беше наградена за нејзината заложба за деца со попреченост. Признанија добија и Црвениот Крст, Волонтерскиот центар Скопје, Интернационалната полициска организација (ИПА) и Македонскиот центар за меѓународна соработка (МЦМС) за нивната поддршка и придонес во спортот.

Шефот на одделот за моторспорт на КТМ, Пит Бајрер, потврди дека претставниците на Луис Хамилтон разговарале за потенцијално купување на австрискиот МотоГП тим од седумкратниот светски шампион во Формула 1.

Како што знаете, КТМ е во сериозна финансиска криза, што доведе до големи отпуштања и намалено производство. Доверителите на марката дури сакаат да ги прекине сите негови тркачки програми, вклучително и онаа во МотоГП, но барем засега нема такви планови.

Според Бајрер, кој зборуваше за „СпидВик“, доаѓањето на „Либерти медија“ ќе ги отвори вратите за подобра финансиска иднина за неговиот тим, кој ќе може да најде нови партнери и инвеститори. А еден потенцијален бил Хамилтон, чии претставници разговарале со Бајрер и компанијата.

-Моменталната ситуација ве прави креативни и отворени за нови разговори, така што не сме отворени само за спонзори, како што беше порано, туку и за инвеститори. Сега треба да се вратам малку назад. „Либерти медија“ понуди 4,2 милијарди долари за купување на МотоГП и се надевам дека тој договор ќе се оствари. Петте производители – Хонда, Јамаха, Априлија, Дукати и КТМ сочинуваат голем дел од оваа бројка од 4,2 милијарди. Ова го запали интересот на инвеститорите кои почнаа да не бараат со идеја да инвестираат во МотоГП проект. Можам само да кажам дека имавме многу интересна дискусија со претставниците на Луис Хамилтон. Не е тајна дека Луис е заинтересиран за МотоГП и размислува да има свој тим, рече Бајрер.

Францускиот пливач Леон Маршан е прогласен за најдобар спортист во Европа во традиционалниот избор на новинските агенции. Изборот по 67. пат го организираше Полската национална агенција (ПАП).

Маршанд (22) освои пет медали на Олимписките игри во Париз, четири златни и една бронза.

Францускиот пливач доби вкупно 155 поени. Второто место во изборот за најдобар европски спортист му припадна на словенечкиот велосипедист Тадеј Погачар (148 поени), а на третото место заврши шведскиот атлетичар Арманд Дуплантис, кој освои 142 поени.

На четвртото место е италијанскиот тенисер Јаник Синер со 113,5 поени, а петти е актуелниот светски шампион во Ф1, Макс Ферстапен (71).

Во Топ 10 се и шпанскиот фудбалер Родри (53), швајцарскиот скијач Марко Одермат (49), украинската атлетичарка Јарослава Махучич (43), белгискиот велосипедист Ремко Евенепул (36) и српскиот кошаркар на Денвер, Никола Јокиќ (35).

Сепак Холанѓанецот успеа да одолее на нападот на Норис иако имаше три месеци без победа, но триумфираше кога беше најпотребно – во Лас Вегас во ноември. Очигледно тоа го загрижи шампионот и сега размислува да си замине од тимот. Тој има договор до 2028 година, но Формула 1 експертот Марк Пристли не мисли го одработи целиот договор во тимот.

Пазарот на возачи во моментов е комплициран затоа што сите чекаат да видат како се менуваат правилата од 2026 година. Треба да го изберете тимот што мислите дека ќе го направи најдобриот болид, а тоа би можело да биде некој како Вилијамс. Тешко е да се каже дали Макс Верстапен, ќе го гледаме во Мекларен, тие имаат двајца млади и перспективни возачи, но очекувањата на тимот е големи. Знам дека се подготвуваат да се натпреваруваат со најдобрите тимови и можеби тоа е можност за Верстапен, посочи Пристли.

Министерството за спорт и Сојузот на спортски федерации на Македонија, на свечена церемонија во Националната опера и балет, ги прогласија најдобрите во македонскиот спорт за 2024 година.
Традиционалната манифестација „Спортист на годината“ оваа година одбележува 70-годишен јубилеј.

Признанието спортист на годината за 2024 му припадна на кикбоксерот Бобан Илиоски, европски шампион во категоријата до 86 кг. на ЕП во Атина. Најдобра спортистка за 2024 година е таеквондистката Милијана Рељиќ, македонска олимпијка и четвртфналистка од Олимписките игри во Париз.

Наградите на најуспешните македонски спортисти за 2024 година им ги врачија, претседателот на Владата, проф. д-р Христијан Мицкоски и министерот за спорт Борко Ристовски.

Неколку македонски пинг-понг клубови учествуваа на „Подгорица Опен 2024“ – меѓународниот турнир со силна конкуренција. Македонските играчи во повеќе категории прикажаа одлична игра, а се вратија со пет медали и еден пехар.

Софија Хасану од Младост 96 се закити со злато во младинска категорија и бронза во сениорска, додека Андреј Стојановски од клубот 10 60 АС Ѓорче Петров освои бронзен медал кај јуниорите.

Македонците освоија и ветерански медали со третото место за Сашо Стојановски од 10 60 АС Ѓорче Петров во категорија 40-49 години и Томе Петков од Пелагонија во категорија над 70 години.

Екипата на Младост 96, покрај со Софија Хасану, се претстави со Давид Јоноски, Мартин Ристески и Трајче Маркоски, кои заедно со Кристијан Митев, Андреј Бејковски и Дарко Китановски од Пелагонија одиграа одлично во младинските категории. Митев и Бејковски се пласираа помеѓу осумте најдобри во категорија до 12 години. Идентичен успех забележа Китановски во категорија до 18 години. Христијан Јовановски отскокна со пласман помеѓу шеснаесетте најдобри.

Мартин Стаменковски од Крива Паланка 2007 загуби во четвртфиналето од шампионот во категоријата 40-49 години. За тимот од Крива Паланка настапија и Мики Петковски, Игор Јовановски и Влатко Михајлов.

На турнирот настапија вкупно 320 натпреварувачи од 8 земји.

Денес се одржа свеченото прогласување на најуспешните атлетичари, тренери и клубови во Македонија за постигнувањата во атлетскиот спорт во 2024 година.

Овој значаен настан е во организација на Атлетската Федерација на Македонија, а беше одбележан во присуство на најдобрите и најталентирани спортски личности, како и почитувани гости како градоначалникот на Општина Гази Баба, Бобан Стефковски, голем поддржувач на атлетиката и спортот, Проф .д-р Влатко Неделковски, декан на Факултетот за физичко образование, спорт и здравје, новинари и други.

По поздравните зборови на водителот, присутните ги поздрави и претседателката на Атлетската федерација на Македонија, Александра Војнеска Зикова, која ја истакна успешноста на атлетиката во Македонија во изминатата 2024 година. Таа нагласи дека Македонија има бројни успеси на меѓународната сцена, со учество на Олимписките игри, Светски и Европски првенства, како и бројни рекорди поставени во различни дисциплини.

„Навистина сум среќна и горда што можам да застанам исправено пред вас, да дискутираме за напредокот и успесите на атлетиката, спортот со кој што пораснав, спортот за кој што живеам, спортот кој што ме дефинираше како личност и спортот кој што сакам да го видам на највисокиот пиедестал. 2024 беше година на нови рекорди, нови таленти и извонредни спортски резултати. Им се заблагодарувам на сите македонските атлетичари кои продолжуваат да ја предводат атлетиката во регионалните и европските натпревари, што даваат тежина на самата федерација, што го уважувате спортот и сигурна сум дека заеднички ќе продолжиме да креираме една убава заедничка приказна за атлетиката. Оваа вечер е прилика да ги наградиме најуспешните во сите категории,“ истакна Војнеска Зикова во својот говор.

Признанија и награди

На денешниот настан беа доделени наградите за најуспешните атлетичари, тренери и клубови. Во различни категории, беа наградени најдобрите во младинските и сениорските категории, како и најуспешните атлетски клубови и поединци за особени придонеси во развојот на спортот.

Признанијата беа доделени во следните категории:

• Млади пионери – Тина Доневска, клуб : Работнички и Парис Златановски клуб: Куманово
• Пионери – Ева Митевска, клуб: Работнички и Дамјан Ѓоргиевски., клуб: Работнички
• Млади младинци – Лина Исени, клуб: Лириа и Брајан Авија, клуб: 7миМај
• Младинци – Mелиса Димитриоски, клуб: Дрини Старт и Владимир Битољану, клуб: Центар
• Сениори – Дрита Ислами; клуб: Работнички и Дарио Ивановски

Наградите за најуспешни атлетичари и клубови беа доделени на основа на нивните исклучителни резултати постигнати на домашни и меѓународни натпревари, вклучувајќи рекорди, освојувања медали на Балкански, Европски и Светски првенства.
Признание за најуспешен атлетски клуб за 2024 година беше доделено на Атлетски клуб Делта од Скопје. Овој клуб, кој доминираше во атлетиката на државно ниво, се истакна со 6 државни рекорди и 6 атлетичари во националниот тим.
Признанието за најдобар тренер од Европската атлетска федерација во 2024 година му беше доделено на Алим Хајредини од АК Дрини Старт за неговиот значаен придонес во развојот на атлетиката и успешната работа со атлетите.

Признание за животно дело беше доделено на Мире Ивановски, легенда на македонската атлетика и долгорочен предводник на Атлетски клуб Вардар, кој остави незаменлив траг во развојот на атлетиката во Македонија.

Свеченото прогласување заврши со заедничка слика на наградените и присутните гости.

Наградените атлетичари, тренери и клубови ќе продолжат да го носат името на Македонија на врвот во светската атлетика.
Со ова, заврши свечената програма, а Атлетската федерација на Македонија им посака успешна нова 2025 година, исполнета со нови рекорди и медали.

Честитки за сите наградени и продолжуваме да веруваме во успехот на македонската атлетика!

Град Скопје денеска ги прогласи најдобрите во областа на спортот за 2024 година. Во сениорска категорија, првата награда му припадна на Бобан Илиоски (кик-бокс), втората на атлетичарот Дарио Ивановски а третата на шахистот Тони Лазов.

Во категоријата најуспешни спортисти во младинска категорија, најдобар е Силвио Мировски (Кик Бокс), пред каратистот Стефан Стојановиќ и Витомир Трајковски. Признанието за најдобар тренер го доби Дејан Митровски од Кикбокс клубот „Шампион“ додека во категорија Лица со попреченост, наградата ја освои Стоилко Стоицев – Планинарски спорт за искачување на врвови над 6.000 метри. За категориите Најуспешен спортист-странец и Најдобра екипа, не беа доделени награди.

На добитниците им беше доделена и парична награда со вкупен фонд од 150.000 денари, како признание за нивните достигнувања и успешни резултати во текот на годината.