Џордан Крукс од Кајманските Острови е најбрзиот пливач на сите времиња.

Во квалификациската рунда во дисциплината 50 метри слободно на Светското првенство во Будимпешта 25-метарски базени, тој забележа резултат 20.08 секунди.

За осум стотинки ја надмина претходната граница од соништата, која беше во сопственост на познатиот Американец Кејлеб Дресел.

Крукс во Будимпешта го брани златниот медал освоен во Мелбурн пред две години.

За светскиот рекорд, Џордан Крукс беше награден со 25.000 долари.

Кајманските Острови, од каде што потекнува, се мала карипска земја. Зафаќа само 259 квадратни километри и има околу 88 илјади жители. Според бројот на жители е 206.држава во светот.

Претседателот на Руанда, Пол Кагаме, објави денеска дека неговата земја ќе се пријави за домаќин на трка во Формула 1, која би се возела во главниот град Кигали.

Руанда активно ги следи плановите да биде домаќин на Големата награда на Ф1, со цел да го врати спортот во Африка за прв пат од 1993 година.

Последната трка од Светскиот шампионат во Ф1 организирана на континентот се одржа пред 31 во Јужна Африка, на патеката Кјалами.

„Среќен сум што официјално можам да објавам дека Руанда се натпреварува да ја врати возбудата на автомобилските трки во Африка со тоа што ќе биде домаќин на Големата награда на Формула 1“, изјави Кагаме.

Противниците на претседателот Кагаме ја обвинуваат неговата администрација дека користи меѓународни настани од висок профил за да ја зајакне својата репутација при прикривање на сериозни прекршувања на човековите права, задушување на слободата на изразување и ограничување на слободите во земјата.

Во август, шефовите на Формула 1 ги потврдија тековните разговори со Руанда за домаќин на трката во Ф1, при што нејзиниот извршен директор Стефано Доменикали истакна дека земјата е „сериозна“ опција.

Од друга страна, јужноафриканските власти, исто така, неодамна посочија дека сакаат трката да се врати во Кјалами, но таа патека, која се наоѓа во близина на Јоханесбург, веќе не е на ниво на стандардите и мора прво да се реновира.

Гречен Волш продолжува да си поигрува со светските рекорди на планетарното првенство во 25-метарски базени во Будимпешта.

Брилијантана Американка, најпрвин постави нови светски рекорди во дисциплините 50 метри делфин (два пати, во квалификациите и во финалето) и 100 метри мешано, а утрово постави нов планетарен рекорд во трката на 100 метри делфин.

Во квалификациите, в оваа дисциплина таа исплива 53,24, надминувајќи го достигнувањето на Канаѓанката Мекнил од 2022 година за дури 81 стотинка.

Волс веќе собра 100.000 долари за соборување светски рекорди во Унгарија, бидејќи секој најдобар резултат во историјата носи 25.000 зелени банкноти. Таа ја проби бариерата двапати во 50 метри делфин и еднаш на 100 метри мешано и претпладнево на 100 метри делфин.

Во каква форма дојде на СП во Будимпешта реално е да се очекува дека Волш ќе урне уште некој светски рекорд.

Домарају Гукеш е светски шампион во шах. Тинејџерот од Индија, кој годинава стана полнолетен, ја доби 14.партија и со резултат 7,5-6,5 го победи бранителот на титулата, Кинезот Лирен Динг.

Како се одвиваше партијата, впечатокот беше дека ќе заврши со реми и дека потоа одлуката за светскиот првак ќе биде решена со дополнителни брзи партии.

Сепак, Гукеш на крајот беше многу попрецизен. Забележлива беше нервозата кај Динг, бидејќи му остана многу помалку време од индискиот велемајстор.

Клучниот момент дојде кога Динг се понуди размена на топови во 55. потег. Гукеш прифати, а веќе во следниот потег беа разменети ловци. Индиецот остана со два пиони на масата, Кинезот со еден.

Динг тогаш сфати дека се наоѓа во позиција од која нема излез и во 58. потег го предаде мечот и на противникот му го препушти светскиот трон.

Индиецот стана 18. светски шампион во историјата. Од неговите сонародници, пред него планетарниот шампион беше само Вишванатан Ананд.

Покрај светската титула, годинава освои и злато на шаховската олимпијада со репрезентацијата на Индија.

Преостануваат уште неколку спортски настани до крајот на годината и доаѓа период на сумирање на резултатите и прогласување на најдобрите.

Сојузот на спортови и Министерството за спорт на Македонија денес ги објавија номинациите за најдобрите спортисти за 2024 година.

Шахистот Тони Лазов, кикбоксерот, Бобан Илиоски, атлетичарот Дарио Ивановски, кајакарот Ангел Петрушев и голманот Столе Димитриевски се во комбинација за спортист на годината.

Теквондистката Милјана Рељиќ, каратистката Михаела Мишовска, ракометарката Сара Ристовска, кикбоксерката Леа Бошевска и фудбалерката Наташа Андонова ќе се борат за признанието најдобра спортистка

Ќе се доделат признанија и за најдобар млад спортист и спортистка на годината, најуспешен женски и машки национален тим, најуспешен спортист на лице со инвалидитет, најуспешен тренер/селектор и најуспешна спортска федерација.

Холандскиот возач, Макс Верстапен не само што освои нова шампионска титула во Формула 1, туку заработи и најмногу пари од сите пилоти во „најбрзиот циркус на светот“.

Според податоците кои ги објави магазинот „Форбс“, Холанѓанецот само од актуелниот договор заработил 60 милиони евра, а од бонуси и премии додал уште 15 милиони евра.

Верстапен трета година по ред е најплатен Формула 1 возач според информациите на специјализираниот економски магазин.

Зад него на оваа листа на најплатени Формула 1 возачи е Британецот Луис Хамилтон од Ферари, кој заработи 57 милиони евра, од кои 2 милиони се бонуси.

Третата позиција е за Ландо Норис, кој инкасирал 35 милиони евра (12+23), четврти е Фернандо Алонсо со заработени 27,5 милиони евра (24+3,5), додека Шарл Леклер заработил 500.000 евра помалку на петтата позиција (15+12).

Футсал репрезентација на Македонија кон средината на декември ќе одигра два натпревари против Холандија и Андора во рамките на квалификациите за пласман на Европското првенство во 2026 година.

Селекторот на футсал репрезентацијата на Македонија, Васко Скендеровски за претстојните квалификациски мечеви со Холандија и Андора се одлучи да ги повика следните фудбалери:

Антонио Петровски
Иван Стојановски
Никола Спасовски
Зоран Левски
Таулант Исмаили
Даниел Марињо Де Соуза
Марио Благојевски
Садат Зибери
Драган Петровиќ
Игор Леовски
Димитар Јанев
Јакуп Рамадани
Иван Крстевски
Даниел Марихио Де Соуза

Првиот од двата квалификациски мечеви го играме на гостински терен портив силната Холандија. Дуелот ќе биде одигран на 13 декември, во Алмере, со почеток од 19:30 часот.

Во вториот квалификациски натпревар, на домашен терен ја пречекуваме Андора. Натпреварот против Андора ќе се одигра на 18 декември со почеток во 19:00 часот, во спортската сала „Јане Сандански” во Скопје.

Неверојатен старт на Светското првенство во 25-метарски базени во Будимпешта. Во текот на првиот ден беа соборени осум светски рекорди.

Самер Мекинтош ја продолжува својата сезона од соништата. По трите златни медали на Олимписките игри во Париз, 18-годишната Канаѓанка го собори светскиот рекорд на 400 слободно на СП во 25-метарски базени.

До целта и златниот медал стигна за 3:50.25 минути, а за една секунда и пет стотинки ја надмина границата од соништата која беше во сопственост на Кинеската Ли.

Мекинтош пристигна во Будимпешта како прва ѕвезда на шампионатот и тој статус уште првиот ден го оправда.

Лани Палистер (3:53,73) го зазеде второто место со рекордот во Океанија, додека трета заврши уште една Канаѓанка, Мари Софи Харви.

Расположена за соборување на рекорди е и Гречел Волш. Таа утрото го постави најдобриот планетарен резултат на 50 метри делфин со 24.03 секунди, а потоа во полуфиналето ја помести сопствената граница на 23.94 секунди. За околу шест часа Американката заработи 50.000 долари, бидејќи секој светски рекорд се наградува со 25.000 зелени банкноти.

Трендот на поместување на границите на соништата продолжи во истата дисциплина, но во машка конкуренција. Швајцарецот Ноа Понти во полуфиналето стигна до целта за 21.43 минути и го надмина претходниот личен и светски рекорд за седум стотинки.

По Понти, на ред дојде Кејт Даглас. Американката во финалето во дисциплината 200 метри мешано исплива 2:01.63 минути и го надмина една деценија стариот рекорд на славната Унгарка Катинка Хосу. Втора беше нејзината сонародничка Алекс Волш, а трета Британката Аби Вуд.

Женската штафета 4 x 100 слободно на САД го постави најдобро време во историјата. Даглас, Шекел, Беркоф и Волф ја минаа патеката за 3:25.01 минути. Во истата дисциплина златото го освои и машката штафета на САД со време на нов светски рекорд. Алекси, Хобсон, Смит и Џулијано пливаа 3:01.66 минути.

Литванскиот боксер Генадиј Крајевски, кој живеел во Англија, се самоубил на 37 годишна возраст.

Крајевски беше познат по прекарот „Балтички бомбаш“, а најмногу борби имал во Ливерпул, каде што живеел.

Неговата најпозната борба беше во 2020 година против братот на Тајсон Фјури, Томи.

„Би сакале да ги испратиме нашите сочувство и размислувања до семејството и пријателите на Генадиј Крајевски во овој момент. Балтичкиот бомбардер бил во гостинскиот агол во Мидлендс (централниот дел на Англија) многу пати“, се вели во соопштението на сочувство од Британската боксерска организација.
Последната борба Крајевски ја имаше во август 2024 година.

Швајцарскиот скијач Томас Тамлер победи синоќа на велеслалом кој во рамките на Светскиот куп се возеше во Бивер Крик, САД.

Тамлер уште по првото возење беше прв, а трката ја заврши со 2:27.60 минути и ја оствари првата победа во кариерата. Второто место го зазеде Лукас Бротен Пинеиро со заостанување од 0,12 секунди и го обезбеди првиот победнички подиум на Светското првенство за Бразил. Норвежанецот се врати на патеката по една година пауза, а сега се натпреварува за Бразил и го додаде презимето на неговата мајка.

Словенечкиот скијач Жан Крањец го освои третото место со заостанување од 0,58 секунди. Тоа беше неговиот петнаесетти пласман на подиумот.