Олимпиското злато е одличје за кое сонува секој спортист во својата кариера, а олимписките „специјали“ на Евротип се одлична можност за секој кој се обложува да може и да заработи на Олимписките игри!
Стартот на летните Олимписки игри е за неколку дена, а само во Евротип можете да ги најдете квотите за долгорочно обложување.
Евротип ви нуди прилика да се обложувате на Вашиот фаворит и на тоа која земја ќе освои најмногу медали, кој ќе освои најмногу златни медали, обложувајте се на популарните турнири во фудбал, ракомет и кошарка, атлетските трки на 100 метри во машка и женска конкуренција, како и многу други кои ќе ги најдете во билтенот на Евротип.
Уживајте пред малите екрани со одличниот спорт кој ќе го понудат Игрите, а заработете со највисоките квоти и најбогатата понуда на спортските обложувалници Евротип!
Помалку од илјада луѓе на трибините на отворањето на ЛОИ во Токио
Бројот на гости кои ќе присуствуваат на церемонијата на отворање на Летните олимписки игри во Токио ќе се намали поради епидемијата на коронавирус, јави агенцијата „Кјодо“.
Организаторите на настанот планираат да примат помалку од илјада гледачи на свечениот дел, на еден или на друг начин поврзани со организацијата на Олимписките игри.
Претходно, локалните власти одлучија церемониите на отворање и затворање на Олимписките игри да поминат без гледачи.
Игрите во Токио ќе се одржат од 23 јули до 8 август.
Илјада луѓе ќе учествуваат на отворањето на Олимписките игри во Токио
Бројот на гости кои ќе присуствуваат на церемонијата на отворање на Летните олимписки игри во Токио ќе се намали поради епидемијата на коронавирус, јави агенцијата „Кјодо“.
Организаторите на настанот планираат да примат помалку од илјада гледачи на свечениот дел, на еден или на друг начин поврзани со организацијата на Олимписките игри.
Претходно, локалните власти одлучија церемониите на отворање и затворање на Олимписките игри да поминат без гледачи.
Игрите во Токио ќе се одржат од 23 јули до 8 август.
Олимпиец на Уганда исчезна во Токио
Олимпиецот од Уганда, Јулиус Ссекителеко, исчезна во западна Јапонија. Според бројни извештаи во медиумите, кревачот на тегови тренирал како дел од деветчлен тим на Уганда.
Неговите колеги од олимпискиот тим на таа африканска земја сфатија дека тој не е таму кога не достави примерок за тест за коронавирус и кога ја најдоа неговата хотелска соба празна. Бидејќи немало 24-часовен надзор во хотелот, не е познато кога и како го напуштил хотелот. Случајот бил пријавен во полиција, која вложува максимални напори да го пронајде исчезнатиот спортист.
Ова е само продолжение на проблемот за делегацијата на Уганда. По пристигнувањето во Јапонија, беше утврдено дека еден член на делегацијата е позитивен на коронавирус, па сите тие мораа да одат во десетдневен карантин.
Формула 1 најави како ќе изгледаат болидите од наредната сезона (видео)
Формула 1 воочи Големата награда на Велика Британија претстави како ќе изгледаат болидите од 2022. година.
Иако екипите ќе променат некои детали, вака генерално ќе изгледаат болидите по целата низа на правила кои се менуваат од наредната сезона. Болидите ќе имаат целосен редизајн на предниот и задниот спојлер, а обликот на болидот ќе биде позаоблен, како би им било полесно на возачите да го контролираат.
Тркалата ќе бидат поголеми, а предниот спојлер делумно и ќе ги покрива. Формула 1 верува дека со овие промени ќе се зголеми компетитивноста и дека ќе биде полесно за претекнување, што би требало да ја зголеми и атрактивноста на спортот.
Несреќата на Роман Гросжан минатата година кога неговиот болид експлодира при удар во оградата влијаеше на дополнителни подобрувања кога сигурноста е во прашање. Новите болиди ќе бидат дизајнирани така што моторот, во случај на распаѓање на болидот, ќе може посигурно да се одвои од остатокот од болидот и да не доаѓа до истекување на гориво.
https://twitter.com/i/status/1415763097038491652
Македонија со осум спортисти ќе замине на ЛОИ во Токио
МОК ја објави листата на спортисти кои ќе настапат на престојните ЛОИ во Токио.
Конечната листа на најдобрите македонски спортисти – Олимпијци кои ќе настапат на одложените Олимписки игри ТОКИО 2020 (23 Јули – 8 август 2021 година) е следната:
Блажевска Еминова Миа – пливање 100 м.
Бранковски Борјан – спортско стрелаштво 10 м. воздушен пиштол
Георгиевски Дејан – таеквондо – +80 кгр
Деркоски Филип – пливање 400 м.
Јованоска Пулексенија – карате – Ката
Нуров Магомедгаджи – борење слободен стил – 97 кгр
Реџепи Арбреша – џудо – 52 кгр
Стојоски Јован – атлетика 400 м.
Првата група спортисти, членови на Олимписката делегација на МОК ќе заминат за Токио на 16 Јули 2021 година (Скопје – Виена – Токио).
Први од македонските спортисти ќе настапат Филип Деркоски (пливање – 400 м.) и Борјан Бранковски, спортско стрелаштво 10 м. воздушен пиштол кои на Олимписките игри ќе настапат на 24 јули.
Арбреша Реџепи (џудо – 52 кгр) ќе настапи на 25 Јули, а истиот ден ќе се одржат и борбите за медал во нејзината категорија.
Георгиевски Дејан, (таеквондо) во категоријата +80 кгр ќе настапи на 27 Јули, а истиот ден ќе се одржат и борбите за медал во неговата категорија. Миа Блажевска Еминова ќе настапи на трката на 100 м. (пливање) на 28 Јули.
Јованоска Пулексенија (карате, кати) ќе настапи на 5 август, а истиот ден ќе се одржат и борбите за медал. Стојоски Јован (атлетика) во трката на 400 м. ќе настапи на 1 август, а финалето на оваа трка е на 2 август 2021 година.
Последен на Олимписките игри ТОКИО 2020 ќе настапи Нуров Магомедгаджи (борење слободен стил, 97 кгр.). Неговите борби во осмина финалето започнуват на 6 Август, а следниот ден ќе се одржат и борбите за медал во оваа категорија.
Шеф на македонската олимписка делегација на одложените Олимписки игри ТОКИО 2020 ќе биде спортскиот директор на МОК, Владимир Богоевски, а во делегацијата одговорен за здравствениот статус на македонските олимпијци ќе биде д-р Небојша Настов.
Леброн Џејмс е најнавредуван спортист на Твитер
Интернет страницата „pickswise.com“ направи анализа во врска со сите твитови испратени до професионалните спортисти од светот на фудбалот, кошарката, тенисот, американскиот фудбал, голгот и хокејот.
Анализата која е направена врз основа на испратените твитови од јуни минатата до јуни оваа година ги даваат следните податоци:
Кошаркарот на ЛА Лејкерс, Леброн Џејмс за една година добил 122.568 пораки кои вклучуваат навредлив говор. Дневно му доаѓале во просек по 336 пораки на Твитер и со тоа е најнавредуваниот спортист.
На неславното второ место е фудбалерот на Манчестер Јунајтед, Маркус Рашфорд со 32.328 такви пораки. Следуваат Том Брејди (со 28.151), Кевин Дурант (24.370) и Вилијам „Буба“ Валас со 21.750.
Првата ѕвезда на Јувентус, Кристијано Роналдо за една година добил 11.757 навредливи твитови, а зад него се Стеф Кари со 11.203 и Месут Озил со 11.192.
Интересен податок е фактот што дури 16 од првите 20 на оваа листа се црномурести спортисти.
Александар Љафтов се сели во Италија
Еден од најдобрите македонски одбојкари, Александар Љафтов летово прави голем трансфер.
Тој ќе ја продолжи својата кариера во Италијанската лига, која важи за најсилната одбојкарска лига на светот. Тој потпиша договор со тимот на Порто Робур Коста од Равена.
Љафтов досега има големо итернационално искуство во повеќе европски лиги. Македонскиот репрезентативец настапувал во Србија, Кипар, Романија Хрватска, Бугарија, а сега заминува во најсилната светска лига.
Без гледачи на Олимписките игри во Токио
Олимписките игри во Токио ќе се одржат без гледачи, објави јапонската министерка за ОИ, Тамајо Марукава. Претходно, Јапонија прогласи вонредна состојба во државата поради пандемијата на коронавирусот, која ќе трае и за време на Игрите.
Организаторите на натпреварувањето, Меѓународниот олимписки комитет и јапонската Влада, поради тоа донесоа одлука дека сите натпревари ќе се одржат без гледачи, иако веќе беа продадени повеќе од три милиони влезници. Таквата одлука беше очекувана од причина што Јапонија бележи пораст во бројот на заразени, а забрзано се шири и делта сојот на коронавирусот.
Јапонија во средата пријави 2.180 новозаразени, од кои преку 900 беа во Токио. Вакцинацијата исто така оди доста споро, односно со две дози се вакцинирале само 15% од жителите.
Олимписките игри започнуваат на 23. јули, а ќе траат до 8. август.
Втора година по ред – откажана ГН на Австралија!
Големата награда на Австралија, 21-та трка на Формула 1 шампионатот, е откажана втора година по ред поради строгите ограничувања поврзани со КОВИД-19, објавија организаторите.
„Со големо жалење објавуваме дека Големата награда на Австралија за 2021 година е откажана поради ограничувањата и мерките со пандемијата на КОВИД-19“, рекоа организаторите на трката, што требаше да се одржи на 21. ноември.
„Пандемијата и последиците од компликации при патувањето и логистичките ограничувања значат дека не било можно да се потврди одржливоста на настаните во овој момент и затоа нема да бидат на календарот за 2021 година.“ – истакнуваат организаторите.
